"İran müharibəyə hazırlaşır və yardım üçün Rusiyaya müraciət edib" - "The New York Times"

 

"Rusiya və İran arasında əməkdaşlıq genişlənir, İran Rusiyanı özünün strateji tərəfdaşı adlandırıb..."

 

İran İsrailə qarşı ehtimal edilən miqyaslı müharibə ilə bağlı Rusiyaya müraciət edib. O, hava hücumundan müasir müdafiə sistemləri və radarların verilməsini xahiş edib.

 

Moderator.az xəbər verir ki, bu barədə "The New York Times" nəşri yazıb.

 

Məlum olduğu kimi, avqustun 5-də Rusiyanın sabiq müdafiə naziri, Rusiya Təhlüləsizlik Şurasının katibi Sergey Şoyqu İrana gəlib, orada ölkə prezidenti Məsud Pezeşkian və İran Silahlı Qüvvələrinin komandanı, briqada generalı Məhəmməd Baqeri ilə görüşüb, sonuncu İsrailə hərbi zərbələrin planlaşdırılmasına rəhbərlik edir.

 

İran lideri ölkəsinin Rusiya ilə özünün strateji tərəfdaşı kimi münasibətləri dərinləşdirməkdə qətiyyətli olduğunu bəyan edib.

 

"Vaşinqtonun dünya meydanında liderliyi dövrü keçib. Rusiya İran xalqına çətin zamanlarda dəstək verən ölkələrdən biridir", - o, bəyan edib.

 

İran prezidenti Qərb ölkələri, o cümlədən ABŞ-ı tənqid edib və deyib ki, onlar sözdə insan haqlarının müdafiəsindən dəm vurur, lakin əməldə İsrailin cinayətlərinə susur.

 

"İsrail rejiminin Qəzzanın məzlum və müdafiəsiz  xalqına qarşı cinayətkar hərəkətləri və ötən həftə Tehranda HƏMAS lideri İsmail Haniyənin qətlə yetirilməsi bütün beynəlxalq qanun və qaydaların pozulduğunun əyani nümunələridir".

 

"Rusiya və İranın çoxqütblü dünya düzəninin irəliyə aparılmasında birgə mövqeləri, heç şübhəsiz, böyük qlobal təhlükəsizliyə və sülhə gətirib çıxaracaq", - İran prezidenti bəyan edib.

 

Şoyqu qeyd edib ki, Rusiya İranla regional məsələlər üzrə hərtərəfli əməkdaşlığa hazırdır.

 

Yaxın Şərqdə vəziyyətin kəskinləşməsi

 

İyul ayında HƏMAS lideri İsmayıl Haniyənin Tehranda qətlindən sonra İran İsraildən qisas alacağını vəd edib. 

 

Avqustun 5-də KİV-lər yazıb ki, İran İsrailə onun ərazisinə hücum etmək qərarı barədə xəbərdarlıq edib.

 

İranın İsrailə yeni hücumu əvvəlkindən xeyli güclü ola bilər. Tehran mindən artıq hava hədəflərindən istifadə edə bilər, bunu İsrail Müdafiə Ordusu Baş Qərargahının ehtiyatda olan polkovnik-leytenantı Mark Babot hesab edir.

 

Dünən axşam Tehran mülki aviasiya üçün yaxın zamanlarda İranın hava limanına daxil olmamaq barədə xəbərdarlıq elan edib.