Dünən AŞPA yay sessiyasında məruzəçilər - Pedro Arqamunt və Tadeuş İvinskinin hazırladıqları “Azərbaycanda demokratik institutların fəaliyyəti” adlı məruzə ilə bağlı 13801 saylı qətnamə qəbul edilib. Sənədin ilkin variantında “Ermənistan tərəfindən işğal edilmiş Dağlıq Qarabağ və digər 7 rayon” ifadəsi də yer alsa da, səsvermə nəticəsində “işğal” sözü “konfliktlə” əvəzlənib.

Avropa Ukrayna və Krım məsələsində Rusiya ilə açıq qarşıdurmadan çəkinmədiyi və bu zaman beynəlxalq hüququ önə sürdüyü bir şəraitdə, başqa bir aqressora, faktiki olaraq beynəlxalq hüququ uzun illərdir çeynəyən Ermənistana qarşı belə xüsusi münasibət sərgiləməsinin səbəbi nədir?

Təəssüflər olsun ki, bu gün büynəlxalq aləmdə Azərbaycanın ərazi bütövlüyünü tanıyan və bütün şərtlər daxilində Azərbaycan ərazisinin işğaldan tamamilə azad olunmasını tələb edən dövlətlər və beynəlxalq qurumları Azərbaycan hakimiyyəti düşmən elan edib. Konkret olaraq Almaniya bu konflik yaranandan bu günə qədər bütün hallarda, həmin tələbi irəli sürüb. Bundestag bu yaxınlarda Azərbaycan torpaqlarının qeyri-şərtsiz azad olunması məsələsini növbəti dəfə rəsmi şəkildə qərar mətninə daxil edib. Amma buna baxmayaraq Almaniya höküməti Azərbaycan hakimiyyətinin düşməni kimi təqdim olunur və çox acınacaqlıdır ki, Almaniya hakimiyyəti ermənipərəst kimi təqdim olunur. 

Eyni zamanda bu fikirləri Avropa Birliyi haqqında da demək olar. Avropa Birliyi neçə ildir ki, özünün qətnaməsində, bütün sənədlərində Azərbaycanda “İnsan hüquq və azadlıqları”nın acınacaqlı vəziyyətdə olduğunu, bütün göstəricilər üzrə Azərbaycanda   “İnsan hüquq və azadlıqları” sahəsində dözülməzlik şəraitinin mövcud olduğunu qeyd etməklə paralel olaraq Ermənistanın işğalşı olduğu tanınır və Azərbaycan torpaqlarının azad olunması tələb olunur. Amma bu məsələnin ikinci tərəfi, yəni sizi maraqlandıran tərəfi kölgədə qalır və Avropa Birliyi ermənipərəst kimi təqdim olunur. 

Bu da sizin də, saytınız da, müdafiəsində dayandığı Azərbaycan hakimiyyəti üçün “Dağlıq Qaraba𔝠probemli, özlərinin antidemokratik, repressiv hakimiyyətlərinə haqq qazandırmaqdan ötrü bir vasitədir. Ona görə də, sizin istəklərinizin Azərbaycan reallığı ilə heç bir əlaqəsi olmadığını təəssüf hissi ilə qeyd etmək məcburiyyətindəyəm. Bu qətnamədə Azərbaycan xalqının maraqlarını ifadə edən çox şeylər var, amma onlar sizi maraqlandırmır. Yalnız problemin həmin hissəsi bu cür vacib mövzuya çevrilib. 

Fasiləsiz olaraq hakimiyyət saytlarından mənə zəng olunur ki, sən də Avropa Şurasını ittiham et ki, ermənipərəstdirlər. Xeyr, Avropa Şurası ermənipərəst deyil. Ermənipərəstləri biz çox yaxşı tanıyırıq”.

“AŞPA-nın qərarlarının heç bir əhəmiyyəti yoxdur. Ümumiyyətlə AŞPA, ATƏT  və bu kimi təşkilatlar dünyda heç bir nüfuza malik deyillər. Bir məsəslədə onların heç bir rolu da yoxdur. Çünki onlar ancaq düşük xarakterli qərarlar qəbul edə bilərlər. Əgər işğalçı sözün işlədən daha güclü, daha nüfüzlu BMT-in Təhlükəsizlik Şurasının qərarı varsa və  bu cür təşkilata dünyada məhəl qoyulmur, onda dünya ədalətsizdir. Bəs AŞPA kimi nüfüzü olmayan təşkilatın qərarı ilə nə olacaq?”.

“Burada söhbət ermənilərə xüsusi münasibətdən getmir. Sadəcə olaraq problemi dinc yolla həll etmək etmək üçün o cür dəyişiklik edilir. Bu yolla problemi həll etməyə çalışırlar. Ermənistan tərəfindən Azərbaycan torpaqlarının işğal olunması qeyd olunsa, dərhal beynəlxalq ictimaiyyət Ermənistana qarşı sanksiyalar tətbiq etməli və Azərbaycanın yanında dayanıb, bu əraziləri işğal etməyə Azərbaycana kömək etməlidir. Bu isə danışıq yolu ilə konfliktin həllinin aradan qalxması deməkdir. Necə ki AŞPA, ATƏT bu münaqişənin dinc və demokratik yollarla həll etmək istəyir, onda hər iki tərəfə elə bərabər münasibət saxlamalıdır ki, proses getsin. Yəni məqsəd bu məsələnin həll üsulu ilə bağlıdır. Ermənistanın bu əraziləri işğal etməsi bütün dünya ictimaiyyətinə məlumdur. Sadəcə olaraq Avropa ölkələri Minsk qrupu formasında bu münaqişənin həllini həyata keçirməyə çalışır. Bu zaman əgər bir tərəfə işğalçı, o biri tərəfə işğal olunan desə, işğalçı tərəflə bütün əməkdaşlığı kəsməlidir. Onda belə çıxır ki, bu danışıqlar dayandırmalıdır. Ona görə də, nə qədər ki, bu danışıqlar var, Ermənistan tərəfinin bu hərəkətlərinə Avropa birmənalı qiymət verməyəcək. Danışıqlar dayandırılsa, Azərbaycan danışıqlardan çəkilsə, onda biz beynəxalq ictimaiyyətdən Ermənistanın hərəkətlərinə beynəlxalq hüquqa uyğun qiymət verməsini tələb edərik ki, bu zaman bəli doğrudan da Ermənistan tərəfi işğalçı kimi tanına bilər”.(pia.az)