“İşgəncələrə Qarşı Azərbaycan Komitəsi”nin sədri və səlahiyyətli şəxsi Elşad Həmidov Qocalar Evini ziyarət edib.

İyunun 26-da “İşgəncələrə Qarşı Azərbaycan Komitəsi” Müqəddəs Ramazan Bayramı münasibətilə Əmək və Əhalinin Sosial Müdafiəsi Nazirliyinin Bilgəh qəsəbəsindəki Müharibə və Əmək Əlilləri üçün Pansionatını ziyarət edib.

Ramazan Bayramı münasibətilə keçirilən bu tədbirdə “İşgəncələrə Qarşı Azərbaycan Komitəsi”nin sədri və səlahiyyətli şəxsi Elşad Həmidov, komitə üzvlərindən - Telman Mirzəyev, Gülnara Həmidova, Bəhmən İmanov, İqbal Mirzəyev, Əlizadə Nəcəfov, Aydın Bəyişov, Ramin Hüseynov, Tariyel Quliyev, Rəfael Quliyev, Samir Əzimov, Emin Səttarov, Hüseyn Məmmədov, Fərhad Məmmədov, İxtiyar Məmmədov, Azad Atayev, Yavər Nuriyev, Rəşad İsmayılov, Nəsimi Şirinov və Sabir Həsənov iştirak ediblər. 

Tədbirdə həmçinin respublikanın tanınmış elm və ictimai xadimləri, görkəmli alimlər, o cümlədən respublikanın tanınmış ağsaqqallarından biri Cümşüd Muradov, milli ədəbiyyatımızın görkəmli sərkərdəsi ”“ şair, alim, drammaturq, publisist, filologiya elmləri doktoru, professor Dəmir Gədəbəyli, “İdeal Sülhün Təbliği Fondu”nun vitse-prezidenti Aygün Hüseyn, tanınmış ziyalılardan - Nicat Əsgərov, təqaüddə olan polis polkovniki Nazim Qurbanov və sairələri ilə bərabər tanınmış mətbuat nümayəndələri, İctimai Televiziyanın əməkdaşları, “Son Söz” qəzetinin və “MilliTv.az” saytının təsisçisi Natəvan Mehdiyeva, Rövşən Qasımov və başqaları da iştirak edirdilər.

Tədbiri giriş sözü ilə komitənin mətbuat katibi Telman Mirzəyev açıq elan etdi. Çıxış üçün ilk söz “İşgəncələrə Qarşı Azərbaycan Komitəsi”nin sədri və səlahiyyətli şəxsi Elşad Həmidova verildi. Elşad Həmidov hamını salamlayaraq pansionatın bütün sakinlərini ”“ ahıl qocaları, ağbirçək anaları, ağsaqqal ataları və həmçinin tədbir iştirakçılarını Müqəddəs Ramazan Bayramı münasibətilə təbrik etdi. Onlara uzun ömür, cansağlığı və firavan həyat arzuladı.

Elşad Həmidov Ramazan Bayramı münasibətilə pansionatda məskunlaşan ahıl və qocalara müxtəlif ərzaq məhsulları, bayram sovqatları hədiyyə etdi. Tədbir müsiqili-bədii hissə ilə müşayət olundu. Aşıq-Təbriz, aşıq-Sevil, kiçik yaşlı aşıq-Rəvan Sabiroğlu bir-birindən gözəl ifalarla tədbir iştirakçılarının zövqünü oxşadılar.

Elşad Həmidov pansionatın bir çox sakinləri ilə şəxsən görüşüb onların şəraitləri ilə yaxından maraqlanmışdır. Ahıl sakinlər onlara yaradılan bu ideal şəraitə görə ölkə rəhbərliyinə, Azərbaycan Respublikasının Prezidenti İlham Əliyev cənablarına, Respublikanın Birinci Vitse-Prezidenti Mehriban xanım Əliyevaya və pansionatın direktoru Qətibə xanıma öz minnətdarlıqlarını bildirmişlər. Pansionatın sakinləri həmçinin onları bu bayram münasibətilə ziyarət edən - “İşgəncələrə Qarşı Azərbaycan Komitəsi”nin sədri və səlahiyyətli şəxsi Elşad Həmidova da öz təşəkkürlərini bildirmişlər.