26 oktyabr Gürcüstanda parlament seçkiləri keçiriləcək. Gürcüstan parlament idarəetmə üsüllu dövlət olduğu üçün bu seçkilər ölkənin gələcəyi üçün olduqca mühüm sayılır. 

Eyni zamanda Gürcüstan qanunvericiliyinə əsasən prezident parlament tərəfindən seçiləcəkdir. Qonşu ölkə gələcək siyasi kursunu müəyyən etmə astanasındadır, ya Qərb ya Rusiya şüarı ilə yürüyən kampanya fəal şəkildə davam edir. Seçkilərdə bir sıra muxalif siyasi partyalar blok şəkilində birləşərək seçkilərə qatılıblar. Parlamentə namizədlik siyahılarında və mübarizədə Gürcüstanda yaşayan soydaşlarımızın isimlərinə də rast gəlmək mümkündür. Gürcüstanda əsas muxalifət partyası hesab edilən, üçüncü prezident Mixeil Saakaşvilinin liderlik etdiyi Vahid Milli Hərəkat Partyasının siyahısında da azərbaycanlıların adlarına rast gəlmək mümkündür. Onlardan biri, cəmiyyətdə tanınan Rəfi Orucov namizədlər sırasındadır. 

Rəfi Orucov, 3 sentyabr 1988-ci ildə Gürcüstanın Qardabani rayonu, Qaratəhlə  kəndində anadan olub. Orta təhsilini Qaracalar orta məktəbində və Bakı şəhər 20  saylı orta məktəbdə alıb. Ali təhsillidir, ixtisasca hüquqşunasdır. İş həyatına özəl sektordan başlayan Rəfi bəy 2014-cü ildə yerli özünüidarəetmə orqanlarına seçimlərdə Qardabani rayon, Qaratəhlə kəndi majoritar deputatlığına namizəd olur və növbəti seçkilərdə də eyni kəntdən yüksək faizlə deputat seçilir. Eyni ildə, bələdiyyə deputatları tərəfindən  Qardabani rayon Bələdiyyə məclisinin sədr müavini vəzifəsinə seçilir. Qeyd edək ki, Gürcüstan müasir tarixində  Rəfi bəy bu vəzifəyi daşıyan,   ən gənc azərbaycanlı  olub. Çalışdığı müddət ərzində Qardabanidə bir çox sosial, təhsil, infrastruktur layihələrin təşəbbüskarı olub.  Əhali arasında böyük rəğbət və dəstək alan Rəfi bəy haqqında bu gündə müsbət rəy və fikirlər almaq mümkündür. 2021 ci ildə partyada baş verən haqsızlıqlara və düşüncəsinə görə aparılan yalnış siyasi kursa görə, Rəfi Orucov şəxsi isətəyi ilə hakim partyada olan vəzifələrindən istefa edir və mübarizə üçün ölkənin ən böyük müxalif partyası hesab edilən Vahid Milli Hərəkat partyasına keçir. Burada da bir ilkə imza atan Rəfi bəy, bu dəfə yüksək vəzifəsindən imtina edərək hakimiyyətdəki vəzifəsindən muxalifətə keçən ilk azərbaycanlı olur. Partyaya keçdikdən sonra VMH partyasının lideri və Gürcüstanın üçüncü prezidenti Mixeil Saakaşvili ilə görüşür,  azərbaycanlıların problemləri haqqında müzakirələr aparır və bölgə üzrə müxtəlif tapşırıqlar verir. Həmin il, Mixeil Saakaşvili illər sonra ölkəyə döndükdə Rəfi Orucovun müxalifət cəbhəsində mübarizə yolu fəal şəkildə başlayır. Hazırda Rəfi Orucov VMH partyasının bölgə üzrə siyasi şuasının sədr müavini və 26 oktyabr tarixində keçiriləcək parlament seçkilərində deputatlığa namizədidir. 

 

 

Seçki prosesi və gələcək planları haqqında saytımıza Rəfi Orucovun  Moderator.az-a müsahibəsini təqdim edirik.

 

- Qarşıdan gələn seçkilər ölkənin gələcəyi üçün olduqca əhəmiyyətli seçkilərdir, deyərdim ki, ölkənin taleyini həll edir. 26  oktyabrdan sonra vətəndaşlar ya dünyadan təchiz olunacaqlar, ya da Avropa ailəsinin bir üzvü olaraq inkişafa doğru irəliləyəcəklər. Bunu dərk edən vətəndaşlar bu seçkilərə olduqca məsuliyyətlə yanaşır. Düşünürəm ki, seçki günü olmadığı qədər fəallıq olacaq, seçici sayı daha çox olacaq və birlikdə hazırkı hakimiyyəti məğlub edəcəyik. Muxalifətin yüksək faizlə qalib gəlməsini bir çox beynəlxalq təşkilatlar əvvəlcədən aparılan sorğularda da qeyd edirlər. Biz bunu əhali ilə görüşlərdə də hiss edə bilirik ki, bu hakimiyyətə böyük aqressiya və nifrət var. Xalq artıq dəyişiklərə hazırdır. 

 

-Müxalifət partyaları qalib gələrsə, koalisia şəkilində idarə etmə olacaqdır.  Ölkədə çox ciddi genişmiqyaslı dəyişirlik və reformalar həyata keçiriləcəkdir. 

