“Biz ruslara düşmən deyilik, amma rusların düşmənlik etdiyini də unutmamalıyıq. Bu gün daxil olmaqla, rus qorxusu və rus ağlı deyə bir həqiqət hələ də başımızın bəlasıdır. Bu amil hələ də böyük bir problem olaraq varlığını davam etdirir. Biz dünyaya öz pəncərəmizdən baxmaq məcburiyyətindəyik, rusların və bir başqa ölkənin istədiyi kimi deyil”. 

 

 

O, qeyd edib ki, 20 Yanvar hadisəsi içimizdə böyük bir acı, bir Şəhidlər Xiyabanı, bir şüur və bir dərs buraxdı. Müstəqillik istəyən Azərbaycan xalqına qarşı həyata keçirilən, 137 şəhidin, 700-dən çox insanın yaralanması ilə nəticələnən bu hadisələr bizim tarixi biliyimizin inkişaf etməsi baxımından son dərəcə ibrətamizdir:

 

"Rusların türk dünyasına, Azərbaycana, Cənubi Qafaqaza baxışı özündə son dərəcə önəmli şifrələri əks etdirir. Biz dominantlığına, müstəqilliyinə və torpaq bütövlüyünə aşiq bir millətik. Ancaq bu əzm və iradə torpaqlarımızın üzərində gözü olanları, torpaqlarımız üzərindən dominantlıq və mənfəət əldə etmək istəyənləri çox ciddi mənada rahatsız edir. O gün yaşamış olduqlarımızı bu gün də yaşayırıq. 20 Yanvar günü yaşadıqlarımızı bu gün də yaşamağa davam edirik. Buradan çıxan ən önəmli dərs gələcəyimizi özümüzün inşa etməsidir. Lazım olanda böyük fədakarlıqlar etməyi, mübarizə aparmağı bacarmalıyıq. Buna görə də güclü olmaq məcburiyyətindəyik, dominantlığımıza və müstəqilliyimizə, torpaqlarımıza sahib çıxmaq məcburiyyətindəyik. Lazım olanda düşmənlərimizə qarşı Qarabağ savaşından daha şiddətli savaşlar edə biləcəyimizi göstərməliyik. Düşmən bizim qayğılarımızın, qərarsızlığımızın qoxusunu almamalıdır. Azərbaycan xalqı bu silahlı hücuma rəğmən müstəqilliyinə sahib çıxan bir millət ruhu ilə dirənib və müstəqlliyini əldə edib. Amma yenə də bir çox problemlə üzləşib. Yenə də o poblemlərini həll etmək üçün iradəsini davam edirib. Bu, son dərəcə önəmlidir. Milli ruh, müstəqillik ruhu vacibdir”.