“Nəfsimizə üsyan etməsək - Şeytanı boynumuzdan yıxa bilməyəcəyik...”

"Putinin həbsinə verilən order ilə Zelenskinin "axtarışa verilməsi" arasında fərq nədən ibarətdir?

Türkiyə tərəfindən İsrailin ticarət blokadası nə qədər davam edəcək?

"Rusiya Ukraynada 500 min itki verib, onlardan 150 min nəfəri həlak olub" - Fransa XİN

Bayden "ağır artilleriyanı" Qahirəyə göndərdi - HƏMAS-la sövdələşmədə sıçrayış baş verəcək?

Səhiyyə siyasətinin mühüm prioriteti, əhalinin qocalması, COP29... - Nuran Abdullayev yazır

Xalq artisti onları tənqid etdi: “Villaları, maşınları, qızılları efirdə reklam etməyin, gözə soxmağın nə mənası var ki?”

Ukraynalı qaçqınlara kömək edən rus şərləndi və təcrudxanada ölü tapıldı...-FOTOLAR

“Məktəblilər arasında hərbi bilik yarışının keçirilməsi ona görə vacibdir ki...”

“Nəfsimizə üsyan etməsək - Şeytanı boynumuzdan yıxa bilməyəcəyik...”

Oxunub: 2934

12 Mar 2020 | 14:09

“Nəfsimizə üsyan etməsək - Şeytanı boynumuzdan yıxa bilməyəcəyik...”

Şeytan çoxdan, lap çoxdan əksər bəşər əhlinin, o cümlədən müsəlman sayılanların və ayrıca Azərbaycan sakinlərinin boynunda oturub... Rahatca əyləşib və ayaqlarını aşağı sallayıb...

***

Görünən odur ki, əksəriyyət Qiyamət günündə Allahın hüzuruna boynubükülü gedəcək... Çünki boyunlarında oturan Şeytanı nəinki yıxa bilmir, heç yıxmağa cəhd də etmirlər... Ya onlar üçün Allaha üsyan etmiş bir məxluqun onları istədiyi yönə sürüb çapması rahatdır, sərfəlidir, ya da zülmə düşdüklərini bilsələr də, Allaha imanları olmadığı üçün Şeytanın əlindən qurtula biləcəklərinə də inanmırlar...

***

Şeytan isə gündən-günə daha böyük sürətlə, daha yüksək vəchlə insanların əksəriyyətini minib öz ardınca Cəhənnəmə doğru sürür... Bunu sezmək üçün cüzi bir bəsirətə malik olmaq gərəkdir...

***

Bəziləri ayrı-ayrı ölkələrdə diktatura, totalitar rejim olduğunu deyir, onların dövlət başçılarını diktatorluqda, tiranlıqda suçlayırlar. Fəqət, bunu deyənlər görmürlər ki, bəşərin böyük əksəriyyəti, “demokratik”, “sivil” adlanan ölkələr belə, vahid bir diktatorun – Şeytanın diktatura rejimində yaşayır... ABŞ, Britaniya, Fransa, Almaniya kimi “inkişaf etmiş”, “azad” hesab etdiyimiz ölkələrdəki istehlak cəmiyyətlərini də Şeytanın Yer üzündəki “qüdrətli” nəfs kölələri, transmilli super dələduz sələmçi trilyonçular yönləndirir...

***

Bu günlərdə başımızı qatan koronavirus bəlası da, ona qədər dünyada və Azərbaycanda baş verən əksər faciə, terror, müharibə, işğal, istismar, korrupsiya və s. kimi kataklizmlər də Şeytan diktaturasının əməlləridir...

