QAT-ın mətbuat xidmətindən Moderator.az-a daxil olan məlumata görə, Qarabağ Azadlıq Təşkilatının təşəbbüsü ilə “ Azərbaycan Ordusunun 2-5 aprel uğurlu döyüş əməliyyatları: tamam, yoxsa davam?” mövzusunda ictimai dinləmələr keçirilib. İctimai dinləməlrdə millət vəkilləri , siyasi, ictimai qurumların rəhbərləri, ekspertlər, ictimaiyət nümayəndələri iştirak ediblər. Tədbirdə səsləndirilən fikirlərin qısa icmalını təqdim edirik:
Akif Nağı, QAT sədri: “İctimai
dinləmələrin məqsədi ən vacib problemimiz olan Dağlıq Qarabağ münaqişəsi ilə
bağlı vahid mövqenin formalaşdırılmasından ibarətdir. Ona görə də
iqtidarlı-müxalifətli hamını dəvət etmişdik. Qarabağ məsələsində
iqtidar-müxalifət münasibəti ola bilməz. Ordumuz gücünü göstərdi, az vaxt ərzində
düşmənin əsas qüvvələrini darmadağın etdi. Cəmiyyət hər cür fədakarlığa hazır
olduğunu, şəhidliyi şərəf saydığını göstərdi. İndi yarımçıq dayanmaq olmaz, hərbi
əməliyyatlar davam etdirilməlidir, biz cəmiyyət, xalq olaraq on minlərlə qurban
verməyə, ölməyə, şəhid olmağa hazırıq. Ancaq bir tələbimiz var: müharibə davam
etdirilməlidir, son qələbəyə qədər davam etdirilməlidir”.
Vahid Əhmədov, millət vəkili:
“Biz müharibəyə davam deyiriksə Ermənistanın arxasında Rusiyanın dayandığını
unutmamalıyıq. Mən də razıyam ki, torpaqların hissə-hissə qaytarilmasina getmək
olmaz. İşğalda olan bütün ərazilər eyni
vaxtda qaytarılmalıdır. Amma bu mərhələdə hücumun dayandırılmasını başa düşməliyik.
Arzuolunmaz hadisələr baş verə bilərdi.Tam qətiyyətlə deyirəm ki, aprel döyüşlərində
Azərbaycan ordusu öz gücünü bütün dünyaya göstərdi.
Qüdrət Həsənquliyev, millət
vəkili, BAXCP ”“nin sədri: Dağlıq Qarabağın azad olunmasını istəyiriksə, Rusiya
amilini nəzərə almalı, Rusiya ilə işimizi düzgün qurmalıyıq. Gürcüstanda,
Ukraynada baş verənləri unutmamalıyıq. Cəbhədəki son gərginlik zamanı İrandan da müsbət reaksiyalar gəldi, amma istədiklərimizi
tam görmədik. Türkiyə bizə ciddi dəstək verdi. İndi genişmiqyaslı müharibə ciddi
risqlərlə bağlı ola bilər. Güc göstərdik, indi diplomatik sahədə uğurlar əldə
etməyə çalışmalıyıq”.
Arif Hacılı, Musavat
Partiyasının başqanı: “Azərbaycan
hakimiyyəti diplomatik cəbhədə çox zəifdir, təşəbbüslər edə bilmir. Biz Minsk
qrupunun tərkibinə dəyişikliklər , GUAM-ın işinin gücləndirilməsini təklif edirik. Müharibə ilə bağlı, Moskvada
atəşkəs razılşaması ilə bağlı cəmiyyətə
heç bir məlumat verilmədi. Bu, düzgün deyil. Hərbi əməliyyatlar başlayan kimi
biz ilk nümunə göstərdik, hərbi əmliyyatlara dəstək verdik”.
Qüdrət Həsənquluyev: “Diplomatik
uğursuzluqlarla bağlı fikirlərlə razı deyiləm. GUAM-ın gücləndirilməsinin də elə
bir mahiyyəti yoxdur”.
Camal Əhmədov, Qarabağ
veteranı, hüquqşünas: “Cəbhədəki son hadisələr müsbət qiymətləndiliməlidr.
Nöqsanlar da oldu. Heç bir qanun, heç
bir qurum mənə öz evimə getməyi qadağan edə bilməz.Mən bir məcburi köçkün kimi
öz evimə qayıtmağı nə qədər gözləməliyəm? Dövlət, Ordu hər cəhətdən hazırdır.
Ancaq irəli, müharibəyə başlamaq əmri verilməlidr. Ölümümüzə getməyə hazırıq.
Rusiya mifinə son qoyulmalıdr, bu mifi sındırmağa qadirik.Biz ermənilərə ay
yarım vaxt verə bilərik. Ondan sonra hakimiyyət müharibə əmrini verməlidir, ya
da çıxıb getməlidirlər. Tələbumiz budur. Veteranlar döyüşə hazırdır”.
