Xanlarovadan Həsənovadək...

"Facebook"dakı "Deputat 2015" səhifəsində son günlərini yaşayan 4-cü çağırış Milli Məclisin (MM) üzvləri ilə bağlı müzakirələr davam edir. Hətta, dəfələrlə səhifənin yaradıcıları tərəfindən bəzi fb istifadəçilərinə (userlərə) xəbərdarlıq edilməsinə baxmayaraq, müzakirələr yenə də və əsasən təhqir, söyüş, qarğış müstəvisindən o yana keçmir. Deputatlığın nə demək  və onun hansı funksiyanı yerinə yetirməli olduğunu bilməyənlər tanıdıqları,  çox zaman da  seçicisi , fəaliyyəti ilə tanış olmadıqları deputatlar haqqında haqsız və əsassız "fikirlərini" sırımağa çalışırlar. Ona görə də (20 ilə yaxın müddətdə parlament jurnalisti kimi fəaliyyət göstərirəm) həmin səhfədə daha bir neçə nəfər deputatla bağlı yazdığım şərhlərimi oxucularla bölüşmək qərarına gəldim.

-Musa müəllim - Musa Urud Azərbaycan parlamentinin və Azərbaycan siyasətinin tanınmış simalarındandır, sadiq və sədaqətli Əliyevçilərdəndir, gündüzləri iqtidar, gecələri müxalifət olanlardan, nala-mıxa vuranlardan deyil, bir sifətlidir, əqidəlidir. İstər plenar iclaslarda, istərsə də sədr müavini olduğu Sosial siyasət komitəsinin iclaslarında çox fəal və çox aktivdir. Daim maraqlı və sadə insanlar üçün vacib əhəmiyyətli təkliflərlə çıxış edir. Azərbaycanı beynəlxalq təşkilatlarda da, konkret olaraq, QDİƏT PA-da çox uğurla və ləyaqətlə təmsil edir. Cəmiyyətə, mediaya da çox yaxın və açıq olan millət vəkilidir. Ona bundan sonrakı fəaliyyətində də uğurlar arzulayıram!

-Malik Həsənov heç bir fəallığı, aktivliyi olmayan, mətbuatdan uzaq qaçan deputatdır. Bu günə kimi bircə dəfə olsun belə hər hansı məsələ ilə bağlı nə plenar, nə komitə iclasında çıxış edib. Konkret olaraq, qardaşına görə irəli çəkilənlərdən, etimad göstərilənlərdəndir. Seçiciləri ilə əlaqələrinin nə yerdə olmasından isə məlumatsızam...Təki əlaqələri yaxşı olsun...

 -Elton Məmmədov plenar iclaslarda fəallıq göstərir, müxtəlif məsələlərlə bağlı çıxışlar edir...Amma seçiciləri ilə münasibətlərinin nə yerdə olmasından xəbərsizəm...Mətbuatla əlaqələrə də o qədər maraqlı görünmür...

-İmamverdi müəllim mətbuatda daha çox fəallığı ilə seçilir - xüsusilə, "525" və "Azərbaycan"da tez-tez maraqlı siyasi, ədəbi- bədii yazılarla çıxış edir...İnsan kimi də sadə, mehriban, zarafatcıl, deyib-gülən insandır...

-Sabir bəy-Sabir Hacıyev deputat seçilməzdən öncə mətbuatda, siyasətdə fəal olan siyasilərdən idi...Amma çox təəssüflər olsun ki, bu aktivliyini nədənsə parlamentdə görmədik... Amma insan kimi çox mədəni və çox sadə insandır...

 -Flora xanım çox sakit, çox mədəni xanımdır...Parlamentdəki və mətbuatdakı çıxışlarında da seçicilərinin problemlərini dilə gətirməyə çalışır...Həyat yoldaşı da (mərhum Şirin Mirzəyev) Azərbaycanın qəhrəman, igid oğullarındandır, şəhiddir, Milli Qəhrəmandır...

-Fəzail bəy-Fəzail İbrahimli  mədəni, sakit, səmimi insandır, tanınmış tarixçidir. 2000-2005-ci illərdə parlamentin ən fəal (ilk üçlükdə yer alan) və ən aktiv deputatlarından idi...Düzdür, komitə iclaslarında fəallığını və aktivliyini davam etdirsə də, amma 2005-2015-ci illər arasında plenar iclaslarda əvvəlki aktivkliyini və fəallığını müşahidə etmədik...Mətbuata, cəmiyyə açıq olan insandır...

