Aprelin 3-də tanınmış şair, tərcüməçi, 1988-ci ildən Azərbaycan Yazıçılar Birliyinin üzvü Zakir Fəxrinin 70 yaşı tamam olur. 

Bu münasibətlə Moderator.az yubilayrla bağlı təbrik sözlərinə,  yer ayırıb, yaradıcılığının müəyyən mərhələlərinə aid poetik nümunələri təqdim edir. Bu dəfə Zakir Fəxrinin dünya ədəbiyyatının şedevr nümunələrindən etdiyi poetik tərcümələri oxuculara çatdırır:

Qəmli qəlbim

son həqiqəti

Gizlətmədən belə

mənimlə dərdləşmək üçün

Ay ilə əl-ələ

hardan gəlmisən?

Bəlkə, bir uzaq,

ucqar diyardan gəlmisən?

                               

***

Mən də o yerlərdənəm...

-şəfəqin sarayları

araşıqlı,

         alov qanadlı

gecə işıqlı,

arzular atlı...

Bax, gör

sabahkı qəbrin üçün

nələr gətirmişəm - 

xatirələr, küskün illər gətirmişəm...

Mən ki, belə az dedim

Qısa günlər.

Qısa günlər,

Qısa gecələr,

Qısa illər.

Mən ki, belə az dedim,

Mən yetmədim.

Ürəyim üzüldü

Heyranlıqdan,

Umudsuzluqdan

Bürküdən,

Umud bəsləməkdən

          Nəhəng ağızda

....Sıxıldım, çeynəndim...

Kimsəsiz adalarda

Çılpaq uzandım

Sahillərdə.

Çəkdi məni özüylə 

dərinliklərə,

Dünyanın ağ balinası.

İndi də bilmirəm,

Həqiqət nədə idi.

Necə də xoşbəxt gündür...

iş görürdüm bağçada,

  

 Duman erkən çəkildi.

sarımsaq çiçəkləri üstündə.

 

Havadan asılı milçək quşları,

-başlarından alınmışdı huşları.

Heç nə yoxudu yerdə

mənə gərək, var olan.

Dəyməzdi bir kimsənin 

paxıllığın çəkməyə

Gərək deyildi kimsə

yaxasına çökməyə.

Unudum həyatda hər şeyi-

Pislik adda var olan.

Nə bir ağrı hiss etdim,

Mən nə də ki, üşündüm.

Necə varam eləyəm –

Utanmadan düşündüm.

Dikələndə göy dəniz,

Bir də ki yelkən gördüm

Bax, beləcə bir gözəl

Bir xoşbəxt ömür sürdüm.

Çəmən qırağında 

Balaca arx yanında

Bir qoca

Palıd ağacı durur, örtkəm

Koğuşu tufandan

Ildırımdan çeynənmiş.

Köklərində qara göyəm

                          Gicitkan...

    ***

Bürkülü axşamlar

Tufan toplaşır.

O ucalır, göyərir.

Küləkdən sarsılmadan,

Tənha bir ömür sürür.

Kimsəyə qısılmadan

Od alır göylərə səssizcə

Bayram edən ildırımlar

Ona çələng hörür. 

         ***

Yuxarıda

Uçan siçanların tör-töküntüsü,

Aşağı enir

Pərən-pərən

Qaranquşlar.

Dar ağacı tək uzanıb.

Sallanmış,

İldırımdan yanmış.

Çılpaq budaq üstə

Dövrə vurur quşlar

Dəstə-dəstə...

          

              ****

Nə haqda düşünürsən 

palıd ağacı?

Tufanların axşam çağında

Arx qırağında?

O haqda ki,

Oraqları qoyub kənara

-günorta

Dincəlir kölgədə

Biçinçi qızlar.

Gövdənmi, budaqlarımmı sızlar,

Düşünürsən nə haqda,

Nə barədə 

Böyük kuzə yeriyir dairədə?

Məni gözəl etdin

Baxışlarınla,

Özümünkü deyə, götürdüm onu.

Uddum onu ulduz kimi,

Xəlq olundum uydurulmuş

Gözlərdə sevimli oldum.

Gözəlləşdim bir qız kimi...

              ***

Pırvazlanıb rəqs edirəm

Bu nəşədən qanad alıb,

Qanadlanıb,

Qədəh-qədəhlə qaldı

Hazırki masa üstə.

Masa-masa kimi,

Şərab-eləcə.

Özümə də gülməlidi

Hər şey özəyinəcən

Bax beləcə,

Görən deyər dəlidi.

                ***

Qərənfillərin bürcü üstündə

Onlarla çənə döyürəm

Necə gəldi,

Aşiq qarışqacıqlardan.

Qulaq tut ora bir,

And olsun

Ağ qızıl güllərin

Oxumağı gəlir arabir...

                                    ***

Boynumu əyib gülürəm

Nəsə kəşf etmişəm guya...

Və rəqs edirəm

Bu qalmaqalda.

Nur saçır arzularda 

Hər şey çox gözəlliklə

Göz qamaşdırıcı bir halda.

                          ***

Gerçək idi

Mənim üçün hamısı,

Tanış idi torpağından, 

Daşından...

Həvva  - qabırğadan;

Kipriada – duzlu dəniz suyunun

 Köpüklərindən;

Müdrik Minevra  - 

Allahlar atasının 

Başından...

                ***

Nə vaxt ki, sən

Nəzərini ayırırsan

Yenə

əskini axtarıram divarlarda,

yalnızmismar görürəm,

həmin şəkil asılan yerdə,

orda...