İran son günlər Dəməşqdə İran İnqilabı Keşikçiləri Korpusunun bir neçə yüksək vəzifəli nümayəndələrinin aradan götürülməsinə görə İsrailə qarşı qisas aksiyalarına hazırlaşdığının getdikcə daha çox əlamətləri üzə çıxır.

 

Moderator.az xəbər verir ki, bu barədə "Ynet" nəşrində hərbi məsələlər üzrə icmalçı Ron Ben-İşay yazıb.

 

Məlumatda deyilir ki, son məqamda İran hücumunu təxirə salıb, çox güman ki, buna səbəb aprelin 10-da ABŞ prezidenti Co Baydenin İrana zərbədən çəkinmək barədə xəbərdarlığı və İranın hücum edəcəyi təqdirdə İsrailə yardım göstərəcəyi ilə bağlı vədi olub.

 

İranın hücuma hazırlaşmasının aşkar əlamətləri aprelin 9-da axşam İran informasiya agentlikləri tərəfindən Tehran hava limanı rayonunda hərbi təlimlər səbəbindən uçuşların dayandırılması barədə məlumatlar yayıldıqdan və artıq yaxın gecədə raketlərin İsrailə uçacağı eyhamlarından sonra meydana çıxıb. Lakin tezliklə bu məlumatlar çıxarılıb.

 

Bundan sonra ABŞ-ın Yaxın Şərqdəki xüsusi elçisi Brett MakQerk özünün Səudiyyə Ərəbistanı, Birləşmiş Ərəb Əmirlikləri, Qətər və İraqdakı həmkarları vasitəsilə İran XİN rəhbərinə məlumat ötürüb.

 

Məlumatda deyilib ki, İranın İsrailə hücum edəcəyi tədqirdə ABŞ  İsraili müdafiə edəcək və İrana zərbə endirəcək. Analoji siqnallar ABŞ prezidenti Co Bayden və Dövlət katibi Entoni Blinken tərəfindən göndərilib.

 

Demək olar ki, İsrail və ABŞ iki istiqamətdə-hərbi və siyasi-informasiya istiqamətində İrana və şər oxuna qarşı dayanıb.

 

Bu səylərin məqsədi İranın qisasının tam olaraq qarşısının alınması deyil, onun miqyasını və potensial ziyanını məhdudlaşdırmaqdır. 

 

"İranlıların bizə hücum etməyə cəhd göstərməsi vacib deyil, əsas odur ki, bizə və məhz nəyə hansı ziyanı vuracaqdır", - İsrail mənbələri izah edib.

 

Analitiklər ona istinad edir ki, İran ABŞ-ın cəlb ediləcəyi regional müharibədə maraqlıdır. Ona görə də İsrail və ABŞ dərhal xəbərdarlıq edib ki, İranın hücumu İsrail və ABŞ tərəfindən İranın öz ərazisində cavabla qarşılanacaq.

 

Bununla əlaqədar olaraq xatırlatmaq lazımdır ki, İranın İsrail və ABŞ-ın məhv edilməsində maraqlı olduğu təkcə nüvə obyektləri və hərbi sənayesinə deyil, həm də iri neft sənayesi və bənd sisteminə malikdir ki, onlara zərbə endirilməsi İran iqtisadiyyatına ölümcül zərbə vura bilər.

 

İrana həmçinin belə məlumat ötürülüb ki, İsrailə İranın Yaxın Şərqdəki satellitləri vasitəsilə hücum edəcəyi və bunun ciddi qurbanlara və zərərə gətirib çıxaracağı tədqirdə cavab zərbəsi təkcə bilavasitə hücumun icraçılarına deyil, həm də İranın obyektlərinə endiriləcək.

 

Hər şeydən göründüyü kimi, Amerikanın İsrailə İrana qarşı dəstək mesajları regional savaşdan və öz ərazisinə zərbədən ehtiyat edən İranın cəkindirilməsində öz rolunu oynayıb.

 

Eyni zamanda İsrail müdafiə naziri Yoav Qalant ABŞ-da öz həmkarı və Pentaqondakı mənbələrlə birbaşa əlaqədədir.

 

Təhlükələri aşkar etmək və onları neytrallaşdırmaq üçün İsrail Müdafiə Ordusu Fars körfəzi ölkələrində, İran sahillərilə üzbəüz lazımi avadanlıqları olan amerikalı hərbçilərlə əməkdaşlıq edir. Bu cihazlar İran, İraq və ya Yəməndən raketlər və ya dronlar buraxılışı barədə əvvəlcədən məlumat almağa kömək edəcək. 

 

ABŞ istisna etmir ki, İsrailə hücum İranın 2019-cu ilin sentyabrında 20 qanadlı raket və dronlardan Səudiyyə Ərəbistanın neft platformalarına zərbəsinə bənzəyəcək. İsrail əlbəttə ki, həmçinin yerdə, dənizdə və havada özünün öncə xəbərdarlıq sistemlərini işə salacaq.

 

Ehtimal ki, İran hələlik necə davranması barədə son qərarını qəbul etməyib. Onun rəhbərliyi tələyə düşüb. Bir tərəfdən o, öz xalqına göstərməlidir ki, sionistlərin hücumu cəzasız qalmayıb, digər tərəfdən isə elə cavab verməlidir ki, regional müharibə və ya İsrailin "Hizbullah" ilə tammiqyaslı müharibə kimi lazımsız nəticələrə təhrik etməsin.

 

İsrail Müdafiə Ordusu hesab edir ki, İranın cavabı ciddi olacaq, ona görə də bütün erkən xəbərdaredici sistemlərini tam döyüş hazırlığı vəziyyətinə gətirib. Bütün dəyərləndirmələrə görə, yaxın zamanlarda hər şey aydınlaşacaq. Lakin bununla bağlı təlaş keçirməyə dəyməz. 

 

Xatırladaq ki, aprelin 10-da Bayden açıq şəkildə bəyan edib: "İran İsraili güclü hücumla təhdid edir. Mən artıq Netanahuya demişəm ki, ABŞ-ın İsrailin İrana və onun əlaltılarına qarşı təhlükəsizliyi ilə bağlı "dəmir" öhdəliyi var. Biz İsrailin müdafiəsi üçün var qüvvəmizlə çalışacağıq".