 -Aqil müəllimi-Aqil Abbası elə bilirəm ki, Azərbaycanda tanımayan kəs yoxdur... O, hamını tanıyır, hamı da onu... O, hamımızdan, bizlərdən, sadə insanlardan, xalqdan biridir...Gözəl, səmimi, sadə, mehriban, şən-şux, zarafatcıl, vətənpərvər, milli ruhlu və həyat dolu bir insan, dəyərli jurnalist-publisist, istedadlı yazıçı, millətinə vəkillik edən Millətinin Vəkillərindəndir! Parlamentdə az, lakin saz danışanlardan biridir...Loru, sadə el dilində danışır və hamının qəlbindəkiləri ifadə edir... Ona bundan sonrakı fəaliyyətində də uğurlar arzulayıram. Uğurlarınız bol, yolunuz açıq olsun, Aqil müəllim. Amin!

 -Azay müəllim parlamentin ən fəal və ən aktiv deputatlarındandır. Bunu parlament jurnalistləri arasında keçirilən sorğular da təsdiq edir. Azərbaycanı beynəlxalq qurumlarda da--ATƏT PA-da və "Avronest" PA-da da uğurla təmsil edir. Mediaya da, cəmiyyətə də açıq olan millət vəkilidir. Səmimi, sadə, savadlı, mədəni insandır. Ona bundan sonrakı fəaliyyətində də uğurlar arzulayıram!

-Azər müəllim--АзəÑ€ Бадамов çox səmimi, çox mehriban, çox mədəni, çox təvazökar, çox sakit təbiətli, çox sadə insandır. Özünü bəzi siyasətdən bixəbər "siyasətçilər", deputatlıqdan qat-qat uzaq "deputatlar" kimi dartanlardan, özünü qaldırıb dağ başına qoyanlardan, sıravi, sadə insanlara yuxarıdan aşağı ədayla baxanlardan deyil. Deputat-yüksək statuslu olmasına baxmayaraq xalqdan, bizlərdən biridir. Mən bu sözləri də kiməsə xoş gəlmək, bəy tərifi üçün, hansısa məqsədlə deyil, həqiqət, obyektivlik naminə deyirəm. Onu şəxsən yaxından tanıyan, fəaliyyətini izləyən və işıqlanıran (xüsusilə də, son iki ildə) zəhmətkeş bir qələm əhli kimi deyirəm. Azər müəllim həm də bir parlamentari kimi öz üzərində işləyən, çalışan, yerində saymayan, aktiv və fəal millət vəkillərindəndir (xüsusən də son iki il-iki il yarım ərzində). İstər parlamentdəki-həm plenar. həm komitə iclaslarında, istərsə də mətbu çıxışlarında tez-tez təmsilçisi olduğu dairənin-rayonun seçicilərinin problemlərini dilə gətirir, onların həll olunmasını aidiyyatı qurumlar qarşısında qaldırır. Bunun da şəxsən özüm şahidiyəm, kimsə mənə bunun əksini söyləyə bilməz. Mediaya da çox açıq deputatdır və bu, əslində bir siyasətçi, bir deputat kimi onun üstünlüyüdür. Bir sözlə, fəaliyyəti təqdirəlayiq deputatlardandır. Ona bundan sonrakı fəaliyyətində, işlərində də bir dost, bir qardaş kimi böyük uğurlar arzulayıram və arzulayıram ki, növbəti parlament seçkilərində də iştirak edib uğur qazansın!

-Fəzail bəy--Fəzail Ağamalı parlamentin ən aktiv və ən fəal deputatlarındandır. Demək olar ki, bütün plenar iclaslarda- istər çari məsələlərlə, istərsə də gündəliyə salınan qanunvericilik aktları ilə bağlı-, həm də üzvü olduğu komitənin iclaslarında mütəmadi çıxış edir, təkliflərini irəli sürür. Tez-tez təmsilçisi olduğu dairənin seçicilərinin də problemlərini dilə gətirir, ən azı özüm buna şahidəm. Həmçinin, cəmiyyətə və mediaya da açıq olan deputatdır.

