İstiqlalçı millət vəkili Mətləb Mütəllimli deputat Zahid Oruc haqqında olduqca kəskin notlu bir müəllif yazısını Moderator.az-a göndərərək sayta yerləşdirilməsini xahiş edib. Həmin yazını cüzi redaktələrlə oxuculara təqdim edirik, eyni zamanda Zahid bəyə də bəri başdan cavab haqqı tanıdığımızı bəyan edirik:

 

 (Monqol atalar sözü) 

Bu günlərdə  Moderator.az saytında camaatın millət vəkili adlandırdığı, guya Bərdədən deputat  seçilmiş, əslində isə millətinin say - seçmə oğullarına, qızlarına qənim kəsilmiş indiki hakimiyyətin vəkili Zahid Orucun  “Günahsızlıq qəbzi “  sicilləməsinəsinə rast gəldım. Burda nədən bəhs edilmir ki: 2005-ci il inqilabından, həbsdən buraxılanlardan, müəllifin əbədi tapşırığından - Fərhad Əliyevdən, əlbəttə, “təmiz əqidə adamı libası geymiş“ Cəmil Həsənlidən,  Zülfüqarlı qardaşlarından, Amerikada ağlar üçün ağlayan qaralardan, Almaniya partiyalarından, Türkiyə hökümətindən, Beynəlxalq Bankın idarəçiliyindən, dünənəcən hakimiyyətin can - ciyəri olmuş iş adamı Nizami Piriyevdən, Hacı İbrahimin uğursuz sonluqla bitən biznesindən, Bandotdeldən, iqtidar əleyhinə birləşənlərdən və sair və ilaxir. Sənin belə lüzumsuz uzunçuluğun, ucundan tutub ucuzluğa getməyini təkcə mən desəydim, dərd yarı idi. Bir çoxları, hətta Milli Məclisin sədri O. Əsədov belə bütün millətin gözü qarşısında dərsini pis bilən uşaq kimi  səni danlayır  ki, ”Səndə bir xasiyyət var, çox uzun danşırsan, qısa elə.”

Mandat paylayanlar

                                                                                                                                                                  Düzünü bilmək istəsən, mənim qənaətimcə, əsas qayəsi yarınmaqdan ibarət olan sənin bu uzun, uzun olduğu qədər də cansıxıcı, mənasız, hər cümləsindən məddahlıq damcılayan bu yazına mən də cavab verməzdim, bir şərtlə ki, əgər normal  həyat təcrübəsi olmayan bu adam yetənə yetib yetməyənə bir daş atmasaydı, özünü  hamıdan ağıllı gösrərməsəydi, hər çıxışında özünü  prezidentin  rəsmi sözçüsü  kimi aparmasaydı. Əlbəttə, başa düşmək olar ki, qabaqdan parlament seçkiləri yaxınlaşır, sən də 14 ildən sonra yenə adına mandat yazdırmaq istəyirsən, amma bunu urvatlı etsəydin nə olardı ki? Belə olsaydı, camaat  sənin əcaib - qəraib ideyalarına- “Tələbə qəbulu dövlət komissiyası müəllimlərin biliyini qiymətləndirsin”, “Azərbaycan gənclərinin xaricdə dini təhsil almasına qadağa qoyulsun”, Rusiya sevgin və sair yersiz çağırışların bəlkə də unudulardı. Sən özün də yaxşı bilirsən ki, hər dəfə cibinə dürtülən deputat mandatını  sənə  xalq yox, “ağ bina” ”“ Prezident Aparatı verib. Bəlkə, özündən razı olan sən elə bilirsən ki, hamı səni tərifləyir, sevir, başına and içir? Yanılırsan, özü də çox bərk yanılırsan.

