"Vaşinqton-Tayms" Paşinyanın seçkilərdə şansları haqda gözlənilməz yazı dərc etdı...

Bizi sosial şəbəkələrdən izləyin:

"Ermənistanın Baş naziri Nikol Paşinyan bu yaxınlarda qeyri-adi bir faktı etiraf etdi: Dağlıq Qarabağın itirilməsi - 2020-2023-cü illərdə Ermənistanı əsas strateji buferindən məhrum edən və nəticədə 120.000 xristian erməninin tarixi vətənlərindən qovulmasına səbəb olan hərbi məğlubiyyət - "Ermənistanın müstəqilliyini qorumaq üçün hesablanmış bir qurban" idi".

Moderator.az xəbər verir ki, "Aysor" nəşrinin yazdığına görə, bu fikir "The Washington Times" qəzetində əksini tapıb.

Nəşr vurğulayır ki, Ermənistan Konstitusiyasına görə, suveren ərazinin qəsdən verilməsi və hərbi məğlubiyyətin təşkili xəyanət tərifinə düşən hərəkətlər hesab olunur. Ermənistanda 7 iyunda keçirilməsi planlaşdırılan parlament seçkiləri adi seçkilər deyil. Paşinyan üçün bu, şəxsi siyasi yaşam məsələsidir.

Reytinqi təxminən 8% olan lider azad və ədalətli seçkilərdə qalib gələ bilməz. O, ya uduzacaq və məsuliyyət daşıyacaq, ya da seçkilərin azad və ədalətli olmamasını təmin edəcək.

Müəlliflərə görə, son bir ildə Ermənistanda baş verən hər şey ikinci ssenariyə işarə edir.

Onların qiymətləndirməsində plan artıq göz qabağındadır və onun elementləri artıq həyata keçirilir. İş adamı və Ermənistanın əsas müxalifət sponsorlarından biri, eləcə də Paşinyanın hücumlarının əsas hədəflərindən biri olan Erməni Apostol Kilsəsinin əsas maliyyə dəstəkçisi Samvel Karapetyan 2025-ci ilin iyun ayında hakimiyyəti qanunsuz ələ keçirməyə açıq çağırışlar etmək ittihamı ilə həbs edilib. Bu ay, seçkilərdən bir neçə həftə əvvəl, onun ev dustaqlığı daha üç ay uzadılıb ki, bu da nəşrin məlumatına görə, onun seçki kampaniyasına mane olur. Onun həbs qərarı əvvəllər Paşinyanın ailəsi ilə əlaqəli veb-saytında, məhkəmə sisteminə təzyiqi nümayiş etdirən rəsmi məhkəmə qərarından bir gün əvvəl dərc olunmuşdu.

Nəşrin məlumatına görə, Paşinyan parlament tribunasından müxalifət seçicilərini "itlər və çaqqallar" adlandırıb. İrəvan metrosunda o, Dağlıq Qarabağdan qaçan bir ana ilə qarşılaşıb və Qarabağ sakinlərini "fərari" adlandırıb.

Həmçinin iddia edilir ki, Paşinyan yenidən seçilməsə, Azərbaycan tərəfindən yeni hərbi əməliyyatlarla hədələyib.

Məqaləyə görə, korrupsiyaya qarşı mübarizə təşkilatı olan "Transparency International "inzibati resurslardan kütləvi sui-istifadə"ni sənədləşdirib və Ermənistanda azad və ədalətli seçkilər üçün şəraitin olmadığını bildirib.

Guya Paşinyanın hakim partiyası seçki qanunvericiliyində dəyişikliklərin edilməsini, o cümlədən seçki müşahidəçilərinin diskvalifikasiyası üçün yeni səlahiyyətlərin verilməsini tələb edib.

Müəlliflərin fikrincə, Avropa Birliyi problemi daha da ağırlaşdırıb. Dezinformasiya ilə mübarizə üçün 14 milyon dollarlıq Aİ yardım paketi və Ermənistan Baş nazirinin ofisinə məsləhət verən "hibrid sürətli reaksiya qrupu"nun yaradılması, guya Paşinyanın mövqeyini kritik anda gücləndirir.

Erməni müxalifəti xəbərdarlıq edir ki, bu cür Aİ dəstəyi seçki manipulyasiyası üçün "yaşıl işıq" kimi qəbul edilə bilər.

Nəşrin məlumatına görə, risklər Ermənistandan çox-çox kənara çıxır. Vaşinqton İrana diqqət yetirir. Onlar hesab edirlər ki, Vladimir Putinlə müntəzəm görüşən və Çinlə strateji tərəfdaşlıq müqaviləsi imzalayan etibarsız tərəfdaş Paşinyanı hakimiyyətdə saxlayan "oğurlanmış seçkilər" ABŞ-ın regional layihələrini təhlükə altına qoya bilər.

S.Laçın