-Rafael müəllim--Rafael Huseyn bu millətinin ən istedadlı və ən parlaq simalarından, ziyalılarındandır. Gözəl, səlis natiqlik qabiliyyətinə malikdir. Onun kimi Azərbaycan (türk) dilində səlis danışan, nitq söyləyən, öz fikirini istənilən auditoriyaya çox rəvan və hamının anlaya, qavraya biləcəyi tərzdə çatdıran çox az insan, ziyalı olar. O, hansı məsələ olursa-olsun, onun haqqında elə gözəl, elə şirin, elə ləzzətli və elə savadlı danışır ki, sadəcə, zövq alırsan, mənən və ruhən dincəlirsən. Ona qulaq asmaqdan, onu saatlarla dinləməkdən əsla və əsla yorulmursan. Rafael müəllim, parlamentin həm də ən fəal və ən işgüzar deputatlarındandır. Plenar iclaslarda az danışmağa, az çıxış etməyə üstünlük versə də, sədr müavini olduğu Mədəniyyət komitəsinin iclaslarında ən çox danışan, ən çox çıxış edən, yəni, ən çox və bir-birindən maraqlı, vacib əhəmiyyətli təkliflərlə, təşəbbüslərlə çıxış edən məhz odur. Bəlkə də sözügedən komitə üzvləri, bütövlükdə millət vəkilləri arasında ondan çox təklif irəli sürən, bir-birindən vacib və əhəmiyyətli qanun layihələri hazırlayıb təqdim edən ikinci bir millət vəkilinə rast gəlinə bilməz, olsa da, cəmi bir-iki nəfər millət vəkili istisna olmaqla...15 illik deputatlıq fəaliyyəti dövründə Rafael müəllim bəlkə də onlarla qanun layihəsi hazırlayıb təqdim edib və ya onları hazırlamağı öz öhdəsinə götürüb...Onlardan qəbul olunanlar da var, qəbulunu gözləyənlər də...Mediaya, cəmiyyətə də hər zaman açıq olub, çünki siyasətə, millət vəkilliyinə yolu həm də mediadan keçib...O, həm də peşəkar qələm əhlidir, qələminə, yaradıcılığına, yazdıqlarına söz ola bilməz. Hamısı mükəmməl bir əsərdir! O, həmçinin 15 il ərzində Azərbaycanı beynəlxalq aləmdə, xüsusilə, AŞPA-da çox uğurla və çox ləyaqətlə təmsil edir. Azərbaycan, Qarabağ həqiqətlərini tutarlı faktlar və arqumentlərlə dilə gətirir, anti-Azərbaycançı qüvvələri öz dəmir məntiqi ilə susdurur, yerində otuzdurur, geri çəkilməyə məcbur edir...Bir sözlə, onun fəaliyyəti haqqında saatlarla, günlərlə danışmaq olar. Rafael Huseynə - Rafael müəllimə bundan sonrakı fəaliyyətində də uğurlar, zəfərlər arzulayıram. Uğurları bol, yolu acıq, canı sağlam olsun. Amin!

- Arif müəllim adı olub, özü olmayanlardan, varlığı ilə yoxluğu bilinməyənlərdəndir...Guya ki Abşeronun  deputatıdır, amma bu 5 ildə nə üzünü görən, nə də səsini eşidən olub... Kaş onun yerinə bizim (daha doğrusu, Abşeronun) deputatı  Mehriban Əliyeva-Mehriban xanım olaydı...Çox arzu edərdim ki, heç olmasa, bu dəfəki seçkilərdə Abşeronun millət vəkili çox hörmətli və dəyərli Mehriban Əliyeva olaydı...O zaman Abşeronun, xüsusilə, Qobunun, Güzdəkin (və sair) canı problemlərdən qurtararadı...

