Moderator.az xəbər verir ki, bu barədə SİTA agentliyi məlumat yayıb.

 

"Nə "Hizbullah", nə daha çox Livan höküməti, nə də İran tammiqyaslı müharibə istəmir, - Lavrov deyib. - Belə şübhə var ki, İsrailin bəzi dairələri məhz bunu etməyə-böyük tammiqyaslı müharibəyə təhrik edərək buraya Birləşmiş Ştatları da cəlb etməyə cəhd göstərir. Mən əminəm ki, bu, şəxsi maraqların öz xalqı və region xalqlarının maraqlarından üstün tutan çox təhlükəli planlardır".

 

"Bəzi siyasətçilər regionda olan bir çox amillərdən açıq şəkildə böyük müharibənin, o cümlədən İranı ittiham etmək və ona qarşı ən yeni silah tətbiq etmək məqsədilə istifadə etmək istəyir, - Lavrov əlavə edib. - Bu, uzaqgörən olmayan və perspektivsiz siyasətdir, biz bunun qəti şəkildə əleyhinəyik. Buna yol vermək olmaz və mən ümid edirəm ki, biz buna nail olacağıq".

 

Nazir deyib ki, Rusiyanın bu məsələdə müttəfiqləri var. "Bunlar ilk növbədə ərəb ölkələri, müsəlman dünyası, Ərəb Dövlətləri Liqası, İslam Əməkdaşlıq Təşkilatıdır", - Lavrov nümunə gətirib.

 

Bəlli olduğu kimi, iyunun ortalarında İsrail Müdafiə Ordusu HƏMAS-a dəstək verən, həm də İsrailə qarşı çıxan, mütəmadi olaraq onun ərazisini atəşlərə məruz qoyan  "Hizbullah" terrorçu təşkilatına zərbələr endirmək məqsədilə Livana hücumun operativ planını təsdiq edib. 

 

Bu ərəfədə "Hizbullah"ın baş katibi şeyx Həsən Nəsrullah Aşura Günü ilə bağıı özünün videomüraciətində İsrail ilə hərbi əməliyyatlar poliqonunun genişləndiriləcəyi və əvvəllər hücuma məruz qalmayan yaşayış məntəqələrinə hücum etməyi vəd edib.

 

Qeyd edək ki, Sergey Lavrov BMT Təhlükəsizlik Şurasının nazirlər səviyyəsində iclasında açıq debatlarda sədrlik etmək üçün iyulun 16-17-də Nyu-Yorka gəlib.  

 

İyulun 17-də keçirilən iclasda Lavrov Rusiyanın Fələstinin BMT-yə daxil olmasına sadiq qaldığını vurğulayıb.

 

O, xatırladıb ki, 1949-cu ildə İsrailin təşkilatda üzvlük sorğusu Baş Assambleyanın Fələstinin bölünməsi və fələstinli qaçqınların geri qaytarılması planı ilə bağlı qətnaməsinin icra ediləcəyi şərtilə təsdiq edilib.

 

Bundan başqa, Lavrov qeyd edib ki, BMT Katibliyi Ukrayna və Qəzza bölgəsində vəziyyəti dəyərləndirərkən ikili standartlara yol verir.

 

O, qeyd edib ki, İsrailin Qəzza bölgəsində on ay ərzində hərbi əməliyyatları nəticəsində 40 mindən artıq dinc vətəndaşlar həlak olub, onların da əksəriyyəti qadınlar və uşaqlardır, təxminən 80 min nəfər isə yaralanıb.

 

İsrail nümayəndə heyətinin qonaqları olan qadınlar Lavrovun çıxışını əngəlləməyə cəhd edib. Onlardan əllərində "Girovları azad edin!" sözləri yazılan plakatlar olub.