Narın tərkibində orqanizm üçün faydalı olan vitaminlər, minerallar və antioksidantlarla zəngindir.

 

Moderator.az xəbər verir ki, bu barədə "Detaly" nəşri yazıb.

 

Sulu və şirin yeməli toxumları olan meyvə selüloza, vitaminlərlə zəngindir, hətta bir qədər zülal, habelə çoxlu miqdarda antioksidantlar və iltihabəleyhinə birləşmələr var. Narın ürəyin, cidik axarı yollarının, beynin, həzmin və prostat vəzin sağlamlığı üçün faydalı olduğu öyrənilib.

 

Lakin bu, tam siyahı deyil. Narın tərkibində olan bəzi maddələr xərçəng əleyhinə təsirə malikdir, məşqlərdən sonra

əzələlərin bərpasına kömək edir və zərərli bakteriyalarla mübarizə aparır.

 

Orta ölçülü bir narın (282 qram) tərkibində nələr var?

 

Qida dəyəri: 234 kilokalori

Zülallar: 4, 7 q

Yağlar: 3, 3 q

Karbohodratlar: 52 q (bunlardan şəkər-38,6 q, selüloza-11, 3 q)

Kalsium: 28, 2 mq

Dəmir: 0, 85 mq

Maqnezium: 33, 8 mq

Fosfor: 102 mq

Kalium: 666 mq

Vitamin C: 28, 8 mq

Fol turşusu (vitamin B9): 107 mkq

 

Beləliklə, bir porsiya nar dənələrində ( yarım stəkan və ya 87 qram) 72 kkal, 16 qram karbohidrat, 1 qram yağ və 1, 5 qram zülal var.

 

 

Nar antioksidantlar və polifenol birləşmələrlə zəngindir, onlar sərbəst radikalların törətdiyi zədələnmələrdən müdafiə edir, ümumi sağlamlığı qoruyub saxlayır, bir çox xəstəliklərin qarşısının alınmasına kömək edir.

 

 

Tədqiqatlar göstərir ki, nar ekstraktı oksidləşmə stresini və arteriyalarında iltihabı azaldır, qan təzyiqini aşağı salır, aterosklerozla mübarizədə kömək edir. Bir stəkan (220 ml) nar şirəsini 5 gün müddətində istifadə edilməsi döş nahiyəsində ağrıları azaldır. Lakin diabet xəstələrinə nar şirəsini mütəxəssisin məsləhəti olmadan müntəzəm istifadə məsləhət görülmür.

 

 

Bəzi laborator təqdiqatlar göstərib ki, nar meyvəsində, şirəsində və yağında olan birləşmələr xərçəng hüceyrələrini məhv edir və ya orqanizmdə yayılmasını ləngidir. Bu maddələr, əsasən, ağ ciyər, döş vəzisi, prostat vəzi, dəri və yoğun bağırsaq xərcəngində müsbət təsir edir.

 

Heyvanlar üzərində aparılan tədqiqatlar narın qara ciyər xərçənginin erkən mərhələlərində şişin inkişafını ləngidir, habelə iltihabi və oksidləşmə stresinin qarşısını alır.

 

 

Narda olan polifenollar məşğələlərin icrası zamanı orqanizmin dözümlülüyünü yüksəldir. Bir qram nar şirəsinin  qaçışdan 30 dəqiqə əvvəl qəbul edilməsi orqanizmin taqətdən düşmə zamanını 12 faiz yüksəldir. Eyni zamanda, nar əzələlərin bərpasında kömək edir.

 

 

Narın tərkibində olan ellagitanin birləşmələri beyni Altsheymer xəstəliyi və Parkinson xəstəliyindən qoruyur, beynin hipoksiya-işemiya zədələnməsindən sonrakı bərpasına kömək edir.

 

 

Nardan istifadə faydalı bakteriyaları, o cümlədən Bifidobacterium və Lactobacillus kimi balteriyalarının səviyyəsini yüksəldir, prebiotik kimi təsir edir. Nar həmçinin seluloza ilə zəngindir, bu da həzm sisteminin sağlamlığı üçün vacibdir, qəbizlikdən, babasildən, yoğun bağırsağın xərçəngindən qoruyur.

 

 

Narın tərkibində olan birləşmələr qocalma prosesini ləngidir. Bu, urolitin A maddəsi ilə bağlıdır. Bu maddə yalnız nardan istifadə ediləndən sonra insanın bağırsağında həzm prosesində əmələ gəlir.

 

Healthy Walla