"Sovet təyyarəçiləri ilk sınaq uçuşları zamanı kosmosda üzləşdiklərini karandaşla kağıza həkk ediblər..."

 

 

 

 

Moderator.az xəbər verir ki, bu barədə o, "Rossiya-24" telekanalında yayımlanan "Ulduz müharibələri" verilişində danışıb.

 

"Biz anlayırıq ki, kosmik fəza intəhasızdır, sonsuz sayda bürclər, qalaktikalar, başqa dünyalar mövcuddur...

Biz "böyük partlayış" nəzəriyyəsini bilirik, lakin bəlkə bu "böyük partlayış" yalnız bizim qavradığımız kosmik fəzada baş verib, bundan o tərəfi görmürük. Bəlkə oralarda da dünyalar mövcuddur. Bu onu göstərir ki, həyatın, o cümlədən ağıllı həyatın yaranması üçün sonsuz sayda amillər əlverişli ola bilər.

Mən, məsələn, məhz belə yanaşmanın tərəfdarıyam", - Roqozin belə izah edib.

 

"Digər tərəfdən, bəşər tarixində mövcud olan hansısa faktlardan danışsaq, yəni UNO deyilənləri nəzərdə tuturam, NASA da bu barədə danışır, belə faktlar toplanır, yoxlanılır, araşdırılır, o cümlədən də bizim Elmlər Akademiyasında belə tədqiqatlar yer alıb.

 

Mən deyə bilərəm ki, 99, 9 faiz bu, hansısa atmosfer, hansısa fiziki hadisələrdir və UNO-ların yaranması haqqında gerçək fərziiyyələrlə heç bir halda əlaqəli deyil, - "Roskosmos"un direktoru deyib".

 

"Lakin biz belə halların ola biləcəyini düşünürük və mən deyə bilərəm ki, şəxsən SSRİ-nin əməkdar təyyarəçiləri yeni aviasiya texnikasının inkişafı dövründə uçuş zamanı üzləşdiklərini sonradan karandaşla kağıza köçürüblər və gördüklərini çəkiblər. Bunlar ilk sınaq uçuşları zamanı baş verib.

 

Roqozin sovet təyyarəçilərinin ilk sınaq uçuşları zamanı konkret olaraq hansı rəsmləri çəkdiklərini və bunun nədən məhz bu uçuşlar zamanı baş verdiyini söyləməyib.

 

Yer xaricində həyat mövzusuna yekun vurarkən rusiyalı siyasətçi  və məmuru belə bir fərziyyə irəli sürüb ki, biz bunu duya bilmərik, eynilə mikroorqanizmlərin insan orqanizimini duya bilmədiyi kimi.

 

"Ola bilər ki, bizim imkanlarımız və texnologiyamız bunu tam mənasında duymağa imkan vermir. Başqa həyat varmı, bu həyatın bizim planetə, bizim sivilizasiyaya baxmağa imkan verən daha yülsək texnoloji səviyyəsi olduğunu anlaya bilmək üçün bizim malik olduqlarımız kifayət deyil. Nəinki biz mikrobları tədqiq edə bilərik, biz də mikroblar kimi tədqiq oluna bilərik", - Dmitri Roqozin izah edib.