Əməkdar artist Baloğlan Əşrəfovun Moderator.az-a müsahibəsini təqdim edirik:

- Kəndimizə gedirəm. Orda böyük evim var, amma evin tək oğlu olduğum üçün heç kim qalmır orda. Qapını bağlamışıq qalıb. Anam Bakıda bizimlə yaşayırdı və xəstə olanda kəndə apardıq. Həkim dedi ki, ananızı kəndə aparın, dünyasını dəyişəcək, amma anam həkimin dediyindən iki il artıq yaşadı. Həyat yoldaşım da, mən də anamın quluğunda dayandıq. Sonra isə dünyasını dəyişdi. Atamı isə 1996-cı ildə itirmişəm. Bununla yanaşı, xeyir-şərdən qalan deyiləm, kənddə nə hadisə olsa, kimliyindən asılı olmayaraq gedirəm. El şənliklərinə öz kollektivimlə gedirəm, gedə bilmədiyimə isə pul göndərirəm. Bu hər müğənniyə nəsib olan şey deyil. 

- Bəli, qazanc yerim ancaq toylardı. Mənim həyatda səhvlərim çox olub və onlardan biri də odur ki, yol göstərənim olmayıb. O zaman elə adamlar vardı ki, məndən pul alıb özünə mağaza və digər obyektlər açırdırlar. Amma mən elə bilridim ki, elə belə gəlib, belə də gedəcək.

- Məsələ burasındadır ki, verilişdəki aparıcıların özləri də müğənninin şəxsiyyətinə uyğun olaraq davranış nümayiş etdirirlər. Bilirlər ki, mən yüngül xasiyyətli adam deyiləm, mənimlə şit zarafat etmək olmaz, ona görə mənə tamam ayrı cür münasibət bəsləyirlər. Hamısı hörmətimi saxlayır.  

- Bu mütləq belədir. Mən heç bir şeyə pis baxmıram, amma hər şey qədərində və dəyərində olmalıdır. Məsələn, heç kimə icazə verilmir ki, artıq-əskik danışasan, məndən eşitmədiyin sözü işlədəsən. Sən məni parodiya edə bilərsən, amma başqa söhbət ola bilməz. 

- 2007-ci ilnən indini müqayisə etsək, hər şeyin qiyməti beş dəfə artıb. Allah Mübariz müəllimin balasın saxlasın, o, vətənpərvər bir oğul kimi bunu mənə etdi. Mənə belə deyəndə Mübariz müəllim deyir ki, bu Allahın icazəsiylə olub, bunu Allah tapşırığıyla etmişəm. Onun mənim əməliyyatıma xərclədiyi pulun məbləğini bilmirəm. Bu gün Mübariz müəllim bütün insanlar üçün bu o xeyirxahlığı edir. 

- Mən bu haqda elə də çox danışmaq istəmirəm. Mənim ailə tərkibimdə, yaxınlarımda belə bir problemlə rastlaşmamışam. Dövrün özünün xarakterik xüsusiyyətləri var. Əvvəllər aza da, çoxa da qane olurdular, kimsə-kiməsə baxıb öz gününü təyin etməyib, hərə öz namusunu, ismətini qoruyub, Allahından qorxub. Amma son dövrlər istər informasiya vasitələri, istərsə də televiziyalar insanları bir az dəyişib. Hər xırda söhbətə görə boşanmaq olmaz. Ailədə söz-söhbət də, çətinliklər də ola bilər, amma buna görə ailəni dağıtmaq olmaz. Mən belə şeyin qətiyyən əleyhinəyəm. Ailə tərbiyəsindən də çox şey asılıdır. 

- Kitabımda hər şairin kitabımda bir neçə şeiri var, yəni lazım olanda kimsə bunu sifariş versə, oxuyuram. Bir şeyi deyim ki, Nəsimi yaradıcılığı siz deyən qədər də el şənliklərində ifa edilmir. Amma Füzulidən mahnı oxuyuram. 

- Əvvəla, mahnı oxuyanda gərək o, şairin oxuduğu mühiti nəzərə alasan. Elə janrlar var ki, o janrlar həmin dövrdə olmayıb. O dövrdə yazılan şeirlərin öz xüsusiyyətləri olub. Afətin oxuduğu mahnı gərək elə formaya salınaydı ki, heç olmasa Nəsimi dövrünü, onun dünyagörüşünün formalaşmasına xidmət edəydi. 

