Xəbər verdiyimiz kimi bu gün Vətən müharibəsində qəhrəmancasına şəhid olan gizir İsmayıl Sadiq oğlu Qasımovun şəhadətindən bir il ötür. 

 

Moderator.az-a açıqlamasında şəhidimizin həyat yoldaşı Məftunə Qasımova evliliklərinin qısa olmasına baxmayaraq, onunla xoşbəxt olduğunu bildirib:

 

“Mənim ücün çox çətindir, ancaq qürur duyuram ki, belə bir şəxsiyyətin, Allahın seçilmiş bəndəsinin həyat yoldaşi oldum. Həyat yolmuz qısa olsa da gözəl oldu. Şəhadətindən bir il ötsə də, cismən görməsəm də, amma mən onun yoxluğunu hiss etmədim. Hər an yanımda idi. Və o çox gözəl yerdədir. Bir gün görüşəcəyik”.

 

 

Qeyd edək ki, İsmayıl Qasımov 17 dekabr 1989-cu ildə Sumqayıtda anadan olub. 44 günlük Vətən müharibəsi zamanı İsmayıl Qasımov oktyabrın 9-da Füzuli uğrunda gedən döyüşlərdə qəhrəmancasına şəhid olub. 

 

Ölümündən sonra ölkə başçısı tərəfindən “Vətən uğrunda”, “Cəsur döyüşçü” və “Füzulinin azad olunmasına görə” medalları ilə təltif edilib. 

 

Allah cəmi şəhidlərimizə rəhmət eləsin!