***

Şeytanın və onun “super güc”, “Bilderberq” klubu, “Komitet-300”, “mason”-filan dediyimiz canişinlərinin də əsas silahı nə Amerika, nə Rusiya, nə İsrail ordusu, nə nüvə raketləri, nə də əllərindəki nəhəng maliyyə rıçaqları- dollar, funt-sterlinq, avrodur... Şeytan diktaturasının və yerlərdə qurulan diktaturaların ən böyük silahı biz “insan” adlanan canlı və digərlərindən fərqli olaraq, vicdan, əxlaq və iradəyə malik şüurlu varlıqların nəfsidir...

***

Bizi sələmçiliyə və ya əksinə, sələm, kredit götürməyə vadar edən öncə nədir, nəfsimiz, tamahımız, aza qane olmamağımız... Bizi yaltaqlığa, məddahlığa məcbur edən nədir – öz nəfsimiz, tamahımız, vəzifəyə yiyələnərək varlanmaq və ətrafımızakı ən varlılarla bəhsə girişmək arzularımız... Bizi fahişəliyə, zinakarlığa, əxlaqsızlığa, eləcə də alkoqolizmə, əyyaşlığa, narkomaniyaya vadar edən əsas güc nədir? Öz nəfsimiz – şəhvətimiz, ləzzət almaq istəyimiz... Müəyyən istisnalarla kənar güc heç kəsi fahişəliyə, zinakarlığa, öz ailəsinə xəyanətə və yaxud araq içməyə, narkotik çəkməyə məcbur etmir... Biabırçı, açıq-saçıq geyimlər, anormal saç düzümləri, əndrəbadi və zərərli “fəstfud” yeməklərə, enerji içkilərinə və s. də qurşanmaq onun kimi...

Bu minvalla Şeytan və onun Yer üzündəki canişinləri nəfsimiz vasitəsilə biz insanları amorf bir kütlə halına salıb istədiyi yöndə sürür, qovur...

***

Və öncələr də dediyimiz kimi. sadalanan anormal, mənəviyyatsız, əxlaqsız davranış və əməlləri gündəlik törətməklə biz Şeytan və onun planeti sarmış şəbəkəsinə özümüz də bilmədən, hiss etmədən güc, enerji veririk... Məhz insanların əksəriyyətinin nəfsinin köləsi olması səbəbindən nə ayrı-ayrı ölkələrdəki diktatura rejimləri, nə də ümumdünya sələm və maliyyə diktaturası yıxılır... Və bu minvalla çətin ki, yıxılsın... Bəzən yıxıldığını zənn etdiyimiz diktatura rejimlərini isə əslində yıxan Vahid Dünya Dövlətini formalaşdırmaqda olan dediiymiz ÜMUMDÜNYA ŞEYTANİ DİKTATURADIR... Super güclərin yıxdıqları rejimlərin yerində isə ya illərlə, on illərlə sürən xaos, özbaşınalıq, vətəndaş müharibəsi, terror hökm sürür, yaxud ən yaxşı halda “demokratiya” adı altında elə həmin şeytani diktaturanın “yerli filialı” olan maliyyə, kapital, korrupsiya diktaturası ...

***

Şeytani super güclərin təlqin etdiyi “demokratik ruhlu” bir çoxları diktatura rejimlərini yıxaraq “azadlığa qovuşmaq” üçün xalq kütlələrini üsyana, inqilaba çağırırlar... Tamamilə yanlış yoldur... Bunun bariz nümunəsi postsovet məkanındakı əksər müttəfiq respublikalarda məhz sovet imperiyasına, rejiminə qarşı üsyanlardan, müxtəlif “rəngli” inqilablardan sonra bərqərar olmuş “demokratik” maliyyə, korrupsiya diktaturaları, ardınca isə İraqda, “ərəb baharı” yaşamış Misirdə, Liviyada, Suruyada, Yəməndə və s. mövcud xaotik, çıxılmaz durumdur, miyonlarla qaçqın, miqrantdır.... Və əslində “rəngli”, “ərəb” inqilablarındakı ali məqsəd Dünya Düzənini sona çatdırıb – Ümumdünya Diktaturasını – Vahid Dünya Dövlətini planetin hər guşəsində, hər qarışında bərqərar etməkdir....

