Moderator.az xəbər verir ki ,Ermənistan baş naziri Nikol Paşinyan uzun illərdir ki ağır iqtisadi-sosial problemlərdən əziyyət çəkən erməni cəmiyyəti qarşısında yeni vədlərlə çıxış edib. Ermənistan iqtisadiyyatının yenidən qurulacağını bildirən baş nazir, şəkər və daha bir neçə fabrikin inşa edilcəyini vurğulayıb. O, Sevan şəkər fabrikində də istehsalatın bərpa ediləcəyini bildirib. Lakin Paşinyan bu nağılın “nə zaman, hansı pulla” reallaşacağı haqqında bir kəlmə də olsun danışmayıb. Bu isə Paşinyanın “ac toyuq yuxusunda darı görər” məsəlini yada salan bu açıqlamasının daxili auditoriyaya hesablanmış növbəti bir yalan olduğunu təsdiqləyir.
Xatırlaqdaq ki, xarici borclar altında əzilən Ermənistanın mövcud maliyyə durumunda iqtisadiyyatını yenidən qurulması ekspertlər tərəfindən də kifayət qədər utopik görünür. Əslində erməni baş naizirin bu barədə yalnız ümumi ifadələrlə danışması, heç bir tarix və rəqəm açıqlamaması da Paşinyanın özünün də öz dediklərinə inanmadığını göstərir.
Seymur ƏLİYEV