Sərdar Cəlal oğlu Məmmədov 3 iyun 1954-cü ildə Naxçıvan Muxtar Respublikası  Babək rayonunun  Cəhri kəndində anadan . 1970-1977-ci illərdə Azərbaycan Tibb Universitetində ali tibb təhsili alıb. İxtisasca məhkəmə-tibb ekspertidir. Bir müddət öz ixtisası üzrə işləsə də sonradan daha çox siyasi fəaliyyətə üstünlük verib. Hazırda Azərbaycan Demokrat Partiyasının sədr, 2010-cu ilin Parlament seçkiləri ərəfəsində təsis olunan Qarabağ Blokunun həmsədridir.

Sərdar Cəlaloğlu ömrünün böyük hissəsini Azərbaycanın müstəqilliyi, suverenliyi, ərazi bütövlüyü, demokratikləşməsi  uğrunda mübarizəyə həsr etmiş siyasi liderlərdən biridir. Azərbaycan Milli Azadlıq hərəkatının öncülərindən olan Cəlaloğlu, ölkənin müstəqilliyinin qazanılmasında mühüm tarixi rol oynayan Azərbaycan Xalq Cəbhəsinin yaranmasında da  fəal iştirak edib. 1988-1990-cı illərdə Naxçıvan Xalq Cəbhəsinin təsisçilərindən biri və İdarə Heyətinin üzvü olub.

Sonrakı dövrlərdə də siyasi mübarizəsindən çəkilməyib. Yorulmadan. usanmadan Azərbaycanın demokrtikləşməsi və ərazi bütüövlüyü uğrunda prinsipial və ardıcıl mübarizə aparıb. Məhz bu prinsipiallığının nəticəsidir ki, dəfələrlə hakimiyyətin repressiya maşınına tuş gəlib. Özünə, ailə üzvlərinə, yaxınlarına təzyiqlər olunub. 1999-cu ildə hakimiyyət qüvvələrinin sifarişi ilə həyatına qəsd olunub, nəticədə ağır kəllə-beyin travması alıb. 

Sərdar Cəlaloğlu siyasi fəaliyyətinə görə, 3 dəfə qısa müddətli həbs olunub. Sonuncu dəfə  2003-cü ilin prezident seçkisindən sonra keçirilən etiraz aksiyaları zamanı həbs edilib. O, Ağır Cinayətlərə Dair İşlər üzrə Məhkəmənin hökmü ilə 4 il 6 ay  müddətə azadlıqdan məhrum edilib. Həbs olunarkən və həbsdə olduğu müddətdə işgəncəyə məruz qalıb. 2005-ci ildə əfvlə azadlığa çıxan Sərdar bəy, həbs olunduğu zaman işgəncəyə məruz qalması iddiası ilə Avropa Məhkəməsinə müraciət edib. İşgəncə hallarının araşdırılmadığı qənaətinə gələn Avropa İnsan Hüquqları Məhkəməsi 2007-ci il yanvarın 11-də  Sərdar bəyə 10 min avro kompensasiya ödənilməsi ilə bağlı qərar verib

Azərbaycan Demokrat  Partiyası  tərəfindən 2013-cü il  Azərbaycan Prezident seçkilərinə namizədliyi irəli sürülüb və prezidentlik kürsüsü uğrunda mübarizə aparıb. 

Sərdar Cəlaloğlu Azərbaycan siyasətində özünəməxsus siyasi xətt yürüdən liderlərdən biridir.  O, həmişə siyasi reallığı nəzərə alaraq, siyasi situasiyaya uyğun siyasət yürüdür. Siyasətdə yeniliyə, fərqli  fikirliliyə üstünlük verir. 

