Moderator.az xəbər verir ki, bu barədə Kiyev Beynəlxalq Sosioloji İnstitutunun baş direktoru Vladimir Paniotto bəyan edib. Məlumatı "gazeta.ua" nəşri yayıb.

 

"Bizdə demoqrafik vəziyyət çox pisdir. Bu zaman cəbhədə həlak olanların sayı xaricə gedənlərin və geriyə dönməyi planlaşdırmayanların sayı ilə müqayisəyəgəlməzdir", - o, bəyan edib.

 

Paniotto qeyd edib ki, hal-hazırda təxminən 6 milyon ukraynalı Avropada qaçqın vəziyyətindədir, daha 1-2 milyon Rusiyaya köçüb. 

 

Dəyərləndirmələrə görə, hər ay daha heç vaxt Ukraynaya qayıtmayacaq adamların sayı 100-150 min nəfər artır.

 

"Beləliklə, demoqrafik nöqteyi-nəzərdən bizim əsas itkilərimiz geriyə dönməyəcək insanlarımızdır. Demoqraflar deyir ki, ən pis halda müharibə bitəndən sonra ölkədə təxminən 25 milyon adam qala bilər. Lakin müharibənin nə zaman bitəcəyini heç kim bilmir", - sosioloq deyib.

 

Onun sözlərinə görə, qaçqınların geriyə dönməməsi problemini Ukraynada qalan vətəndaşların onlara qarşı neqativ münasibəti daha da pisləşdirir. 

 

Hələlik bu neqativlik sosial şəbəkələrdə özünü  büruzə verir və sosial sorğularda o qədər də hiss olunmur. Lakin qaçqınlar da bu sosial şəbəkələrdən istifadə edir və hər şeyi görür, - Paniotto deyib.

 

 

Xəbər verildiyi kimi, tammiqyaslı müharibə şəraitində Ukraynada doğum kəskin şəkildə azalıb, bununla da onsuz da son on ildə güclənən demoqrafik böhranı dərinləşdirib. 

 

Ekspertlərin sözlərinə görə, müharibənin özü və onunla bağlı səfərbərlik burada bilvasitə rol oynayır.

 

Həmçinin xəbər verilib ki, Ukraynada 18-30 yaşlarında olan kişilərin sayı o qədər də çox deyil, bu da 2000-ci illərdən bəri doğuşun aşağı olması ilə bağlıdır. Bu, səfərbərlik resursları və gələcəkdə doğuşa neqativ təsir göstərir.