-Rəbiyyət xanım Azərbaycan xalqının dəyərli övladlarındandır. Həm savadlıdır, həm istedadlıdır, həm bir xanım kimi gözəldir, cazibədardır, həm də kübardır. 15 illik deputatlıq fəaliyyətində də hər zaman öndə gedən millət vəkillərindən olub. Hər zaman aktivliyi, fəallığı, prinsipiallığı, mübarizliyi, fədakarlığı ilə seçilib, fərqlənib. Jurnalistlər arasında keçirilən rəy sorğularında da hər zaman öndə olub, yəni, fəaliyyəti təqdir olunub, müsbət qiymətləndirilib. Siyasətçi, parlamentari üçün medianın, jurnalistlərin rəğbətini qazanmaq vacib amillərdəndir və bu, heç də hər kəsə nəsib olmur. Amma Rəbiyyət xanım daim jurnalistlər arasında sevilib, dəyərləndirilib. Hətta, haqqında olmazın təhqirlər və böhtanlar yazılmasına baxmayaraq, heç zaman medianı məhkəmə ilə hədələməyib, əlində olan imkanlardan yararlanıb onları susdurmağa cəhd etməyib, əksinə, çox təmkinli və soyuqqanlı davranıb. Bunu heç də hər kəs bacara bilməz. Amma Rəbiyyət xanım öz aristokratlığı ilə bunu bacara bilib. Rəbiyyət xanım həm də Azərbaycanı beynəlxalq aləmdə, ATƏT PA-da çox uğurla və layiqincə təmsil edib, Azərbaycan, Qarabağ həqiqətlərini dilə gətirib, öz tutarlı arqumentləri ilə anti-Azərbaycançı qüvvələrə layiqli cavablarını verib. Bütün bunlardan sonra yenə də bəzilərinin onun,haqqında-özü də tanımadan və bilmədən-qurşaqdan aşağı ifadələr işlətməsi əsla və əsla düzgün deyil, bəlkə də günahdır. Nə isə...Hər kəsə özü bilər...Kiməsə ağıl öyrətmək fikrində deyiləm və bu, mənim həddim də deyil... Son olaraq Rəbiyyət xanıma bundan sonrakı fəaliyyətində də-harada olursa-olsun- növbəti uğurlar, zəfərlər arzulayıram! 

-Ziyad müəllim sadə, mədəni, abırlı, təmkinli, işgüzar, yerini bilən, savadlı və ziyalı insandır. Kimsənin də kimsənin, o cümlədən Ziyad müəllimin şəxsiyyəti, ləyaqəti ilə oynamağa, onu təhqir etməyə, aşağılmağa haqqı yoxdur. Ziyad müəllimə bundan sonrakı fəaliyyətində də uğurlar arzulayıram!

-Leyla xanım- Leyla Abdullayeva olduqca mədəni, sadə, səmimi, mehriban və mərd İnsandır. Xüsusilə, son iki illik fəaliyyətində də aktivliyi, fəallığı, maraqlı təklif və çıxışları ilə seçilib, fərqlənir. Onun yaxından və birbaşa iştirakı ilə "Milli mətbəx mədəniyyəti haqqında" olduqca vacib və maraqlı qanun layihəsi hazırlanıb və qəbulunu gözləyir. Ona bundan sonrakı fəaliyyətində də uğurlar arzulyarıam!

-Hörmətli yoldaşlar, cənablar və xanımlar, heç kimin şəxsiyyətini alçaltmağa, aşağılamağa, onun fiziki qüsurunu üzünə vurmağa, qardaşlarımız demişkən, onunla alay etməyə heç kimin və heç kimin əsla və əsla haqqı yoxdur. Məsəl var, söymə nökər atamı, söyməyim bəy atanı! Bir gün küfr etdikləriniz, söylədikləriniz özünüzə qayıda bilər və qayıdacaq. Bunu bilin və agah olun! İkincisi də Tahir müəllim peşəkar deputatlardan, siyasilərdəndir. Hər zaman da aktivliyi, fəallığı ilə fərqlənib. Xüsusilə də bələdiyyələrlə bağlı məsələdə hər zaman prinsipial mövqedən çıxış edib, onları sərt şəkildə edib və konstrukitiv təkliflərini verib. Ona görə də Tahir müəllimə bundan sonrakı fəaliyyətində də uğurlar arzulayıram. Uğurlar olsun, Tahir müəllim! 

