(Əvvəli bu linkdə://www.moderator.az/news/296225.html)

 “Amerika aktivləri birbaşa Britaniyaya, İngiltərə Bankına, “TheCityof LondonUK”-a və nəticədə Britaniya monarxiyasına axır...”

“...İngiltərə Bankı “The Worshipful Company of Mercers” şirkəti vasitəsi ilə bütün qlobal iqtisadiyyata nəzarət edir. ABŞ iqtisadiyyatına nəzarət 1868-ci ildən bəri mövcuddur. “TheCityofLondonUK” Amerika İqtisadiyyatını Xarici Əlaqələr Şurası (“CFR”) tərəfindən idarə olunan Beynəlxalq İşlər üzrə Kral İnstitutu vasitəsilə idarə edir. “CFR” isə yarandığı gündən bəri ABŞ-ın xarici siyasətini qurur…

 

“The Cityity LondonUK” Nyu-Yorkun Federal Ehtiyatı, Dünya Bankı və Beynəlxalq Valyuta Fonduna nəzarət edir. “The Cityity LondonUK” ABŞ-ın yuxarıda adları çəkilən üç qlobal təşkilatın hamısı Birja Sabitləşdirmə Fondu(“Exchange Stabilization Fund”) vasitəsi ilə idarə olunan bütün pul-kredit siyasətinə nəzarət edir. Britaniya Tacı  və “West-Ind” “ şirkəti əslində yenə də Amerikanın iqtisadiyyatına - məlumat idarəçiliyindən, korporativ bankçılıqdan Amerika qaz, uran, qızıl və ABŞ-ın bütün digər dəyərli ehtiyatlarının yönləndirilməsinə qədər nəzarət edir. Amerika aktivləri birbaşa Britaniyaya, İngiltərə Bankına, “TheCityof LondonUK”-a və nəticədə Britaniya monarxiyasına, yəni Kraliça II Yelizavetanın özünə axır. 

Bu gün ABŞ Britaniya monarxiyasının sadə bir subyektidir. ABŞ Baş İcraçı Xidməti  (“Senior Executive Service”) Serco, British Petroleum, Shell, ICAP, British American Tobacco, SABMiller, American Standard Life, Rio Tinto və Ixstrata kimi korporasiyaların iradəsinin, sadəcə, bir icraçısıdır. Müharibələri dəstəkləyən korporasiyalar tərəfindən yatırılan sərmayə, İngiltərəyə və onun vasitəsilə Romaya birləşdirilmiş bir sistem yaradıb. Malta Cəngavərləri Ordeninin üzvləri olan dünya kral ailələrinin birləşməsi nəticəsində hərtərəfli transmilli daxili ticarətin bir hissəsi olan iqtisadi bir kəşfiyyat birliyi meydana gəlib. Monarxiyalar maddi maraqlarını qorumalı və aktivlərini ailə üzvlərinə təhvil verməlidirlər. Buna görə, ən varlı ailələrin çoxu klanlar daxilində evlənir ki, kapitallar ailədə qalsın.Dünyanın ən varlı və ən güclü şəxsləri Malta cəngavərlərinə, Qüdsdəki Müqəddəs Rəbbin Qəbir Atlı Ordeninə, Bağlantı ordeninə, Tevton cəngavərlərə və digər ordenlərə aiddir. Onlar öncə  İngilis Tacına, sonra da Vatikana beyət edirlər... 

Bütün İngilis kəşfiyyatı və insayd sistemi, hər hansı bir qazanc əldə etmək üçün məlumat toplayan, təhlil edən və istifadə edən xüsusi kəşfiyyat agentlikləri şəbəkəsinə bürünüb.  ABŞ-da məşhur  Karder dosyesinin (“Carter Page Dossier”) müəllifi olan Kristofer Stil keçmiş Britaniya casusu idi və daha çox təbliğata bənzər "İngilis analitikası" üsullarını nümayiş etdirirdi. Sixty3, Orbis Business International, Cambridge Analytica və İngiltərənin bir çox digər özəl kəşfiyyat xidmətləri təbliğatı kəşfiyyat məlumatları kimi satırlar. Adətən bu korporasiyaların hərbi və dövlət qurumları ilə xüsusi müqavilələri olur və ABŞ-ın milli təhlükəsizliyi sahəsində işləyirlər. 2016-cı ildə təxminən 56 milyard dollar və ya ABŞ-ın milli kəşfiyyat büdcəsinin 70% -i xüsusi podratçılar üçün nəzərdə tutulmuşdur. Əvvəllər ABŞ Mərkəzi Kəşfiyyat İdarəsi (“CIA”), Milli Təhlükəsizlik Agentliyi (“NSA”) və digər kəşfiyyat qurumları tərəfindən həyata keçirilən funksiyalar indi özəl ingilis kəşfiyyat korporasiyalarına verilir. Onlardan ən böyükləri:

- AEGIS (Böyük Britaniya)

- “Black Cube” (“Qara kub” (İsrail və İngiltərə)

- "Control Risks Group”(Nəzarət Riskləri Qrupu) (Böyük Britaniya)

- “Hakluyt & Company” (İngiltərə)

- “Oxford Analytica” (İngiltərə)

- “Serco Group PLC” (Birləşmiş Krallıq).

Onların iş üsulları barədə “Facebook”-dan 50 milyon istifadəçi profilini alıb öz məqsədləri üçün istifadə edən “Cambridge Analytica” ilə son qalmaqal çərçivəsində mühakimə etmək olar. Qalmaqal nəticəsində Mark Zukerberq Konqresdə ifadə vermək məcburiyyətində qaldı və “Cambridge Analytica” təcili olaraq iflası barədə elan verdi və rebrendinq etdi... 

ABŞ-dakı düşkünlük o səviyyəyə çatdı ki, bir ingilis xüsusi  kəşfiyyat agentliyi ABŞ  Milli Təhlükəsizlik Agentliyinin (“NSA”) Merilenddəki Fort Meade qərargahından birbaşa ABŞ Prezidenti Trampı  izləməyə başladı. Məlumatlı insanlar üçün bu vəziyyət qeyri-adi deyil. İngilis Tacı üçün, kraliça Yelizaveta üçün Amerika Birləşmiş Ştatlarının prezidenti əmrləri yerinə yetirməyə borclu olan və daim nəzarət ehtiyacı duyulan bir  menecerdir...”

(Davamı var)

 

Sultan Laçın