ABŞ-ın Kaliforniya şəhərində ailəsiylə birlikdə yaşayan şizofreniya xəstəliyi olan adam böyük bir zəlzələnin qarşısını alacağına inandığı üçün 13 nəfəri vəhşicəsinə qətlə yetirib.

Moderator.az xəbər verir ki, 1947-ci ildə xoşbəxt bir ailədə dünyaya gələn Herbert Mullin normal bir yaşam tərzi sürüb. Hələ şagird olarkən dərslərini də yaxşı oxuyub və o, gələcəyinə ümidli olub. Lakin qəfildən onun həyatı dəyişib və o, elə bir səhv edib ki, bununla da on üç nəfərin həyatına son qoyub. Bir dostunu avtomobil qəzasında itirəndən sonra Mullinin həyatı alt-üst olub.

Liseyi bitirdikdən sonra Mullin pis vərdişlərə başlayıb. Hələ 19 yaşındaykən narkotikdən istifadə edib və sonradan isə bu onda asılılıq yaradıb. Həkimlər onda şizofreniya xəstəliyi ola biləcəyini düşünüb və bildiriblər ki, dostunun ölümü bu xəstəliyi daha da sürətləndirib. Öz istəyi ilə Mullin xəstəxanaya yatırılsa da, müalicələr effektli olmayıb. Onun vəziyyəti isə günü-gündən pisləşib.

Ailəsi onun 21 yaşı olanda vəziyyətinin pisləşməyə doğru getdiyinin fərqinə varıb və üç fərqli həkim ona şizofreniya xəstəliyi diaqnozu qoyub. Vəziyəti pisləşdikcə, onun hadisələr arasında qurduğu əlaqələr də ölümcül hal almağa başlayıb. 1972-ci ildə bir riyaziyyatçı yanvarın 4-də zəlzələ ola biləcəyini təxmin edib. Mullinin iç səsi bunu öz doğum günüylə birləşdirib və fəlakətin qarşısını ala biləcək yeganə insanın o olduğunu pıçıldayıb. 

Mullin bunun üçün ilk dəfə bir adam öldürüb. Belə ki, Lavre Vayt adında bir adamı dəyənəklə döyərək öldürür. Beynindən ona “bu adamı öldür və insanlığı xilas et” əmri verilir. Onun ikinci qurbanı isə bir tələbə olur. Mary Qukfoyle adlı qız Mullin tərəfindən bıçaqlanaraq qətlə yetirilir. Sonra isə tələbənin meyitini parçalara ayırır. 

Mullin daha sonra günahını etiraf etmək üçün kilsəyə gedir və etdiklərini Peder Henri adlı adama danışır. Amma sonda Pederi də öldürür. Yanvarın 25-də isə o, beş nəfəri qətlə yetirir. Bunun ardından evinə gedərək arvadını, 6 və 9 yaşlı iki uşağını da qətlə yetirir. Gözlənilən zəlzələnin olmaması onu inandırır ki, bunlar məhz sənin cinayətinə görədir.

O, bu dəfə bir düşərgədə dörd gənci qətlə yetirir. Mullin daha bir adamı qətlə yetirmək istəyərkən həbs edilərək məhkəmə qarşısına çıxarılır. On üç nəfəri qətlə yetirdiyi üçün ömürlük azadlıqdan məhrum edilir. Mullin ömürlük azadlıqdan məhrum edilsə də,  2020-ci ildə şərti azadlığa çıxma hüququnu əldə edib. Onun azadlığa çıxacağı və ya ömrünün qalan hissəsini həbsxanada keçirəcəyi hələ ki, müzakirə olunur.

Vasif Əlihüseyn