- Bu tamaşaçı kütləsinin özünü  dünyagörüşündən asılıdır. Əgər bir muğam ifaçısı klassik şairlərimizin qəzəllərindən oxuyursa, onu saxlayıb rəqsə dəyişmək tamaşaçının zövqünün kasad olması deməkdir. Yüksək səviyyəli tamaşaçı zövqü olmalıdır. Bir də müğənni muğam ifa edəndə elə oxumalıdır ki, dinləyici onu başqa mahnıya dəyişmək istəməsin. 

- Xeyr. Mən bütün şairlərin şeirlərinə mahnılar oxumuşam. Sovet dövründə bəstəkarlardan Nəriman Məmmədov, Ramiz Mirişli, Eldar Mansurov, Tahir Əkbər, Rauf Məmmədov, Cavanşir Quliyev kimi insanlar ancaq mənim üçün mahnı yazıblar. Vaxtilə "Mənim ala göz yarım" mahnısını N.Məmmədov mənim üçün yazıb. Sözləri Nüsrət Kəsəmənlinindir. Bu gün saysız-hesabsız mahnıların müəllifiyəm. Bütün müğənnilər mahnılarımı oxuyur. Azərbaycan Dövlət Universitetinin filologiya fakültəsini bitirəndə şeir aləminə bələd adamdım. Nüsrət Kəsəmənli dostum olub. Bununla yanaşı, bir çox şairlərlə münasibətlərim olub. Şərafəttin İlkin adlı tələbəm var, şairdi, gözəl mahnılar yazır. Mən "Aytac qızım" mahnısını oxuyandan sonra Azərbaycanda doğulan qız uşaqlarının əksəriyyətinə Aytac adını qoydular.

- On iki ildir Əməkdar artistəm. Mən özüm də hələ susuram, müəyyən şeyləri demək yaşıma uyğun deyil. Amm baxıram ki, yuxarıda oturanların  bəziləri elə başa düşür ki, guya mənim heç nədən xəbərim yoxdur. Amma çox şeyi bilirəm, hər şeydən xəbərim var, bir gecənin içində Xalq artisti alanı da, hörmətə Xalq artisti alanı da bilirəm kimlərdir. Mənə deyirlər ki, niyə sən tələb etmirsən? Deyirəm ki, hər şeyin öz vaxtı var. Sovet hökumətinin vaxtında müğənni fəxri ad almaq üçün əmək sərf edirdi, tarlalara, fermalara gedib kənd təsərrüfatı işçilərinə konsertlər verirdik. Pambıqçı qızlar üçün mahnılar ifa edirdik. Onda kim fəxri ad alırdısa, ona halal idi. 

Müharibənin ilk illərində mənimlə cəbhəyə gedən sənət yoldaşlarım olub. Hərbçilərimizə televizor bağışlamışam. Elə olub ki, helikopterdən yaralı əsgəri düşürüb palataya yerləşdiriblər. Mən də o, yaralı əsgərin başının üstündə mahnı ifa etmişəm ki, o, bilsin ki, Baloğlan ona baş çəkməyə gəlib. Onda Əməkdar artist adını o adama verirdilər ki, zəhmət çəkirdi. İndiki dövrdə üç mahnı yazıb, televizorda oxumaqla fəxri ad almaq olmaz. Bu gün fəxri ad alanlar hansı əməyin sahibi olublar? Bu gün fəxri ad verənlər elə bilir ki, bizim səsimiz-sorağımız gəlmir və onlar da öz işləriylə məşğuldur. Vaxtilə mənim Xalq artistinə təqdimatım olub, amma buna mane olublar. Çox sağ olsun bizim dövlət başçımız İlham Əliyev. Xəstə yatan dövrümdə mənə Əməkdar artist fəxri adı verdi. 

Bir az qəbli kövrəyəm, bir az qəlbi istiyəm, xalq artisti deyiləm, xalqımın artistiyəm. Əsas odur ki, xalqın gözündən düşməyəsən. Özüm buna görə vicdan əzabı çəkirəm. 

- Tədbirlərdə imkan olduğu qədər iştirak edirəm. Elə bir dövlət tədbiri yoxdur ki, orda ifa etməyim. Mərhum prezidentimiz Heydər Əliyevin ad günündə çıxış etmişəm. Cənab prezident İlham Əliyev prezident seçilərkən Azərbaycanın bütün rayonlarını qarış-qarış gəzmişəm. Mənim qədər səhnədə konsert verən ikinci bir adam yoxdu. Kim nə iş görüb, onu bütün Azərbaycan xalqı bilir.