                                                                                                                                                                  Hərbi ekspert Üzeyir Cəfərov  məsləhət görür ki, “ Zahid Oruc ağzını yumsun və dərk etmədiyi məqamlardan danışmasın. Mən Zahid Orucu rüsvay edərəm, getsin məddahlığı ilə məşğul olsun. Təyinatlı deputat kimi sakit otursa yaxşıdır.”                                                                                                                          

Jurnalist Şahvələd Çobanoğlu da yazır ki, “Zahid Orucun saxta yolla deputat olması da baş verməli deyildi.”                                                                                                                                                                         Sənin   iş yoldaşın, Milli Məclisin deputatı Ərəstun Cavadov  da fikirlərini cəmiyyətlə bölüşməkdən çəkinmir və  bildirir ki,  “Ümumiyyətlə, məqsədi və ideyası bəlli deyil. Külək  hara əsirsə,o da o yana əsir. Onun dostu ilə düşməninin kim olduğu bilinmir.”                                                                                                                     

Jurnalist  Seymur Verdizadə isə  xatırlayır ki, Z. Oruc bir dəfə demişdi ki,hər dəfə seçicilərlə görüşə gedəndə cibləri reseptlə dolur.Onun seçiciləri dərman almağa pul tapmır,amma,o,hər il ( 14 il) Milli Məclisdə hökümətin hesabatının leyhinə səs verir.Yenə sadalayımmı?                                                                                                                                                                                                                .                                            

                                                                                                                                                                  Neçə illərdir ki, bir çoxları, o cümlədən, sabiq iqdisadi inkişaf naziri Fərhad Əliyevi söyməklə, onun xəyanətindən, çevriliş etmək cəhdindən danışmaqla evinə çörək aparırsan. Bəxtın onda gətirib ki, o, nə əvvəl-həbsdə olanda, nə də indi-ölkədə olmayanda bu  sözlərinə cavab verə bilmir. Sən də bundan istifadə edib boş meydanda şellənirsən, xoruzlanırsan. Əsrlərdir atalar sənin kimiləri nəzərdə tutub deyib ki, yıxılan ağaca hamı-baltalı da hücum çəkər,  baltasız da. Yaxşı  bilirsən ki, F.Əliyevin aşığının alçın durduğu vaxtlarda heç cıqqırını da çıxara bilməzdin. O, səni, necə deyərlər, məcazi mənada, diri-diri, çeynəməmiş udardı. Amma onu da yaxşı bilirsən ki, indi  cəngəllik qanunları  ilə idarə edilən Azərbaycanda yox, başqa normal ölkədə bu şər-böhtan baş versəydi, səni ən azından 10 il türmə gözləyərdi. Birincisi, işlədiyi dövrdə bütün nöqsanlarına, YAP üçün etdiyi qanunsuzluqlara baxmayaraq, Azərbaycan üçün F.Əliyevin etdiyinin heç bir faizini sən etməmisən. Belə olan halda, növbəti saxta  mandat  üçün niyə allahsız danışırsan, imanını bada verirsən? İkincisi, sən hardan bilirsən ki, o vaxt F. Əliyev metallurgiya sənayesinə əlini qoymuşdu, qaynatası ölkəyə gələn taxılın 63 faizinə nəzarət edirdi, Qaradağ sement zavoduna  qeyri-rəsmi  himayədarlıq edirdi? O rəqəmləri sənə verənlərdən soruşmağa cəsarətin çatarmı ki, 63 faizin neçə faizi (uzağı 3-5 faizi ) ona çatırdı, qalanı isə o vaxt da, bu gün də sənə rəqəmləri verənlərəin cibinə  axır? Üçüncüsü, axı, soruşmaq ayıb olmasın, nə canın boynuna düşüb ki, bir mandata görə özünü xalqın gözündə gülüş hədəfinə çevirirsən? 