-Novruzəli müəllim-Novruz Aslan son dərəcə gözəl, səmimi, sadə, xeyirxah, təmənna güdməyən, minnət qoymayan və mehriban İnsandır. Parlament fəaliyyətində də-xüsusilə, üzvü olduğu Aqrar siyasət komitəsində maraqlı fikirləri, təklifləri ilə tanınıb, fərqlənib. Həm də gözəl bəstəçidir. Ona bundan sonrakı fəaliyyətində də uğurlar arzulayıram. Yolunuz hər zaman açıq, uğurlarınız daim bol olsun, Novruz müəllim. Amin!

-Rövşən müəllim olduqca mərd, təmənnasız, xeyirxah, mərhəmətli, sadə, səmimi, mədəni və vətənpərvər İnsandır. Millətinə Vəkillik edən millət vəkillərindən-Millətinin Vəkillərindəndir. İstər parlament fəaliyyətində fəallığı ilə seçilir, istər Azərbaycanı beynəlxalq qurumlarda olduqca ləyaqətlə təmsil edir, istərsə də mediaya hər zaman xoş münasibəti, açıqlılığı ilə seçilir. Ona bundan sonrakı fəaliyyətində də böyük uğurlar, nailiyyətlər arzulayıram və istəyirəm ki, 4-cü dəfə Millətinin Vəkili seçilsin!

-Abel müəllimi bir çox deputalar və siyasətçilərdən (həmçinin, rektorlardan) fərqli olaraq, mediaya, cəmiyyətə açıq olan sadə insanlardan biri kimi tanıyıram...Heç zaman mətbuatın hətta, ən kəskin suallarından belə qaçmayıb, yayınmayıb, səhv deyib, düz deyib, bu, ayrı məsələ, ancaq nəyi necə düşünübsə, o cür də deyib, fikrini bildirməkdən çəkinməyib...Dəfələrlə şəxsən özüm müsahibələr almışam və müsahibələri də hər zaman maraqlı, oxunaqlı, yenilikçi olub... Həm də mehriban və mədəni insandır. Ona fəaliyyətində uğurlar arzulayıram! 

-Qüdrət bəy--Qüdrət Həsənquliyev parlamentin ən fəal və ən aktiv deputatlarındandır. Bu, quru tərif, adi söz yığını deyil, bu, həqiqət və reallıqdır. Bunu danmaq, görməmək, qiymətləndirməmək və etiraf etməmək insafsızlıq olardı. O, elə bir iclas olmur və olmayıb ki, istər cari məsələlərlə, istərsə də gündəlikdəki məsələlərlə-qanun layihələri ilə bağlı çıxış etməsin və ya öz təkliflərini verməsin. Qüdrət bəy istər plenar iclaslarda, istərsə də üzvü olduğu Hüquq siyasəti və dövlət quruculuğu komitəsinin iclaslarında öz aktivliyi və fəallığı ilə fərqlənir. Çıxışlarında da hər zaman xalqı, seçiciləri maraqlandıran, narahat edən məsələləri, problemləri gündəmə gətirir. Mətbuata da olduqca açıq və yaxın bir insandır. Onun fəaliyyətində ən başlıca və təqdirəlayiq məqamlardın biri də Türkçü olmasıdır!

-Aydın müəllim-Aydın Abbasov, qardaşdı! Mərd, təmənnasız, xeyirxah Kişilərdəndir! Səmimi, sadə,mehriban İnsandır! Ona bundan sonrakı fəaliyyətində də uğurlar, nailiyyətlər arzulayıram. Qardaşım, əziz dostum, yolunuz hər zaman açıq, uğurların daim bol olsun. Amin!

-Jalə xanım fəal və aktiv deputatlardandır. Sadə, mədəni, sakit təbiətli və mehriban xanımdır. Hər zaman da cəmiyyətə, mediaya açıq siyasətçi, millət vəkilidir!

-Canım, ürəyim Zeynəb xanım-Zeynəb Xanlarova! Millətimizin, Azərbaycanımızın, Türk Dünyamızın fəxri Zeynəb xanım! Xanımların xanımı Zeynəb xanım! Allah Sizi bizlərə, Azərbaycanımıza, Türk Dünyamıza çox görməsin. Allah hər zaman üstünüzdə Yar olsun. Min kərə Amin!

-Nizami müəllim- Nizami Cəfərov parlamentdə orijinallığı, özünəməxsusluğu, şirin, duzlu-məzəli söhbətləri ilə seçilən, səmimi, mehriban və aktiv millət vəkillərindəndir!