Uşaqların yaxşı oxumaqlarına görə pulla həvəsləndirilməsi motivasiyanın dəyişilməsinə gətirib çıxara bilər.

 

Moderator.az xarici mediaya istinadən xəbər verir ki, bu barədə cümə günü, sentyabrın 24-də Moskva psixoanaliz institutunun yaş və ailə psixologiyası kafedrasının müdiri, psixologiya elmləri doktoru Yelena Kuftyak bildirib.

 

O, qeyd edib ki, uşaqlar təbiətcə öyrənməyə həvəslidir və onlarda əvvəlcədən məktəbdə oxumağa motivasiyaları olur.

Lakin yaşa dolduqca oxumağa həvəs azalır, yeniliyə meyl sönür, tədrisdə çətinliklər yaranır.

 

"O zaman valideynlər uşaqlarını pulla yaxşı qiymət almağa həvəsləndirirlər. İlk vaxtlar bu yararlı olur, lakin uzun çəkmir. Anlamaq lazımdır ki, oxumağa həvəs daxili tələbatdır və maraqlardan, tapşırıqların yerinə yetirilməsindən və sinif yoldaşları arasında sosial statusdan aldığı məmnunluqda ifadə edilə bilər"-bunu Kuftyak "Moskva" şəhər xəbərləri agentliyinə müsahibəsində söyləyib.

 

Psixoloqun qeyd etdiyi kimi, bu sistemdə pul xarici stimuldur. Valideynlər pul təklif edəndə, daxili motivasiya xarici mötivasiya ilə əvəzlənir, diqqət mərkəzində biliklər yox, qiymətlər olur. Ona görə də uşaq pul qazanmağa cəhd edir, tədris isə ikinci plana keçir.

 

Kuftyak qeyd etmişdir ki, uşaqlara tədris zamanı emosional dəstək vermək  vacibdir, lazım gəldikdə isə uşaq psixoloqu və ya repetitorun xidmətlərindən yararlanmaq zəruridir.

 

"Valideyn uşağın istənilən uğuruna və nailliyyətlərinə emosional olaraq dəstək verə bilər-bağrına basa bilər, tərifləyə bilər, uğursuzluğa düçar olduqda, çətinliklərin və tədrisdə boşluqların aradan qaldırılmasında yardımçı ola bilər, uşaq psixoloquna müraciət edə bilər, repetitor tuta bilər. Yeniyetmələr üçün oxumağa həvəs kimi peşə yönümündən istifadə etmək olar, yəni onlar yaxşı qiymət almaq naminə deyil, gələcək peşəsi üçün oxuyurlar" - psixoloq sözünə davam edərək belə deyib.

 

Bundan əlavə, o, uşaqlarla birgə dərketmə ekskursiyaların və yürüşlərin təşkilini, tematik filmlərə baxışları və ədəbiyyatın oxunmasını məsləhət görüb.

 

Bundan əvvəl isə, avqustun 31-də psixoloq Andrey Zberovski bəyan etmişdir ki, işçi rejimə tədricən keçid şagirdə tədrisin əvvəlinə daha asanlıqla vərdiş etməyə kömək edərdi. O, xəbərdarlıq edib ki, kəskin dəyişikliklər uşaqlarda rahatsızlıq və stres yarada bilər. Onun sözlərinə görə, tədris ilinin başlanmasından əvvəl şagirdin əyləncələrinin və vərdiş etdiyi asudə vaxt məşğulliyətlərinin saxlanılmasına imkan yaratmaq lazımdır. Əks halda o, məktəbi xoşbəxtlikdən məhrum olmaq səbəbi kimi qəbul edəcəkdir- mütəxəssis vurğulayıb.