                                                                                                                                

                                                   

Sənə və bəzilərinə xatırlama verməyi vacib bilirəm ki, F. Əliyevlə bağlı məsələlərdə mənim mövqeyim onu müdafiə kimi başa düşülməsin. Birincisi, mən 8 il sərasər nahaqdan yatırılan və sonda sınan, aman diləyən F.Əliyevin yox, haqqın tərəfindəyəm. İkincisi, əslinə qalanda, əgər indiyə qədər mən 2 nəfərdən  pislik görmüşəmsə, onun biri F.Əliyev olmuşdur. Ölkə başçısı İ.Əliyev hakimiyyətə gələndən sonra  insanların malı- mülkü əlindən alınmağa başlandı. Bizim də dişlə-dırnaqla təmizləyib abıra saldığımız və icarəyə götürdüyümüz qəza vəziyyətində olan  partiya qərargahı auksiona çevrilmiş məhkəmələr vasitəsi ilə bizdən alındı və bir "türemşik"ə külli miqdarda pul müqabilində  satıldı. Səndən  fərqli olaraq mən  o vaxt prezidentin sağ əli olan F.Əliyevin eninə də, uzununa da döşəməkdən çəkinmirdim. Gördüyün kimi F.Əliyevin  qanunsuz hərəkətlərinə görə mənim danışmağa daha çox mənəvi haqqım vardır. Bununla belə heç kim çörəyi qulağına yemir və bizim, eləcə də digər şəxslərin mülklərinin sahiblərindən alınması onda da, indi də mərkəzləşmiş qaydada həyata keçirilir ki, bunun da başında kimin dayandığını özün yaxşı bilirsən.  

 

                                                  

"Quran" sənə qənim olar                                                                                                                                                                                        

Eyni zamanda, belə bir cəfəng, cəfəng olduğu qədər də absurd ittihamı ağlı başında olan heç kim qəbul etmir  ki, F.Əliyev, eləcə də sabiq səhiyyə naziri Əli İnsanov ( Allah qapısını açsın) guya dövlət çevrilişinə cəhd etmişlər. İstər Ə.İnsanov, istərsə də F.Əliyev vəzifədə olduqları  bütün dövrlərdə H.Əliyevə, sonra da İ.Əliyevə ən sədaqətlə xidmət edən şəxslər olmuşdur və bunu istintaq da açıq sübut etmişdir. Məhz ona görə də  hər dəfə sənin tərəfindən  F.Əliyevin  xarici təsirlərə düşməsini deməyin  "Məlikməmməd nağılı"ndan başqa bir şey deyildir. Eyni zamanda, sənin bütün  müsəlmançılıq  normalarını pozaraq ““İ.Əliyev onun kabinetinə müqəddəs "Quran"la silahlanıb gələn F.Əlyevi  qəbul etmədi ” deməyin "Quran"a qarşı da hörmətsizlikdir.”  Əvvəla, əgər belə bir şey olmuşdursa (yəqin, olub ki, səni belə “faktlar” la təmin ediblər), bu da  daim oruc tutan, namaz qılan keçmiş nazirin günahsız olduğunu bir daha sübut edir. Bir də ki, ey çoxlu kitab oxuyub, amma ona əməl etməyən, "Qurani-Kərim" silah deyil, bizim - müsəlmanların qarşısında baş əydiyi müqəddəs kitabdır.

                                                                                                                                                               Müsahibələrinin birində səmimi etiraf etmisən ki, ”Çox da həsəd aparılası ömür yaşamamışam.” Düz sözə nə deyəsən, mən də sənin bu acı etirafını başa düşürəm, bölüşürəm. Amma onu da bilirəm ki, seçdiyin urvatsız yol sənə çoxlu xeyir gətirsə də heç vaxt şərəf gətirmir. Bu həqiqətən də belədir, axı, tərifini göylərə qaldırdığın hakimiyyətə yaltaqlanmayanlara, məddahlıq etməyənlərə Azərbaycanda  yer  yoxdur, mandat  yoxdur. Şəxsən mən bu yaşa çatmışam, sənin kimi xeyli kitab oxumuşam, amma heç vaxt rast gəlməmişəm ki, özünü kişi hesab edənlər  şəxsi mənafelərinə görə, sözün həqiqi mənasında, elin - obanın gözü qarşısında özünü oda - közə vursun, yandırsın. Millət pis gündə yaşadığı bir vaxtda heç bilmirsən bir yoluq mandat üçün dövlət başçısına hardan yaxınlaşasan, hardan dürtüləsən. Təkcə bir yazında dövlət başçısını gah -Prezident, gah- 1-Cİ ŞƏXS, gah-Rəhbər, gah-Lider, gah da Sərkərdə adlandırırsan. Amma sən və sənin kimi şəxsi mənafeyinə görə hər şeyə gedənlər bir vacib məqamı unudursunuz ki, YAP hakimiyyəti yaltaqları yox, yaltaqlığı sevir.

