Hörmətli Moderator.az, saytınızda Nobel mükafatına aid müsahibəni  oxuduqdan sonra sizə yazmaq  qərarına  gəldim. Xahiş  edirəm  mənim  yazdıqlarımı  rişxəndlə  oxumayasınız.  

28 martda  cənab  Prezident  İlham  Əliyevə  məktubla  müraciət  etmişəm. Xahişlərimdən  biri:  ixtiramın  iistehsalatda yararlı  olmağını  yoxlayıb  investisiya  yatırmaları  üçün  Dövlət  İnvestisiya  Şirkətinə  göstəriş  verin. 25  gündən  sonra  öyrəndim  ki, məktub Prezident  Administrasiyasına  çatan  günü  SOCAR-a  göndərilib.  SOKAR -a  zəng  eddim.  Bildirdilər  ki, ixtiranı  5-6 mütəxəssisə  yoxlatmışıq, hamısı ixtiranın Perpetuum Mobile  olduğunu  təsdiqləyirlər. Ancaq məktubu niyə bizə göndəriblər, anlamıram, axı  bizim  mühərrik  istehsal edən  zavodumuz yoxdur. 

2 ay vaxt  keçməsinə  baxmayaraq  cavab  yoxdur. 29  apreldə  Alternativ Enerji  Agentliyinə  müraciət  etdim. Bir  dəfə  çağırdılar  və  büdcə  təşkilatı  olduqlarını, bu  ixtiranın  nümunəsini  düzəltməyə  maliyyə  vəsaitlərinin  olmadığını  bildirdilər. Əgər  ixtiraya  bu  cür  münasibət  varsa  elmdən  danışmağa  dəyərmi? İxtiram   alimlər  tərəfindən dəfələrlə yoxlanılıb. İxtiramın  biri  "Pnevmatik  mühərrik"- dir. Mühərrikin  sistemi yalnız  bir  dəfə  sıxılmış  hava və ya azot qazı  ilə  doldurulur.  Mühərrik  qapalı  hava  sistemində  avtonom  olaraq  işləyərək  özü-özünü üç qat artıq  enerji  ilə təmin  edir. Orta səviyyəli maşınqayırma  mütəxəssisi  və  ya  fizik  2  dəqiqəyə  mənim  yazdıqlarımı  deyəcək. Əgər  ixtiranı  mütəxəssislərə  yoxladıb  işiqlandırmaq istəsəniz istənilən  vaxt qulluğunuzda  hazıram, ancaq  elə  insanlara  yoxladın  ki, onların  fikirlərini eşidən  olsun.