"Azərbaycanda, xüsusən də son 10 ildə, həyata keçirilən tədbirlər nəticəsində ölkənin  elektrik enerjisi  ilə təchizat sahəsindəki kritik xarakterli problemlər aradan qalxmış, regionlara səhər və axşam qrafik üzrə bir neçə saatlıq elektrik enerjisi verilməsi sistemindən  fasiləsiz təchizat sisteminə keçilmişdir".

 

Bunu Moderator.az-a açıqlamasında millət vəkili, Əli Məsimli deyib. 

"İstehlakçıların keyfiyyətli və dayanıqlı elektrik enerjisi ilə təchizatinin tam təmin olunması sahəsində  həllinin sürtləndirilmısinə ehtiyac olan məsələlər də var.Bizə gələn məlumatlar əsasında deyə bilərik ki,regionların, şəhər və kəndlərin elektik enerjisi ilə tam şəkildə fasiləsiz təchizatı sahəsində bəzi problemlər hələ də öz həllini gözləyir.Xüsusən də təchizatın davamlılığının təmin edilməsinə ehtiyac var. Amma indiki problemlər, əvvəlki illərdə olduğu kimi, ölkədə elektik hasilatının səviyyəsi ilə bağlı məsələlər deyil. Hazırda Azərbaycanın enerjisi sistemində generasiya gücləri ölkəni elektrik enersisi ilə tam və fasiləsiz elektik enerjisi ilə təmin etməyə və istehsal olunan enerjinin bir hissəsni ixrac etməyə imkan verir. Rəsmi statistika məlumatlarına görə,ölkədə elektrik enerjisi istehsalı 2000-ci ildəki  18,7 milyard kilovat saatdan  2015-ci ildə 24,7 milyard kilovat saata çataraq 1,3  dəfə artmaqla Azərbaycan  elektik enerjisi idxal edən ölkədən ixrac edən ölkəyə çevrilib. Bir qədər də konkretləşdirsək, Azərbaycanın enerji sisteminin layihə gücü 7160 meqavata çatdırılıb ki, bu da ölkənin maksimum tələbatından 40 faiz çox olmaqla Rusiya, İran, Türkiyə və Gürcüstan kimi qonşu ölkələrlə enerji mübadiləsi aparmağa və “Azərbaycan-Gürcüstan-Türkiyə” enerji dəhlizi vasitsilə müəyyən miqdarda elektrik enerjisi ixracına imkan verir.

Hazırda əsas problemlər enerjinin ötürülmsi və paylaşdırılması sahəsindədir.Eyni zamanda hava bir balaca dəyişən kimi, bir sıra rayon və kəndlərdə elektrik enerjisi təchizatə kəsilir.Təmir işləri ilə bağlı elektik enerjisi verilməsinin kəsilməsi halları da çoxdu.Regionlarda elektik enerjisi ilə təchizatdakı fasilələr məsələsinin  Azərbaycan Prezidentinin çıxışlarında da öz əksini tapması, həmin problemin ciddiliyini göstərir.

Deyilənlərə görə, qarşıdan sərt qış gəlir....Ona görə də elektrik enerjisinin ötürülmsi və paylaşdırılması sahəsindədir itkiləri və əməliyyat xərclərini azaltmaqdan ötrü problemin həllinin sürətləndirilməsinə böyük ehtiyac var.Fikrimizcə bu sahədəki problemlərin həllini sürətləndirməkdən ötrü bir biri ilə əlaqəli şəkildə bir neçə problemin həlli çox vacibdir:

1.  xeyli hissəsi 30 il və ondan da çox müddətə ismar edilib fiziki və mənəvi cəhətdən köhnəlmiş ötürücü və paylayıcı şəbəkələrin avananlıqların təzələnməsinin tezləşdirilməsi hesabına həm elektik enerjisi təchizatındakı fasilələri aradan qaldırmaq, həm də bu sahədəki yolverilməz 

səviyyəyə(rəsmən 12 faizə yaxın) çatmış elektrik enerjisi itkilərini əhəmiyyətli dərəcədə azaltmaq olar.

2. xüsusən kənd yerlərində elektik xəttlərinin və  dirəklərin bir hissəsinin təzələnməsi işi sürətlənməlidir ki, bir balaca külək əsən kimi işıqlar sönməsin və qırılan elektrik naqilləri insanların həyatına təhlükə yaratmasın. 

3. hələlik alternativ elektrik enerjisi alınmasının maya dəyrinin yüksək olduğunu nəzərə almaqla yanaşı, həm də bu sahənin gələcək perspektivlərinin nə dərəcədə yükəsk olacağının vacibliyini də unutmmaqla, günəş və küləyin gücündən istifadənin dairəsini hətta öz vəsaitimizə qənaət etməklə bu işə maraqlı olan beynəlxalq qurumların dəstəyi ilə xeyli genişləndirmək və fasiləsiz enerji təchizatı işndə irəliyə doğru güclü addım atmaq olar.

4. çox ciddi və obyektiv araşdırmalardan sonra bu sahənin həm strateji,həm regionların inkişafının sürətlənməsi, sənaye, kənd təsərrüfatının inkişafı, həm də əhali üçün böyük əhəmiyyətini tam nəzərə almaqla elektrik təchizatında sadaladıqlarımızın məsuliyyətını dərk edən səriştəli özəl şirkətlərin iştirak dairəsini genişləndirilməsi hesabına istehlakçıların keyfiyyətli və dayanıqlı elektrik enerjisi ilə təchizatinin tam təmin olunmasının sürətləndirilməsində əvəzsiz rol oynaya bilər.

5.təkcə elektrik enerjisindən yox, qazdan və digər enerji növlərindən səmərəli istifadə edilməsinə yönəlik təsirli tədbirlər, o cümləsən stimullaşdırıcı və təbliğat xarakterli tədbirlər görülməlidir.

6. bir neçə ildən sonra hasilat sahəsində geriləmələr olmasın və regionlarımızın elektrik enerjisi ilə təchizatı sahısində yenidən 10 il bundan əvvəlki kimi olmasa da, ona bənzər vəziyyət yaranmasın deyə indidən mövcud elektrik stasiyalarının avadanlıqlarının köhnələn hissəsinin yeniləşdirilməsi işinə başlamaq məqsədəuyğun olar.      

7. Azərbaycanda elektrik enerjisi hasilatının artırılması işini davam etdirməklə, onun yerli tələbatdan artıq hissənin ixracı hesabına bu sahəni ixrac potensialımızın və valyuta gəlirlərimizin artırılmasının etibarlı və iri mənbələrindən birinə çevirmək olar."