Mirmahmud Mirəlioğlu,
KXCP-nin sədri: “Biz ikinci dünya müharibəsində yüzminlərlə adam itirmişik.
İndi nə üçün itkilərdən qorxmalıyıq?
Birinci atəşkəsi də ruslar məcbur edib imzalatmışdılar, indi də Moskvaya
çağırıb imzalatdılar. Orda imza atan general da bizimki deyil. Rusiyadan biz
heç vaxt nəisə gözləyə bilmərik. Müharibə ilə bağlı ordumuza istənilən dəstəyi verməliyik. Minsk
qrupundan imtina edilməldir. Hakimiyyətdən də tələbimiz odur ki, müharibə şəraitində
pulu lazım olmayan yerlərə xərcləməsinlər. Biz ikinci atəşkəs dövrünü
yaşamamalıyıq”.
Qüdrət Həsənquliyev: “Ya
Rusiya amilini nəzərə alıb, mərhələ-mərhələ məqsədimizə doğru gedirik, ya da
radikal yolu seçirik: özümüzü fəda edirik, erməniləri də məhv edirik”.
İxtiyar Şirin, Milli Konqres Partiyasının sədri:
“Müharibə hökmən davam etdirilməlidir. Bu gün müharibə üçün əlverişli şərait mövcuddur, arxadan zərbə təhlükəsi də
yoxdur, xəyanətkar siyasi və hərbi qruplar sıradan çıxıb. İndiki müxalifət Azərbaycanın
milli maraqlarına sadiqdir, xəyanət yolu tuta bilməz. Torpaqlarımızın azadlığı
işində hakimiyyətə tam dəstək verməyə hazırıq”.
Arif Hacılı: “Rusiya amilindən qorxmağına dəyməz. İndi
dünyada, həmiçinin Rusiyanın özü ilə bağlı yeni , fərqli şərait yaranıb. Azərbaycan
ordusu da xeyli güclənib, onu Gürcüstan və ya Uktayna ordusu ilə müqayisə etməyinə
dəyməz”.
Pənah Hüseyn, Azərbaycan
Xalq Partiyasının sədri: “Azərbaycan ordusu haqqında yalnız müsbət fikir söyləyə
bilərəm. Bir iradımı demək istəyirəm ki,
hakimiyyət xalq faktorundan kifayət qədər istifadə etmir. Bu faktordan
orduya da, diplomatiyamıza da dəstək olaraq istifadə edilməlidir. Atəşkəsin b u
qədər, müddətsiz davam etməsi də başa düşülən deyil.Qarabağ uğrunda mübarizə
korrupsiyaya qarşı mübarizədən, cəmiyyətin saflaşdırılması uğrunda mübarizədən
keçir. Gözləməyə yer yoxdur, övladlarımızı da şəhid verməyə hazırıq. İşğala
dözmək iqtidar üçün də , müxalifət üçün də, hamımız üçün də xəyanətdir. Dövlət
təkcə iqtidarın deyil, həm də bizimdir. Köhnə bir ideya var idi, Qarabağ
quqrultayı ideyası. İstərdik ki, Qarabağ Azadlıq Təşkilatı bu ideyanın
reallaşmasına səy göstərsin”.
Mübariz Əhmədoğlu, Siyasi
İnnovasiyalar və Texnologoyalar Mərkəzinin rəhbəri, politoloq: “Müxalifətin
dörd günlük müharibədə hakimiyyəti dəstəkləməsi
müsbət hadisə oldu. Cəbhədəki son hadisələrlə bağlı demək istəyirəm ki, Azərbaycan hərbi əməliyyat deyil, siyasi
aksiya həyata keçirdi və məqsədinə nail oldu. Dağlıq Qarabağ münaqişəsinin həllində
Rusiyanın rolu ilə bağlı demək istəyirəm ki,
Rusiya son hadisələr zamanı, demək olar ki, neytral mövqe tutdu. Bu, Azərbaycan
üçün sərfəli bir variant oldu. Azərbaycanın real hərbi əməliyyatları bundan
sonra başlayacaq”.
İsa Qəmbər, Mlli Strateji
Düşüncə Mərkəzinin rəhbəri: “Cəbhədəki son hadisələr göstərdi ki, xalq Qarabağı
unutmayıb, unutmaq fikri də yoxdur. Bu mənada bəzilərinin yanlış fikirləri
özünü doğrultmadı. Xalqın bu əhval-ruhiyyədə qalmasında Qarabağ Azadlıq Təşkilatının
da rolunu qeyd etməliyik. Xalqı şəhidlər birləşdirdi. Birlik oldu, bu, çox
yaxşıdı. Bu birliyin əldə olunmasında ictimai-siyasi qüvvələr, demokratik düşərgə
öz payını verdi. Biz həmişə demişik ki, Qarabağ məsələsindən heç bir siyasi
qüvvə öz məqsədləri üçün istifadə etməməlidir. Madrid prinsipləri Azərbaycan
üçün böyük təhlükədir. İşğal altındakı ərazilərin hamısı eyni vaxtda
qaytarılmalıdır. Biz hərb yolunun əleyhinə deyilik, amma danışıqlar yolunun da
imkanlarının tükənmədiyi qənaətindəyik”.
