Sosial şəbəkələrdə mayın 16- dan 17- nə keçən gecə Rusiya prezidenti Vladimir Putinin cərrahi əməliyyat keçirdiyi barədə məlumatlar yayılıb. Həkimlər təcili əməliyyata ehtiyac olduğuna təkid edib.

 

Moderator.az xəbər verir ki, bu barədə "General SVR" (SVR- Xarici Kəşfiyyat Xidməti- red.) teleqram- kanalı məlumat yayıb.

 

Deyilənlərə görə, bu kanal geniş ictimaiyyətin çıxışı olmadığı informasiyaya malik olan Rusiya xarici kəşfiyyat Xidmətinin sabiq generalına məxsusdur. Bu kanalın həm də politoloq Valeri Solovyovla bağlı olduğu deyilir.

 

"Prezidentin müalicəsində iştirak edən həkimlərin fikrinə görə, əməliyyat uğurla keçib.

 

Məlum olduğu kimi, mayın 17- dən 19- na kimi Putin informasiya məkanında şəxsən olmayıb, hətta ən yaxın ətrafının belə, Təhlükəsizlik Şurasının katibi Nikolay Patruşev istisna olmaqla, ona çıxışı olmayıb", - məlumatda belə deyilir.

 

"General SVR"- in məlumatına görə, 17- 19 mayda informasiya məkanında prezidentin əvvəlcədən hazırlanan görüşləri və məktubları  barədə məlumatlar verilib, bu müddət ərzində isə Putin şəxsən iki dəfə telefonla danışıb.

 

"Mayın 20- də Təhlükəsizlik Şurasının iclası videokonfrans rejimində keçib, prezidentin çıxışı əvvəlcədən yazılıb, Putinin iştirakı isə, bir həftə öncə olduğu kimi, Deepfake texnologiyasının köməyi  ilə dəstəklənib",  "General SVR" iddia edib.

 

Daha sonra müəllif məlumat verib ki, mayın 20- də Putinin vəziyyəti pisləşib, lakin mayın 21- də səhər həkimlər onun vəziyyətini sabitləşdirib.

 

"Müalicə həkimləri Putinə yaxın günlərdə sakitliyi və görüşlərdə şəxsən iştirak etməməyi təkidlə tövsiyə edib", - məlumatda belə deyilir.

 

Həmçinin qeyd edilir ki, Putinin sağlamlığı barədə gerçək məlumatları bilən azsaylı adamların sırasında Belarus prezidenti Aleksandr Lukaşenko da var. Məhz ona Rusiya prezidentinin aktiv fəaliyyətinin görüntüsünü yaratmaq həvalə edilib.

 

"İstisna deyil ki, Lukaşenko Böyük Vətən müharibəsində, özünün deməsinə görə, dünyaya gəlişindən 10 il öncə həlak olan doğma atasının qəbrinə and içə bilər ki, yarımeyit olan Putin tamamilə sağlamdır və onunla maraqlı söhbətlər edir, o, baydarkada gəzir, xizək sürür", - müəllif belə yazıb.

 

Son zamanlar KİV- lərdə Vladimir Putinin onkoloji xəstəliyi və cərrahi əməliyyata ehtiyacı olması barədə tez- tez şayiələr üzə çıxır.

 

Rusiyalı sahibkar və ictimai xadim Leonid Nevzlin bəyan edib ki, Putində onkoloji xəsətəliyin müalicəsindən baş verən fəsadlardan əziyyət çəkə bilər.