“Üzləşdiyim erməni elitasına mənsub böyük iş adamları dedilər ki…”

"Ukrayna qışadək sağ qalmayacaq, onun cəmi yarım ili qalıb" - "The Telegraph"

Aleksandr Maslyakov "Şən və Hazırcavablar Klubu"nun aparıcısı postunu tərk edir

"Bizimlə qonşu olan ölkələr durmadan silahlanır, bu, onların nəyinə lazımdır ki?" - Lukaşenko

Elmira Süleymanova dəfn olundu - YENİLƏNİB

"Rusiya Qlobal Sülh Sammitini pozmaq istəyir" - Zelenski

Polis Kərki yaxınlığında yolu bağlayan erməniləri həbs edərək yolu açdı...-VİDEO

"Şoyqunun müavininin həbsi Baş Kəşfiyyat İdarəsinin uğurudur" - Budanov

Müdirinin 720 min manatını oğurlayıb sevgilisinə verən Nelli Fabriçnaya Ali məhkəmədən bərəaət istəyir

“Üzləşdiyim erməni elitasına mənsub böyük iş adamları dedilər ki…”

Oxunub: 3864

24 May 2019 | 14:41

“Üzləşdiyim erməni elitasına mənsub böyük iş adamları dedilər ki…”

Xəbər verdiyimiz kimi, Ermənistan prezidenti Armen Sarkisyan cümə axşamı Almatıda başlayan 16-cı Avrasiya Media Forumunda belə bir fikir səsləndirib:

“Qarabağ münaqişəsinə cəlb edilməsi Ermənistanın inteqrasiya layihələrində iştirakına və ölkənin beynəlxalq əməkdaşlıq platformasına çevrilməsinə mane olmur”.

Təcavüzkar ölkə prezidentinin bu bəyanatının arxasında hansısa real “uğur”lar varmı? Yoxsa bu çıxış, sadəcə, beynəlxalq və yerli ictimaiyyətdə çaşqınlıq yaratmağa yönəlib?

Tanınmış iqtisadçı alim Fikrət Yusifov Moderator.az-a açıqlamasında mövzu ilə bağlı bunları söyləyib:

“Işğalçı ölkə prezidenti bütün günü bu sözləri təkrar eləsə də, faydası yoxdur. Çünki A.Sarkisyanın belə çıxışları daxili auditoruyanın ən aşağı təbəqələrinə hesablanıb. Beynəlxalq ictimaiyyət də, Ermənistanın özündə də gerçəyi görüb təhlil edən iqtisadçı və siyasətçilər, eləcə də adi vətəndaşlar reallıqda bu ölkənin böhran vəziyyətində olduğunu yaxşı dərk edirlər. Ermənistan öncədən işğalçı siyasətinə son qoyaraq Azərbaycan torpaqlarından çəkilsəydi, son 3 onillikdə Bakı-Tiflis-Ceyhan kimi bütün qlobal layihələrdə iştirak edə bilərdi. Ancaq işğalçı xisləti səbəbindən həmin layihələrin hamısından təcrid olunub. Bu gün Ermənistanın xaricə çıxan kommunikasiya sistemi də iflic vəziyyətindədir. Yalnız İran və Gürcüstan vasitəsi ilə məhdud çərçivədə xaricə çıxışı var. Halbuki, vaxtilə bu ölkə Bakı-İrəvan dəmiryol xətti vasitəsilə asanlıqla Rusiya və digər ölkələrlə sərnişin və yük daşınmaları həyata keçirirdi. Yəni Ermənistan faktiki blokada vəziyyyətindədir. Amma təbii ki, müəyyən çabalar göstərib böhrandan çıxmağa çalışır. Bu sahədə işğalçı ölkəyə, xüsusilə, İranın dəstəyi böyükdür. Hesab edirəm ki, əgər İranın dəstəyi olmasaydı, son 30 ildə Ermənistanda həyat olmazdı...

Ermənistan prezidentinin bu cür bəyanatları eyni zamanda son dövrdə baş nazir N.Paşinyanla Qarabağ klanı arasında yaranmış ziddiyyətlər fonunda ölkə əhalisinin düşüncəsində manipulyasiya aparmağa da hesablanıb. Və əslində A.Sarkisyanın belə bəyanat verməsi onun özünün və ölkənin gerçək durumu üçün normaldır. Yəni o, öz vətəndaşlarını inandırmalıdır ki, Qarabağ münaqişəsinə rəğmən Ermənistan inkişaf edir...”

İqtisadçı ekspert işğalçı ölkənin hazırkı durumda beynəlxalq layihələrdə tam mənada iştirakının bir fantaziya olduğunu vurğulayıb:

“Ermənistan hansı qlobal beynəlxalq iqtisadi layihədə iştirak edir? Əgər İpək Yolu layihəsindən, Çinlə əməkdaşlıqdan danışırlarsa, bu da absurddur. Çünki işğalçı ölkənin mövcud kommunikasiya sistemi vasitəsi ilə bunları reallaşdırmaq mümkün deyil. Mən buna fantaziya kimi baxıram... Ermənistanda qeyd etdiyim kimi, sağlam düşünən vətəndaşlar anlayır ki, Azərbaycanın torpaqlarını işğal altında saxlaması bu ölkənin həyatının bütün sahələrinə sağalmaz yaralar vurub və vurmaqda davam edir. Son illər ərzində işğalçı ölkəyə beynəlxalq təzyiqlər də artır və faktiki olaraq Ermənistan küncə sıxılmış durumdadır...”

“Mən Rusiyada yaşayarkən bəzi tədbirlərdə erməni elitasına aid olan bir neçə böyük iş adamıyla üz-üzə gəldim. Fikir mübadiləsi zamanı onlar da etiraf edirdilər ki, Rusiyadan Ermənistana dəstək olmasa, Azərbaycan Qarabağ problemini qısa müddətdə həll edərək torpaqlarının azadlığına nail olar. Qısası, Ermənistanı kim yaradıbsa, bu gün də arxasında dayanan odur...” –deyə Fikrət Yusifov bildirib.