                                                                                                                                                                       2013-cü ildən, prezidentliyə namizəd olduğun vaxtdan indiyə qədər  gecə-gündüz saqqız kimi çeynədiyin mövzulardan biri də Cəmil Həsənlidir. Prezidentliyə yalançı namizədliyin ərəfəsində bəzi namizədlər kimi sən də ancaq və ancaq dünyaca məşhur, sənə çörək verənlərdən fərqli olaraq kitablarını özü yazan professor Cəmil Həsənlinin yaxasından qır - saqqız olub yapışmışaraq qopmurdun ki, qopmurdun. Guya bu adamın övladının təhsil haqqını kimsə ödəyib, yaşadığı evin zirzəmisini özəlləşdirib və sair. Əgər belədirsə, xaricdə təhsil alanın xərcinin ödənilməsi qəbahətdirsə, onda sənin xaricdə oxuyan övladının təhsil haqqını kim ödəyir? Bir də ki, rəhmətliyin oğlu, bütün Azərbaycanın özəlləşdirildiyini deməyə cürətin çatmırsa, heç olmasa hansısa bir yetim zirzəmidən danışma.                                                                                         

Və ən nəhayət, nə vaxtsa özünə heç sual vermisənmi ki, Cəmil Həsənlinin dünyanın bir çox ölkəsində, o cümlədən, Amerikada çap olunan kitablarını tərəzinin bir gözünə, səni də o biri gözünə qoysalar, hansı tərəf ağır gələr? 

                                                      

Qaş düzəldən yerdə”¦                                                                                                                                           

                                                                                                                                                                      Deyəsən, mən də sənin kimi ucuzluğa getdim, gərək, oxucular üzrlü hesab etsin, günahımdan keçsin. Sonda sənə onu da məsləhət görürəm ki, danışanda, yazanda  diqqətli ol, qaş düzəldən yerdə vurub gözünü də çıxarma. Sabiq müdafiə naziri S.Əbiyev hakimiyyətdən gedəndən sonra cürətlənib onun haqqında deyirsən ki, “ Səfər Əbiyev daha çox Azərbaycan cəmiyyəti ilə və onun təmsilçiləri ilə konfliktdə idi, nəinki düşmənlə.”  Mandat gözlədiyin bir vaxtda, belə siyasi səhvə yol verməyin, keçmiş müdafiə nazirini düşmən elan etməyin sənə yaxşı heç nə vəd etmir. Belə çıxır ki, Əliyevlər hakimiyyəti ən mühüm postda, müdafiə nazirliyinin başında 18 il düşmən saxlayıblar?

                                                        

                                                                                                                                                                                                                                                                                                                     

Siyasi fəaliyyətində seçki taleyini həll edəcək  bir çox siyasi səhvlərə  yol verirsən. Bir çıxışında  deyirsən ki, “İlham Əliyev kabinet  lideri olmayıb, o, ölkəni qarış-qarış dolaşıb, 1-ci Pyotrdan da qüdrətli şəkildə bu ölkəni qurub.”                                                                                                                                                

Qeyri - rəsmi təmsil etdiyin partiyanın - Yeni Azərbaycan Partiyasının platformasına görə Azərbaycanın banisi, qurucusu, məhz Heydər Əliyevdir. Sən onu unudaraq İ.Əliyevi qabağa verməklə kobud  səhvə yol verib ümummilli liderə xəyanət etmirsənmi?                                                               

.