Bunu Moderator.az-a özəl açıqlamasında prezident təqaüdçüsü Tərlan Musayeva deyib.

 

 

 

“1970-1980-ci illərdə gənc yaşlarımda, əmək fəaliyyətimin ilk dövrlərində kənd təsərrüfatında sürücü-mexanik kimi işə başladım. Maşınla pambıq yığırdım. Bu ərəfələrdə kənd təsərrüfatı geridə qalmış bir sahə idi. Ulu öndərimiz ölkəyə rəhbərlik edəndən sonra hər  bir sahəyə, həmçinin də kənd təsərrüfatına diqqət göstərdi. Ondan əvvəl demək olar ki, heç bir uğur əldə edə bilmirdik. Çünki bu sahədə inkişaf çox az idi. O kənd təsərrüfatının inkişafı üçün yerlərə gedir, insanlarla, zəhmətkeş pamnbıqçılarla görüşürdü. Böyük layihələr, proqramlar hazırlayırdı ki, bu sahəni də inkişaf etdirsin. Ulu öndər Heydər Əliyevlə ilk görüşüm 1976-cı ildə olub. Bizə xəbər verdilər ki, Mərkəzi Komitənin katibi Heydər Əliyev sahəyə gələcək. Mənimlə iş başında görüşdü. Bu görüşlə sanki mənim həyatıma öz möhürünü vurdu. Bütün televiziya, radio və ölkə mətbuatının diqqəti həmin gün mənə yönəldi. Yaradıcı insanlar, şairlər, radiolar, televiziya işçiləri öz mövzularını zəöhmətkeş insanlara yönəltdilər, məxsusi mənim üçün mahnı yazdılar”.

 

 

“Bir-bir gəlib pambıq sahəsində bizimlə böyük səmimiyyətlə əl verib görüşdü. Dedi ki, mən sizin işinizə, pambıq yığımınıza baxmayacam?! Bir mexanizator yoldaş var idi, dedi ki, yoldaş Əliyev, indi pambıq yığmaq olmaz, nəmdir, maşın götürməyəcək. Mənə bir cəsarət gəldi, dedim ki, mən sizə göstərəcəm pambığı necə yığırıq. Bir anda gördü ki, pambıq yığıldı, ancaq çöpləri qaldı. Oğlana dedi ki, sən kişiliyinlə göstərmədin, bu qız sizdən cəsarətli çıxdı. Görüşdə dedi ki, sən niyə gəlib mənimlə görüşmürsən? Dedim ki, əllərim tozludur, mazutludur. Məni qabağa çəkib tozlu alnımdan, neft qoxan əllərimdən öpüb dedi ki, biz bu əllərin çörəyini yeyirik, sən niyə utanırsan? Heydər Əliyev 14 dəfə Bərdəyə səfər edib. Mənimlə də 12 dəfə görüşüb. Bu görüşlərdən sonra mən yüksək tədbirlərə, tribunalara dəvət olunurdum. Heydər Əliyevin məsləhəti ilə 22 yaşında SSRİ Ali Sovetinin detutatlığına namizədliyimi verdim. Ən gənc deputat idim. Bakıya gələndən sonra da onun təkidi ilə Milli Məclisə deputatlığa namizədliyimi verdim. O mənə ata, qardaş, dayaq olub”, - deyə prezident təqaüdçüsü Tərlan Musayeva deyib.