“Bəhram Bağırzadənin atası DİN-in pəncərəsindən qışqırdı ki, ay camaat, biz də sizinləyik...”

"Rusiya Ukraynada 500 min itki verib, onlardan 150 min nəfəri həlak olub" - Fransa XİN

Bayden "ağır artilleriyanı" Qahirəyə göndərdi - HƏMAS-la sövdələşmədə sıçrayış baş verəcək?

Səhiyyə siyasətinin mühüm prioriteti, əhalinin qocalması, COP29... - Nuran Abdullayev yazır

Xalq artisti onları tənqid etdi: “Villaları, maşınları, qızılları efirdə reklam etməyin, gözə soxmağın nə mənası var ki?”

Ukraynalı qaçqınlara kömək edən rus şərləndi və təcrudxanada ölü tapıldı...-FOTOLAR

“Məktəblilər arasında hərbi bilik yarışının keçirilməsi ona görə vacibdir ki...”

"Jurnalistika Yer kürəsinin heç bir yerində cinayət olmamalıdır"

Britaniya XİN rəhbəri Kreml üçün qorxunc bəyanat verib, Zaxarovanın "gözləri kəlləsinə çıxıb"...

“Bəhram Bağırzadənin atası DİN-in pəncərəsindən qışqırdı ki, ay camaat, biz də sizinləyik...”

Oxunub: 3871

05 Dec 2019 | 14:29

“Bəhram Bağırzadənin atası DİN-in pəncərəsindən qışqırdı ki, ay camaat, biz də sizinləyik...”

31 il öncə- dekabrın 4-dən 5-ə keçən gecə Moskvanın göstərişi ilə Azərbaycan rəhbərliyi SSRİ Daxili Qoşunlarının iştirakıyla indiki Azadlıq meydanında təcavüzkar, separatçı ermənilərə və sovet imperiyasına qarşı fasiləsiz mitinqlərlə müşayiət olunan Meydan hərəkatını, haqq, ədalət tələb edən insanları zor gücünə, rezin dəyənəklərlə döyərək dağıtdı... Xeyli yaralanan, həbs edilənlər oldu. Ertəsi gün –dekabrın 5-də bundan hiddətlənmiş gənc tələbə və fəhlələr müxtəlif yerli hökumət qurumlarının, o cümlədən Azərbaycan SSR Daxili İşlər Nazirliyi(DİN) binası qarşısında etiraz aksiyası keçirdi...

O dövrdə DİN Siyasi şöbəsinin orqanı - “Mübariz keşikdə” qəzetinin əməkdaşı kimi çalışmış Azərbaycan Respublikası DİN-in sabiq idarə rəisi, istefada olan polkovnik Mehman Mehmanov şahidi olduqlarını Moderator.az əməkdaşına nəql edib:

“Söhbətimizin ötən hissəsində söylədiyim kimi, 1988-ci il dekabrın 5-i səhər tezdən məlum oldu ki, SSRİ Daxili qoşunları Meydanı zorakılıqla təmizləyiblər, xeyli döyülən, yaralanan və tutulanlar olub... Bildik ki, gənc oğlan və qızlarımızı, xüsusən tələbə və fəhlələri Moskvanın, SSRİ DTK-nın və s. təşkil etdiyi filtrizasiya qruplarından, istintaqdan keçirməyə, incitməyə başlayıblar...

Xülasə, təəssüf hissi ilə qanı qara gəldik işə... Bir də baxdıq ki, filarmoniya istiqamətindən minlərlə vətəndaş əllərində qara bayraq etiraz şüarları səsləndirərək Daxili İşlər Nazirliyinin binasına tərəf gəlir. Etirazçılar DİN binasına yaxınlaşanda mən təsadüfən məşhur aktyorumuz Bəhram Bağırzadənin mərhum atası, keçmiş Siyasi şöbənin rəis müavini, polkovnik Arif Bağırovun otağında idim. Bu dəm gördük ki, artıq daşlar binanın pəncərələrini sındırır. Arif müəllim özünü itirmədən cəld meqafonu əlinə götürüb pəncərələrdən birini açdı və güncdə dayanaraq özünü təqdim etməklə aksiyaçılara xitabən dedi:

“Ay camaat! Onu qəti bilin ki, biz də Qarabağ məsələsində sizinləyik! Onu bilin ki, sizi gecə Meydandan Azərbaycan milisi dağıtmayıb. Biz sizinləyik! Biz də siz deyənləri deyirik: Qarabağ bizim olmalıdır, Şuşa bizim olmalıdır!..” Və s.

Milis polkovnikinin belə bir çıxışını eşidəndən sonra etirazçılar xeyli sakitləşdi. Bir az DİN binasının qarşısında dayandılar. Bəziləri “ar olsun!” qışqıranda digərləri onları başa saldı ki, Azərbaycan milisinin gecə Meydanın dağıdılmasında iştirakı olmayıb, gəlin çıxaq gedək. Doğrudan da mən də şahidi olmuşdum ki, Azərbaycan milisləri əsasən Qarabağa görə, erməni separatizminə qarşı Meydana yığışmış xalqa qarşı bəhs edilən aksiyada iştirak etməyib. Bu haqsız zorakılığı SSRİ Daxili Qoşunlarının hissələri törətmişdi..."

Keçmiş DİN idarə rəisi 31 il öncəki Meydan hərəkatı sayəsində xalqımızın dünya media orqanlarında “İlin xalqı” adlandırılmasından qürur duyduğunu da bildirib.

“17 günlük Meydan hərəkatının zorakılıqla dağdılmasına rəğmən 1989-cu ilin əvvəlində Amerika jurnallarından biri Azərbaycan xalqını “İlin xalqı” elan etmişdi... O zaman biz milislər də bununla qürur duyurduq... Arzu edək ki, ölkəmizdə yenə də möhtəşəm birlik yaransın, dövlətimizin, ordumuzun, o cümlədən DİN-in, polislərin iştirakı ilə torpaqlarımız, Qarabağımız, Xankəndimiz, Şuşamız, Laçınımız, Kəlbəcərimiz və s. azad edilsin. Və Azərbaycan xalqı yenidən əsl mənada “İlin xalqı” adını özünə qaytarsın...”- deyə keçmiş DİN idarə rəisi gələcəyə ümidlərini ifadə etməklə sözünü tamamlayıb.