2-5 aprel döyüşləri və bu döyüşlər zamanı ordumuzun əldə etdiyi uğurlar bütün Azərbaycan xalqına yeni bir ruh ”“ mübarizə və qalibiyyət ruhu bəxş etdi. Real döyüş əməliyyatlarının təhlili göstərdi ki, Azərbaycan ordusu həqiqətən də işğaldakı torpaqları azad etmək qüdrətinə malikdir və istənilən zaman bu qüdrəti sərgiləyə bilər. Lakin Dağlıq Qarabağ və ətraf rayonların azad  edilməsi məsələsinin son dərəcə aktuallıq kəsb etdiyi bir zamanda qabardılması, önə çəkilməsi gərəkən digər bir məsələ də var ki, bu da Azərbaycanın tarixi torpaqları olan İrəvan, Xankəndi, Göyçə, Zəngəzur kimi ərazilərin azad edilməsidir, Hansı ki, mövcud tarixi fürsətdən istifadə edib Qarabağla yanaşı, bu ərazilərin bəlli bir qisminin belə geri qaytarılması yalnız Azərbaycanın deyil, bütün türk dünyasının maraqları baxımından həyati ola bilər.

Təklənən Türkiyə və ya Rusiya şovinizminin “qızıl tələ”si

I Pyotr dönəmindən başlayaraq türk dünyasına, xüsusilə də Türkiyəyə qarşı mübarizə məqsədi ilə vahid siyasi kurs müəyyənləşdirən Rusiya çox keçmədi ki, Osmanlı imperiyasını məğlub etmək üçün çoxmərhələli hiyləgər strategiya hazırladı. Məlum strategiya Türkiyəni qalan türk xalqlarından ayırmaq üçün onun digər türk dövlətləri ilə quru əlaqəsini kəsmək, Türkiyənin ətrafında xristian dövlətlərindən ibarət dairə formalaşdırmaq idi. Hansı ki, bu strategiya tarixi Azərbaycan torpaqları olan Zəngəzur mahalının ermənilərə verilməsi ilə başa çatdı. Məhz bu olaydan sonra Naxçıvan da daxil olmaqla Türkiyənin Azərbaycan və digər türk dövlətləri ilə quru əlaqəsi kəsildi. Obrazlı desək, baş bədəndən məhrum edildi və bundan sonra ayrı-ayrılıqda yaşamaq, ayrı-ayrılıqda mübarizə aparmaq zərurətinə məhkum olundu. Bu baxımdan Qarabağ uğrunda yeni bir müharibənin alovlanmaqda olduğu hazırkı məqamda Zəngəzur mahalının düşməndən azad edilməsi Naxçıvanın blokadasına son qoymaqla yanaşı, Türkiyəni də “xristian çənbəri”ndən azad edilməsinə səbəb olar ki, bu da Türkiyənin Rusiya tərəfindən hazırlanan “qızıl tələ”dən xilas olması deməkdir.

İrəvan, Xankəndi, Göyçə, Zəngəzur batalyonlarının yaradılmasını zəruri edən nədir?

Məhz bu tarixi missiyanı həyata keçirmək üçün bunun əhəmiyyətinin öncə ictimai rəydə, xalqın psixologiyasında qavranılması, bu zərurətin tam aydınlığı ilə dərk edilməsi vacibdir. Azərbaycanın Qarabağla yanaşı İrəvan, Xankəndi, Göyçə kimi tarixi torpaqlarına iddiasını bir kəs daha ortaya qoymaq, bu iddianı reallığa çevirməkdə qərarlı olduğunu sərgləmək, Silahlı Qüvvələrin, eləcə də bu qüvvələrin qələbəsinin rəhni olan Azərbaycan xalqını mənəvi-psixoloji baxımdan buna hazırlamaq məqsədi ilə ölkəmizdə məlum adda batalyoinların yaradılması zəruridir. Belə bir milli hərbi kodlaşdırma Silahlı Qüvvələrin məsuliyyət hissini artırmaqla yanaşı, xalqın həmin torpaqların azadlığına daha ciddi, daha köklü səfərbər olunmasını təmin edə bilər.

Bundan başqa, İrəvan, Xankəndi, Göyçə, Zəngəzur adlı batalyonlarn yaradılması düşmənə psixoloji baxımdan təzyiq göstərmək, bu ərazilərdə məskunlaşan erməniləri davamlı psixoloji gərginlikdə saxlamaq  baxımından da səmərəli olar. Lakin qeyd etdiyimiz kimi, bu yenilik  sadəcə düşməni qorxudub çəkindirmək, onu psixoloji baxımdan sarsıtmaq məqsədinə tabe edilməməli, həmin ərazilərin azadlığının təmin edilməsi məqsədinə tabe tutulmalıdır.

Hərbi məhsullarımızın daşımalı olduğu adlar...

Bu gün Azərbaycan Müdafiə Sənayesi Nazirliyində müxtəlif adda yüzlərlə məhsul istehsal edilir ki, bu məhsulların, hərbi texnikanın bəzilərinə işğaldakı tarixi Azərbaycan torpaqları olan İrəvan, Xankəndi, Göyçə və s. kimi adların verilməsi də məqsədəuyğun olardı. Azərbaycan milli hərbi sənaye nümunəsi olan silahlara tarixi torpaqlarımızın adının verilməsi gənc nəslin vətənpərvərlik ruhunda tərbiyə edilməsi, milli ruhda kodlaşdırılması baxımından böyük fayda verə bilər. Bundan başqa, qarşıdakı Qarabağ müharibəsində bu adda silah və texnikanın istifadəsi düşmənə sadəcə Qarabağın deyil, XX əsrin əvvəllərində itirilmiş digər torpaqların da azad ediləcəyi mesajını vermiş olar. Azərbaycan ərazisini işğal edən düşmənin Azərbaycan ordusu tərəfindən məhz işğal edilən ərazilərin adını daşıyan silahlarla  vurulmasının özü də düşmən üçün tarixi bir dərs, amansız gözdağı olardı. Bu, hər kəsə kifayət qədər aydın və anlaşıqlı şəkildə çatdırardı ki, Azərbaycanın onun sərhədlərinə, suverenliyinə hörmət etməyən istənilən dövlətə verə biləcəyi yalnız bir şey ola bilər: ölüm!

Seymur Əliyev

e-mail: [email protected]

.