Tanınmış aktyor İbrahim Çingiz Moderator.az-ın suallarını cavablandırıb.

 

 

- Hər zaman beynimdə bir fikir olub. Çox şükür ki, o fikirlər, ideyalar həyata keçdi. Bu bir enerjidir. Mən enerjimi ötürürəm və bu mənim həyatımda baş verir. Hələ məni irəlidə daha böyük uğurlar gözləyir. Çünki bunu da artıq beynimə yürütmüşəm. İnşallah gələcəkdə bunları da görəcəksiniz.

 

 

 

- Ümumiyyətlə mənim sənətə gəlməyimin atamla heç bir bağlılığı yoxdur. Ola bilsin ki, sadəcə qan çəkib. Heç vaxt ona baxıb sənətə gəlməmişəm. Mənim öz planlarım olub, Allahın isə mənə qarşı başqa planları olub deyə gəlib incəsənətlə məşğul olmuşam (gülür). 

 

 

- Mənim belə bir tələbim yoxdur, amma istəyərəm ki, məni özümə görə tanısınlar. Necə ki, tanıyırlar da. Təbii ki, heç vaxt atamın kölgəsində qalmağı sevməmişəm. Mən tanınmaq istəyirəmsə onun kölgəsindən çıxmalıyam və öz yolumu seçib irəli getməliyəm.

 

 

- Bəli, bu gün həm də ilk dəfə evli olaraq doğum günümü qeyd edirəm. Görkəmimdə də dəyişiklik baş verib. Yeni yaşımda çox böyük uğurlar məni gözləyir. İnşallah ki, Allah məni yanıltmaz.

 

 

 

- Ətrafımda hər zaman pozitiv insanlar olur, özümü neqativ insanlardan uzaq tuturam. Çalışıram ki, özümü pozitivə kökləyim, gələcəyə böyük ümidlə baxım. Kumirlərim-atam, anam, həyat yoldaşım da belə düşünürlər deyə, mən də çalışıram pozitiv olum.

 

 

- Əsas odur ki, həyatda dondan-dona girməyək. Bizim sənət elədir ki, bəzən yox, tez-tez aktyorları, sənət adamlarını həyatda dondan-dona girən, min sifət alan, maska taxan görürük. Sözsüz ki, serialda, filmdə mən bunu ürəklə edirəm, çox ləzzət edir mənə. Hər dəfə bundan böyük həzz alıram. Qarşıma məqsəd qoyuram və o məqsədi yerinə yetirirəm. Yeni obrazlara, imiclərə, görkəmlərə alışmışam.

 

 

 

- Sözsüz ki, vaxt çatdırmağa çalışıram. Amma bu 3 il ərzində pandemiya, serial çəkilişləri, teatra ayıracağım vaxtı əlimdən aldı. Amma gələn mövsümdən istəyirəm yeni bir tamaşa oynayım. Teatr üçün çox darıxmışam. Düzdü, indi də oynayıram, amma yeni tamaşa istəyirəm. Teatr mənim üçün məktəbdir, evdir. Bu günki uğurlarımın böyük payı həm də teatra düşür. Teatrı həqiqətən də sevirəm.

 

 

- Uğurlarıma görə Rövşən İsaxa hər zaman dərin təşəkkürümü bildirirəm. O mənim ustadımdır, müəllimimdir. Mən sənətdə nəyə nail olmuşamsa Rövşən İsaxın dəstəyi ilə olub. Çox xoşbəxt sənətçiyəm ki, Rövşən İsax məktəbi keçmişəm, onun yanında olmuşam. Mənə elə gəlir ki, mən “Vicdan haqqı”, “Yuxu kimi” seriallarında çəkilməsəydim başqa bir seriallarda özümü görməzdim. “Vicdan haqqı” serialından sonra “Könül yarası” serialında çəkildim. Bu serial mənim üçün bir təkan oldu və bir çox dəvətlər aldım.

 

 

 

- Şəxsi həyatım haqda danışmağı sevmirəm. Mənə elə gəlir ki, kimin ki, ailəsində bu xoşbəxtlik və sevgi yoxdur, onlar bu barədə daha çox danışırlar. Ona görə də mən bu haqda çox az-az danışıram və bizdə hər şey qaydasındadır. Biz “Könül yarası” serialında tanış olmuşuq. Aydanın bacısı Fidan Axundova ilə serialda baş rolları paylaşırdıq. Aydan bacısının yanına qonaq gəlirdi, elə tanış olmuşuq. Biz evlənəndə bir-birimə söz verməmişik, bir-birimizi əvvəldən hiss edirdik. Danışmasaq da bir-birimizi başa düşürük ki, ürəyimiz nə istəyir.

 

 

- Ümumiyyətlə, mən efirlərdən uzaq biriyəm. Hər zaman demişəm ki, bu mənim ulduz xəstəliyinə tutulduğuma görə, özümü kimdənsə üstün saydığıma görə deyil (gülür). Mən özümü verilişlərin çoxunda görmürəm, suallar anormaldır, mövzu nədir, nəyə görə məni dəvət ediblərsə özləri də bilmir. Ancaq seriala çəkilməyimlə bağlı bəzən verilişlərdə iştirak edə bilərəm. O da çox nadir hallarda. O ki, qaldı şəxsi həyata, ailəyə. Bunları kamera önündə göstərmək lazım deyil.