Moderator.az xəbər verir ki, bu barədə Amerikanın müharibənin öyrənilməsi İnstitutu (ISW) məlumat verib.

 

Məlumatda deyilir ki, Rusiya ictimaiyyətini Rusiyanın Ukrayna dövlətçiliyini on il ərzində məhv etmək məqsədinə inandırmaq istəyirlər.

 

Medvedev o cümlədən bəyan edib ki, NATO-nun baş katibi Yens Stoltenberq Ukraynanın növbəti on il ərzində Alyansa daxil ola biləcəyini "əbəs yerə" güman etməyib. 

 

Qalmaqallı siyasətçi buradan belə nəticəyə gəlib ki, Ukrayna "heç vaxt NATO-ya daxil olmayacaq, çünki 2034-cü ilədək NATO rəhbərliyi dəyişəcək və ona görə də həmçinin "üzdəniraq "404 ölkəsi"nin də mövcud olmayacağı tamamilə mümkündür".

 

Analitiklər qeyd edir ki, Medvedev Ukraynanın 2034-cü ilədək möcvud olmayacağını birbaşa deməyib, lakin onun bəyanatlarından dolayısı ilə belə nəticə çıxır. 

 

Buradan da Rusiya KİV-ləri dərhal "Medvedev Ukaynanın 2034-cü ildə movcud olmayacağını etiraf edib" və "Medvedev Ukraynanın 2034-cü ilədək yox olacağını proqnozlaşdırıb" başlıqları ilə materiallar dərc etməyə başlayıb.

 

Rusiyanın 2034-cü ilədək "Ukraynanı məhv edə biləcəyinin" birbaşa güman edilməsi Rusiya ictimaiyyətinə Rusiyanın müharibəni udacağının və on il ərzində Ukrayna dövlətçiliyini məhv edə biləcəyinin vəd edilməsidir.

 

Bu, daha on il davam edəcək, lakin Rusiya üçün arzu edilən "qələbə ilə" başa çatacaq müharibə ilə bağlı ehtiyatlı informasiya şəraiti və ictimai gözləntilər yaradır.

 

Bundan başqa, analitiklər qeyd edir ki, Rusiyanın narrativi həmçinin Kremlin ayrı-ayrı məmurlarının Rusiyanın Ukrayna ilə "sülh danışıqları aparmağa" hazır olması barədə ayrı-ayrı cəhdlərini birbaşa və qətiyyətlə sarsıdır və Kreml üçün müharibənin son yeganə arzu edilən məqsədinin Ukrayna dövləti və xalqının tamamilə məhv edilməsi olduğunu vurğulayır.

 

"Əgər Rusiyanın şərtləri Ukrayna və onun xalqının növbəti on ildə məhv edilməsini nəzərdə tutursa, Nə Ukrayna, nə də Qərb Rusiyanın şərtlərilə danışıqlara bel bağlaya bilməz", - analitiklər yazıb.

 

 

Məlum olduğu kimi, Rusiya hakimi Vladimir Putin müharibənin sona çatması üçün öz tələblərini irəli sürüb. 

 

Bunlar o cümlədən Ukrayna qoşunlarının Donetsk, Luqansk, Xerson və Zaporojye vilayətlərindən çıxarılmasıdır. Həm də bu vilayətlərin, habelə Krımın beynəlxalq müqavilələrdə Rusiyaya məxsus olması statusu qeydə alınmalıdır.

 

Öz növbəsində prezident Vladimir Zelenski bəyan edib ki, Ukrayna hakimiyyəti müharibənin başa çatması naminə ərazi güzəştlərinə razı olmayacaq.

 

O, əmin olduğunu bildirib ki, Ukrayna müharibəni udacaq, çünki ikinci dünya savaşında müttəfiq qoşunlar kimi öz qələbəsinə inanır.