***

“Rəngli” inqilablarda, ərəb baharlarında coşub-daşan o kütlələr qalib gəldimi, azad, xoşbəxt oldumu? Xeyr, əksər inqilab məkanlarında xaos və ya maliyyə, korrupsiya diktaturaları bərqərar oldu... Bilirsiz, niyə, ona görə ki, şeytani super güclərin yönləndirdiyi həmin “inqilabi” kütlələr əsasən Allaha üsyan edən imansız, yalnız rahat, ləzzətli həyata can atan zombiləşdiklərindən xəbərsiz məxluqlar idi... Deməli, belə çıxır ki, Allaha kiçik miqyasda üsyan edənlər Allaha daha böyük miqyasda üsyan edən allahsızlara, yaxud, ümumiyyətlə, daha az günahı olan başçılara qarşı üsyana, inqilaba qaldırılıb. ABŞ-ın hökmü ilə edam edilən Səddam rejimindən sonrakı İraqa, eyni hökmlə qəddarlıqla qətlə yetirilən Qəddafidən sonrakı Liviyaya baxın: illər, on illər keçib, həmin xalqlar azad, xoşbəxdirlərmi? Yaxud 2013-cü ildə İstanbulda - Gəzi meydanında Ərdoğana qarşı etiraz aksiyası keçirənlər kimlər idi? Əksərən pivə, alkoqol düşkünləri, feministlər, "LQBT"-çilər, homoseksuallar, lesbiyanlar, ən “yaxşı” halda həmin şeytani super güclərə bağlı “PKK” simpatizanları və s....

***

Bir sözlə, əsl azadlıq inqilabını Allaha üsyan edənlər yox, imanlılar, ixlaslılar edə bilər. Fəqət, təəssüf ki, onlar bu günkü dünya və məmləkətdə azlıqdadırlar... Allaha üsyan edən kütlələrin allahsızlara qarşı üsyanları isə yalnız Şeytan diktaturasına gərək olan xaosa gətirib çıxarır...

***

Bu gün əksəriyyətin rahatlıq hesab etdiyi yüksək texnoloji inkişaf, internet, sosial şəbəkələr, süni intellekt, süni ləzzətli “fəstfud” qidalar, içkilər, eləcə də ödənişlərin nağdlaşdırılması, "rahat", "uduş"lu, bonuslu kartlar və s. – hamısı və hamısı bizi gələcək kütləvi çipləşdirilməyə və bunun sayəsində Ümumdünya Şeytani Diktaturanın qələbəsinə - elektron köləlik sisteminə aparır...

***

Bəs çıxış yolu nədədir? Yeganə çıxış yolu Allaha güvənərək öncə Şeytanın və şeytanpərəst super güclərin və onların yerlərdəki rezidentlərininn əsas silahı olan nəfsimizə, tamahımıza, şəhvətimizə qarşı üsyandır... Bunu etməsək, boynumuza minmiş Şeytanı yıxa bilməyəcəyik...

***

Bütün hallarda bu dünyadakı bütün proseslərin yekunu Axirətdə üzə çıxacaq. O zaman Şeytan da, onun insan cildli canişinləri və onlara xoşluqla baş əyən “insan” adlanan məxluqlar da ayaqlar altda qalacaq və Cəhənnəm oduna sürüklənəcək...

***

Təbii ki, hansısa oxucu ya Allaha, İslama, Peyğəmbərə, Axirətə imansızlıqdan və ya savadsızlıqdan söylədiklərimizi anlamaq istəməz və ya çətin anlayar. Fəqət, insan adlanan hər kəsin, ən azı, şüuru, vicdanı, iradəsi, əxlaqı var: otursun, öz davranış, həyat tərzi və əməllərinə də, ətrafda baş verənlərə də baxsın, dərindən düşünsün və nəticə çıxarsın...