Ölkə o qədər heyrətamiz və inanılmazdır ki, ilk baxışdan turistləri ovsunlayır...

Gürcüstanı qarşıdurmaya çəkən prezident Zurabişvilidir, yoxsa?..- Analitik cavablandırır...

Ekskluziv

Oxunub: 3889

18 Apr 2023 | 10:07

Ölkə o qədər heyrətamiz və inanılmazdır ki, ilk baxışdan turistləri ovsunlayır...

Cənub Şərqi Asiyanın incisi - Malayziya

Malayziya Asiyanın incisidir. Çox vaxt turistlər bu ölkəyə məhəl qoymur, daha məşhur İndoneziya, Tayland və Sinqapura gedirlər. Ancaq Malayziyaya daha yaxından nəzər salsanız, bu ölkənin zəngin mədəni irsə və təbiətə o cümlədən heyrətamiz mətbəxə sahib olduğunu görüb təəccüblənəcəksiniz.

---Malayziya adı "dağlar ölkəsi" mənasını verən sanskrit dilindədir. Sahəsi 330 min kv km, əhalisi isə 33 milyon nəfərdir.

---Malayziya sultan tərəfindən idarə olunur, lakin hakimiyyət burada atadan oğula irsən keçmir. Burada aristokrat ailəsindən doqquz monarx olur və onlar öz aralarında sultanı seçirlər.

----Malayziyanın ekvatorial və subekvatorial iqlimə malik olmasına baxmayaraq, burada heç vaxt temperatur 40,1°C -dən yuxarı temperatur qeydə alınmayıb.

----Malayziya Sinqapurdan sonra regionda iqtisadi cəhətdən inkişaf etmiş və ən təmiz ölkədir.

----Burada dünyanın ən hündür binalarından biri "Petronas Towers", dünyanın üçüncü ən hündür teleqülləsi, Asiyanın ən böyük məscidi, dünyanın üçüncü ən uzun körpüsü, ən zəngin sualtı dünyası və daha çox şey var.

----Ölkə o qədər heyrətamiz və inanılmazdır ki, ilk baxışdan turistləri ovsunlayır, qədim və müasir dövrün qeyri-adi kombinasiyası ilə diqqəti çəkir.

Burada bütün il boyu günəş parlayır və davamlı olaraq müxtəlif festivallar və ya bayramlar keçirilir. Malayziya əsl Asiyadır.

----İngilis yazıçısı Somerset Maugham, Malayziyada olarkən yazırdı: "Buranı görməmisinizsə, dünyanı görməmisiniz".

----Malayziya müsəlman ölkəsidir. Narkotiklərə tam qadağa var. Saxladığınız və ya istifadə etdiyiniz halda yaxalansanız, ölüm cəzası ilə üzləşə bilərsiniz. Nümunəvi davranışa görə sizə ən yaxşı halda 20 il cəza verəcəklər.

----Yüksək rütubət bədəndə güclü fiziki gərginliyin qarşısını alır. Ora gedənlər adi gəzintidən belə yorula bilər.

---Malayziya cinayət nisbətinin çox aşağı olduğu bir ölkədir. Həm də dünyanın ən təhlükəsiz ölkələrindən biri hesab olunur.

---Sıx meşələrdə, həmişə ayaqlarınızın altına baxmalısınız. Əqrəblər və ya ilanlar sizi həmişə yolda, boşluqlarda və ya qalın otların arasında gözləyir. Hətta yerli çaylara girmək qəti qadağandır. Çünki onlar timsahlarla doludur.

----Malayziyada hava çox dəyişkəndir və Kuala - Lumpur bir ildə ən çox ildırım vuran paytaxtlardan biri kimi tanınır. Burada ildə 220 gün yağışlı gün olur. Günəş bir neçə dəqiqə ərzində pis hava ilə əvəz oluna bilər. Bundan əlavə, şəhərlərdə çirklənmə səviyyəsi olduqca yüksəkdir və paltarlar yollarda tez çirklənir.

----Yanlız Malayziyada motosikletçilər gödəkçələri tərs geyinirlər. Bir çox turist tərs gödəkçə geyinib motosiklet sürənlərin Malayziyanın unikal xüsusiyyəti olduğunu qeyd edir.

----Malayziya dünyanın ən böyük döngəsinə malikdir. Bu döngə inzibati paytaxtda - Putracaya şəhərində yerləşir. Dairənin diametri 3,5 km-dir

----Bir çoxları iş üçün qonşu ölkə olan Sinqapura gedirlər, buna görə də Sinqapur və Malayziya arasındakı sərhəd dünyanın ən izdihamlı sərhədlərindən biri hesab olunur. Xaricə çıxmaq, yəni körpünü keçmək üçün hər gün təxminən yarım milyon insan 4 zolaqlı kiçik yoldan istifadə edir.

----Malayziyanın əvvəlki kralı V Məhəmməd rus qadınla evləndi və taxtdan imtina etdi.

----Oksana Voevodina 2015-ci ildə Miss Moskva müsabiqəsinin qalibi oldu və bir neçə il sonra Avropada o zaman Malayziya sultanlığına namizəd olan Məhəmmədlə tanış oldu. Tezliklə o, sultan seçildi. 2018-ci ildə Oksana İslamı qəbul etdi və monarxı arvadı oldu, lakin artıq 2019-cu ildə cütlük qalmaqalla boşandı.

----Malayziyada maraqlısı odur ki, insanlar daha çox qorxu filmlərinə baxırlar. Çox adam elə bilir ki, Malayziyada kinoteatrlar ona görə işıqlıdır ki, insanlar filmlərə baxıb qorxmasın.

-----Məsələ budur ki, Malayziya müsəlman ölkəsidir və kifayət qədər sərt əxlaq normalarına malikdir. Seanslar zamanı gənc cütlüklərin qucaqlaşmasının qarşısını almaq üçün işıq yandırılır.

-----Bundan əlavə, son vaxtlar bəzi kinoteatrlarda əks cinsdən olan tamaşaçılar evli olmasalar yan-yana otura bilmirlər

-----Bəzən binalarda 4-cü mərtəbə olmur və 3-cü mərtəbədən sonra 5-ci mərtəbəyə keçir. Ona görə ki, Çin dilində "4" "ölüm" ilə eyni səslənir. Onlar 4-cü mərtəbənin bədbəxtlik gətirəcəyini düşünürlər. Çinlilər ölkədə əsas etnik azlıqdır.

-----Şamanlar Malayziyada o qədər məşhurdurlar ki, futbol matçından əvvəl futbol butslarını tütsüləyir, onlara gözmuncuğu verir, bəzən də qapıda gözmuncuğu basdırırlar.

-----Ölkənin bəzi bölgələrində toydan sonra yeni evlənənlər 3 gün tualetdən istifadə edə bilmirlər. Vaxtına dözmək üçün toyda heç nə yemir, içmirlər. Ənənənin pozulmasının hər cür bədbəxtliklərə səbəb olacağına inanılır.

-----Ənənəvi olaraq, malay qadınları doğuşdan sonra 1-1,5 ay evdən çıxa bilməzlər. Həmçinin, qadına saçını yumaq qadağandır və yalnız bitkilərlə vanna qəbul edə bilər. Bu zaman ana ev işlərindən tamamilə azad olur, yalnız körpənin qayğısına qalır. Yemək bişirmək, təmizlik, alış-veriş kimi bütün məişət məsələləri tamamilə ərin ixtiyarında olur.