Əsrlərdir Gürcüstan xalqının arzu etdiyi əsas məsələ AB-nin ailəsi olmaqdır, bu istiqamətdə ciddi irəliləyişlər olacağı gözlənilir və hesab edirəmki, çox qısa zamanda biz buna nail olacağıq. Ölkəyə 14 miliard ABŞ dolları  ilkin investisiyanın Avropa tərəfindən yatırılması və bir sıra irimiqyaslı yardımların edilməsi prioritetlərdən biri və onların bizə dəstəklərindən olacaq. Avropa Birliyinə qoşulduqdan sonra isə vətəndaşlarımız üçün daha geniş imkanlar yaradılacaqdır. Bu ölkənin iqtisadi durumunun yüksəlişi, iş yerlərinin açılması, idxal-ixracın geniş imkanı, bölgələrdə infrastrukturun yaxşılaşdırılması, təhsil imkanları, səhiyyə sistemin keyfiyyətli olması və s kimi dəyişirliklər sürətli şəkildə olacaqdır. Hazırkı hakimiyyət qaldıqda isə biz Rusiyanın bir vilayəti statusuna keçmiş olaraq müstəqilliyimizi itirəcəyik, əsarət altında qalıb inkişafdan geri qalacağıq. Eyni zamanda Avropaya gediş-gəliş üçün viza sistemi tətbiq olunacaq, iş və ticarət imkanları məhdudlaşacaq, böyük iqtisadi böhran baş verəcəkdir. Bu da Gürcüstan üçün ciddi probem deməkdir. 

 

 

-Ölkə masştabında və ayrı ayrı bölgələrdə mövcud olan problemləri saymaqla bitməz. Hər sayədə boşluq və qüsurlar olduğu üçün vətəndaşlar bu gün əziyyət çəkir və ölkə xaosdadır. Ən önəmlisi bu gün bizim təhlükəsizliyimiz təmin edilmir, kriminal hadisələr sürətlə artır, hər gün ələxususda Azərbaycanlıların yaşadığı bölgələrdə həftədə 2-3 soyqunçuluq, mülkə ziyan, silahlı insident və s kimi cinayət hadisələri olur. Narkomanya çoxalıb, övladlarımızın və ailələrin təhlükəsizliyi təmin edilmir. Ölkədə iqtisadi durum çox aşağıdır, işsizlik, kütləvi miqrasya, qiymət artımı, maaşların və pensiyaların az olması, sosial aztəminatlılara yardımın göstərilməməsi və s. Bu və digər faktorları nəzərə alsaq xalqın dəyişirliklər istəməsi və nədən hazırkı hakimiyyətə mənfi fikirlərinin olmasını  başa düşmək olar. 

 

- Bilirsiniz ki, uzun illərdir siyasi arenadayam və hər zaman xalqın içində olmuşam, bütün bölgələrdə yaşayan azərbaycanlılarla ayrı ayrı görüşlərim olub və illərlə yığılıb qalan çözülməyən problemlərin hamısından xəbərdaram. 

Bunu nəzərə alaraq qərar verdim ki , namizəd olaraq sırf azərbaycanlıların problemləri ilə bağlı ayrıca platforma hazırlayım və bölgədə prioritet problemlər və onların həlli istiqamətində çıxış yolları təqdim edim.  Platformamız  çoxşahəli və genişdir. Təhsil, səhiyyə, kənd təssərrüfatı, iş yerlərinin açılması, pensiyaçı və sosial aztəminatlılarla bağlı xüsusi təklif paketləri hazırdır. Onlardan bir neçəsini qeyd edə bilərəm,  misal olaraq, azərbaycanlı tələbələr üçün 1+4 proqramının pulsuz olması, tələbə yataqxanaların tikintisi, xaricdə təhsil imkanları, azərbaycandilli məktəblərdə kadr probleminin həlli; kənd təssərrüfatının inkişafı ilə bağlı subsidialar, ferma və zavodların tikilməsi, otaracaq ərazi və torpaq problemlərinin həlli, yerli məhsulların dünya bazarına ixracı; pensiyaların minimum 1000 lari olması, dərman subsidiyaları, səhiyyə güzəştləri  və s. , uşaq pulu, yeni qurulan ailələr üçün mənzil güzəştləri və s. 

Qeyd etdiklərim həm də partyamızın platformasında geniş yer alır. 

 

Eyni zamanda Mixeil Saakaşvili fondu yaradılacaq ki, harada əsas məqsəd iş üçün ölkəyi tərk edən miqrantların vətənə  qayıtması üçün onların burada işlə təmim edilməsi üçün xususi reformalar keçiriləcəkdir. Qeyd edim ki, son üç ildə 700 000 vətəndaş ölkəni tərk edib, 100 000 Avropada sığınacaq üçün müraciət edib. Bir sözlə ölkə boşalır. 

 

Əgər xalqımız bizi seçsə, mənə parlament mandatını etimad etsə söz verirəm ki, xüsusən də azərbaycanlıların yaşadığı hər bölgədə  olan əsas problemlərin həlli istiqamətində var gücümlə çalışacam və hər zaman xalqımın yanında olmuşam olacam da. 

 

 

- Sizə və oxuculara təşəkkür edirəm. Ümüd edirəm ki, Gürcüstan xalqı düzgün seçim edəcək və ölkəmiz çiçəklənəcək. Eyni zamanda Azərbaycanın günü gündən inkişafı və uğurları bir azərbaycanlı kimi məni qürurlandırır və biz də böyük xalqın bir nümayyəndəsi kimi hər zaman çalışmışıq xalqımızın layiqli övladı olaq və adını ucaldaq. Harada yaşamamızdan asılı olmayaraq xalqını sevən, vətənpərvər və yaşadığı ölkənin layiqli vətəndaşı olmuşuq olacağıq da.

 

 Xəyalə Rəis