Elşad Musayev, Böyük Azərbaycan
Partiyasının sədri: “Cəbhədəki son uğurların əhəmiyyətini şişirtməyə dəyməz.
Gözlədiyimiz böyük uğurlar hələ qabaqdadır. Torpaqlarımız hərbi yolla azad
olunmalıdır. Ordumuzu tam müdafiə edirik”.
Murad Sadəddinov, hüquq
müdafiəçisi: “Birmənalı şəkildə deyirəm ki, hərbi əməliyyatlar davam etdirilməlidir.
Amma ciddi hazırlıq işləri aparılmalıdır. Məndə belə bir əminlik var ki, yaxın
vaxtlarda hərbi əməliyyatlar bərpa olunacaq. Biz müharibəni hər cəbhədə
-informasiya, psixoloji və digər sahələrdə aparmalıyıq. Müşahidələr göstərir
ki, erməni cəmiyyəti ağır durumdadır”.
Akif Heydərli, Azərbaycan
İslam Partiyasının sədr müavini: “Biz həmişə şəhidlik məqamına xüsusi önəm
vermişik. Bu gün şəhidliklə bağlı ölkədə yaranmış əhval-ruhiyyə bizi çox
sevindirir. Vətən, torpaq yolunda şəhidlər verdik, hamı da bunu gözəl
qarşıladı. Atəşkəs millətimizə təhqirdir. Şəhidlərlə qələbəmizə çatacağıq,
inşallah. Hər birimiz, xüsusilə də imanlı insanlar hərbə, şəhid olmağa hazırıq.
Müharibədən başqa yol yoxdur”.
Nəsimi Qarabağlı, Beynəlxalq
Vətənpərvərlər Birliyinin sədri: “Qarabağ, mənim Şuşam yalnız hərbi yolla
işğaldan azad oluna bilər. İşğalı miras olaraq gənc nəslə qoyub gedə bilmərik.
Bu məsələdə iqtidarla müxalifət, bütün cəmiyyət bir yerdə olmalıdır. Hakimiyyətə
ağıllı, məntiqli təkliflər verməliyik. Burda bir daha deyirəm ki, “Dağlıq
Qarabağın Azərbaycanlı İcması” ifadəsi yanlışdır, biz öz ölkəmizdə “icma” ola
bilmərik”.
Tahir Abbas, İslam
Demokrat Partiyasının sədri: “Əsgərlərimizin düşmən üzərinə gedərək şəhid
olmaları xalqımızın mövqeyini, gücünü göstərdi. Biz Qarabağ naminə ölüm-dirim
savaşına qalxmalıyıq, başqa yolumuz yoxdur”.
Tərlan Eyvazov,
Əfqanıstan və Qarabağ müharibəsi veteranı, rəssam: “Son döyüşlərdə bizim itkilərimiz
düşməninkindən çox az olub. Belə məsələlərdə diqqətli olmalıyıq. Hərbi əməliyyatlarla
bağlı danışanda sözlərimizə fikir verməliyik”.
Mübariz Əhmədoğlu: “Madrid
prinsipləri Azərbaycanın maraqlarına əsasən cavab verir. Ən təhlükəli məqam
aralıq statusu ilə bağlıdır. Real müharibə variantı yalnız ciddi hazırlıqdan
sonra ola bilər”.
İsa Qəmbər: “Madrid
prinsiplərini təbliğ etmək olmaz, orada ciddi təhlükələr var. Qarabağın
azadlığı naminə cəmiyyətdə vahid mövqe olmalıdır. Bunun üçün əvvəlki sənədlərə,
məsələn, Qarabağ Xartiyasına qayıtmaq olar, ya da yeni variant üzərində düşünmək
olar”.
Camal Əhmədov: “Vaxtdan səmərəli
istifadə olunmalıdır, nəticəyə nail olmalıyıq. Çalışaq ki, bu söhbətlərimizin nəticəsi
olsun”.
Akif Nağı: “Müzakirələrdə
fəal iştirakınıza görə hər birinizə təşəkkür edirəm. Bir daha əmin olduğumu
bildirirəm ki, Qarabağın azadlığı bizim, xalqımızın öz əlindədir. On minlərlə şəhid
vermək olsa da, torpaqlarımızı azad etməliyik. Hamının fikri birdir ki, hərbi əməliyyatlar
davam etdirilməli, qələbəyə qədər getməliyik. Biz Xankəndində, Şuşada oturandan
sonra, dünya baş vermiş faktla hesablaşacaq. Buna hamı əmin ola bilər”.
Seymur Əliyev