"Gözəl qadın, səmimi insan,çox dəyərli bacımız,Türk sinemasının Sultanı Türkan Şorayla Boluda gözəl bir gün keçirdik. Dəyərli Türkan xanım, gözəl sənətçi və dost Jale Parıltı Şəkər,dəyərli dost Nezahat Kayışkan, anam, bacım və bizi Boluda Türk Dünyası üçün çox önəmli bir tədbir olan Beynəlxalq Koroğlu Festivalına dəvət edən dəyərli bələdiyyə başçısı Alaədin Yılmaz və gözəl xanımı, mənim gözəl bacılarım, gözəl insanlar, bələdiyyə başqan yardımçıları Emine Davarçıklıoğlu və Güler Mertlə maraqlı və gözəl söhbətlərin sonunda Türkan xanıma Azərbaycan adına gözəl örpəyimizi hədiyyə etdik. Türkan xanım Azərbaycanı və insanımızı çox sevdiyini deyərək Azərbaycan musiqi və rəqsini gözəl bildiyini də hər kəsə göstərdi.Türkan xanım və bütün dəyərli dostlar birgə doyunca söhbət etdik. Sənətdən, həyatdan, qadından, bu cür festivalların önəmindən, Azərbaycandan, Azərbaycan-Türkiyə münasibətlərinin inkişafından və.s . Türkan xanım uzun illər əvvəl Koroğlu filmində oynayıb və dünya səviyyəsinə çıxarıla biləcək bir Koroğlu filminin çəkilməsinə böyük ehtiyac olmasından,Türk dövlətlərinin birlikdə belə bir filmə imza atmalarının vacibliyndən də danışdıq. Bunu çox arzuladığını dedi və söhbət rola gəlincə Türkan xanım "vallah, mən indi də Nigarı sevərək oynayardım" dedi. Biz də "Sizdən gözəl kim oynaya bilər ki" dedik... Onu illərdir yaxından tanıyıram, amma illər gözəlliyini nəinki azaltmır, tam əksinə, daha da artırır. Əsl gözəllik daxili və xarici gözəlliyin vəhdətindədir və o belə bir gözəlliyə sahibdir. Doyunca söhbətləşdik və görüşümüzün sonunda gələn dəfə Azərbaycanda görüşək dedik və onu təkrar Bakıda görməkdən məmnun olacağımızı deyib, dəvət etdik. Azərbaycanı çox sevdiyini dedi və ən gözəl arzuları dilədiyini söylədi.Mən də "Sizi hər zaman belə sağlam, gözəl görmək istəyirik, gözlərinizdəki təbəssüm heç zaman azalmasın" dedim. Onunla söhbətdən hər zaman olduğu kimi bu dəfə də gözəl zövq aldıq. Gənc sənətçilərin ondan öyrənəcəyi çox şey var. Təkcə sənət deyil, insanlıq barədə də...