"Qatil istintaqda deyib ki, o, cəbhədə döyüşdüyü zaman Yekaterina ona xəyanət edib..."

 

Rusiyanın güc strukturları "Vaqner" özəl hərbi şirkətinin sabiq döyüşçüsünü münasibətdə olduğu qadının və onun yeddi yaşlı qızının qətlə yetirilməsində şübhəli bilərək saxlayıb.

 

Moderator.az xəbər verir ki, bu barədə "lenta.ru" nəşri məlumat yayıb.

 

Məlumatda deyilir ki, "vaqnerçi" analoji cinayətə görə cəza çəkdiyi koloniyadan cəbhəyə cəlb edilib.

 

İkili qətldə şübhəli bilinən 27 yaşlı Artyom Buçinin çoxdandır ki, qanun ilə problemləri var. O, zorakılıq tətbiq edilməklə soyğunçuluğa və aliment verməkdən yayındığına görə məhkum edilib. 2022-ci il o,Tatyana Rekutina adlı tibb bacısını zorlamaqda və qətlə yetirməkdə şübhəli bilinərək saxlanılıb.

 

İstintaqda Buçin deyib ki, bu cinayəti "anlaqsız" olduğuna görə törədib. Rekutinanı qətlə yetirdikdən sonra o, intihar etmək istəyib, lakin alınmayıb.

 

2023-cü ilin fevralında məhkəmə Buçini 20 il müddətinə azadlıqdan məhrum edib. Lakin cinayətkar dəmir barmaqlıqlar arxasında çox qalmayıb, qatil "Vaqner qrupu" özəl hərbi şirkətilə müqavilə bağlayaraq ön cəbhəyə yollanıb.

 

2024-cü ildə Buçinə yaralanmasi ilə bağlı məzuniyyət verilib və o, müalicəsini davam etdirmək üçün doğma Çusovoy şəhərinə (Perm diyarı) yollanıb. O, orada sentyabrın 12-dək olmalı, sonra cəbhəyə dönməli idi.

 

Bu gün, cəbhəyə dönməzdən az öncə o, 27 yaşlı Yekaterina və onun 7 yaşlı qızının qətlə yetirilməsində şübhəli bilinərək saxlanılıb. Onların cəsədləri avqustun 29-da Matrosov küçəsindəki mənzildə aşkar edilib.

 

Qətlə yetirilən qadının soyadı açıqlanmır, çünki qadın bu soyadı öz övladlarına verib, Buçinin qətlə yetirilən ögey qızından başqa, onların kiçik oğlu da var. Artyom oğlunu atasına təhvil verib, atası isə onu qətlə yetirilən Yekaterinanın qohumlarına verib. Onlar oğlanın qətlin şahidi ola biləcəyini güman edir.

 

Hüquq-mühafizə orqanları ana və qızının hansı şəraitdə həlak olduqlarını açıqlamır. Qonşuların deməsinə görə, qatil qızı "boğub, bütün sifətini skoçla bağlayıb", anası isə "qızının yanında ədyalın altında, bədənində çoxsaylı sıyrıntılarla dolu halda" tapılıb.

 

İstintaqda Buçin deyib ki, Yekaterinanı çox qısqanıb. "Vaqnerçi" hesab edib ki, o, cəbhədə döyüşdüyü zaman qadın ona xəyanət edir.