S. Cəlaloğlu təkcə siyasi fəaliyyətlə məşğul olmur, eyni zamanda  yüksək elmi potensialı, intellekti və  dünyagörüşü ilə Azərbaycan elminin inkişafına da töhfə verir. Fəlsəfəyə, qlobalizasiyaya və tibbi etnoqrafiyaya aid monoqrafiyaların və yüzlərlə elmi-fəlsəfi məqalənin, bir neçə kitabın- Mahiyyət (fəlsəfi traktat). Azadliğa məhkumuq siyasi-publistik məqalələr toplusu). İnsanlar və adamlar (fəlsəfi kəlamlar). Türkəçarə (tibbi-etnoqrafik əsər). İlahi siyasət-Tərəqqinin fəlsəfəsi (elmi-fəlsəfi triologiya).Totalitarizmin metamarfozası (elmi-siyasi əsər), Kondisialogiya ”“ Universal və enisklopedik elmin müəllifidir. 

Elmi fikirləri ilə hər zaman gündəmdə olan S.Cəlaloğlu bir ildən çoxdur ki, üzərində çalışdığı nəhəng elmi layihəni başa çatdırmaq üzrədir. O, açıqlamasında dünyanı şoka salacaq fikirlər irəli sürüb. Condisiologiya adlı elmin əsasını qoyduğunu  bildirib. Cəlaloğlunun iddiasına görə,  Condisiologiya- mütləq haqqında elmdir ki, bu da yalnız ali dərəcəli elm xadimlərinə deyil, hər bir sadə vətəndaşa mütləq həqiqəti görməyə, bu günə qədər cavabsız qalan bir çox suallara müstəqil şəkildə cavab tapmağa imkan verəcək. Başqa sözlə o, condisiologiya elmini dünya elmində mövcud olan bütün susqunluqların, müşküllərin açarı hesab edir. Cavabı olmayan və ya hələlik məlum olmayan istənilən sualın cavabını bu elmlə tapmağın  mümkün olduğunu bildirir. 

“Condisiologiya elmi bütün bu suallara nəinki cavab verir, həm də bu cavabları o qədər sadə və inkaredilməz məntiqlə əsaslandırır ki, bu məntiqə qarşı durmaq, onu hansısa şəkildə təkzib etmək sadəcə mümkünsüzdür. Condisiologiya elminin daha bir özəlliyi- elmlə dinin barışdırılmasıdır. Condisiologiya elminin digər bir üstünlüyü minilliklərdir davam edən din və elm qarşıdurmasına son qoyması, hər iki müstəvidə Allah və yaradılışla bağlı prinsipial mövqeləri bir araya gətirməsidir. Bu günə qədər din və elm bir-birini təkzib edən, qarşı cəbhələrdə yer alan sahələr hesab edilsə də, condisiologiya elmi bunun heç də belə olmadığını, əksinə, elm və dinin bir-biri ilə heyrətamiz dərəcədə uyuşduğunu, bir-birilərinin baxışlarını təsdiq etdiyini sübut edir. Condisiologiya elmi sübut edir ki, din və elmin Allah və yaradılış məsələsində bir-birinə əks mövqelərdə dayanması ilə bağlı yaradılan təəssürat əslində əsassızdır. Dünyanın Allah tərəfindən yaradıldığını, bütün böyük elmi kəşflərin bu həqiqəti inkar etmədiyini, əksinə, təsdiq etdiyini isbatlayan bu elm, bunun əksinə, dini bilgiləri inkar edən bəzi müddəaların və kəşflərin yanılmadan başqa bir şey olmadığını da təsdiq edir. Bu baxımdan, condisiologiya elmini yalnız elmdə deyil, həm də dində mövcud olan bütün qırmızı nöqtələr üçün işıq hesab etmək olar”.- deyə S. Cəlaloğlu iddia edir.

Özündə yüzlərlə elmi kəşfi ehtiva edən Condisiologiya elmi ilə bağlı S.Cəlaloğlu artıq Nobel Komitəsinə də müraciət edib.

O, siyasi lider kimi xalqın maarifləndirilməsi işində də yaxından iştirak edir. “Haray” və “Hürriyyət” qəzetinin və "Oyanış" dərgisinin təsisçisi olub. 

Qarabağ Bloku

Elman Abbasov