Tanınmış müğənni Nərmin Kərimbəyova Moderator.az-ın suallarını cavablandırıb.

 

- Bu mənim hissiyatımla bağlıdır. Mən həm musiqini, həm də səhnəni hiss edirəm. Düşünürəm ki, bunların ikisi də vacibdir. Belə çox rahatam.

 

 

- Əlbəttə ki, buna görə məni qınayanlar çoxdur. Necə ki, çox insanlar bundan ruhlanıb, mənim performansımı, rəqsimi, səhnə davranışımı sevirlər, amma tənqid də az deyil. Pozitivi, enerjini hər bir kəs doğru, eyni cür qəbul edə bilmir. Bu hər kəs üçün deyil. Hamı bunu dəyərləndirməyi də bacarmır. Çox vaxt insanlar səni öz komplekslərindən keçirib deyirlər ki,  gör neynir, mən belə etməzdim. Amma sən o deyilsən, o da sən deyil. Bax insanlar bunu qəbul edə bilmirlər. Tənqid məni heç bir zaman məhdudlaşdıra bilməz. Doğru tənqidi eşidən biriyəm, hər zaman öz üzərimdə çalışıram. Lakin mənim öz enerjimlə, hissiyatımla tutduğum bir yol var. Mənim yolum enerjili performansdır. İlk əvvəl bunu qəbul etməyən insan da baxandan sonra qəbul edib, başa düşür.

 

 

- Müəyyən çərçivədə hə. Əlbəttə ki, elə də yaşamaq lazımdır. İlk növbədə adamın özünə xoş olmalıdır yaşadığı həyat.

 

 

- Kimin yox nəyin. Həyatıma şans müdaxilə etsə çox yaxşı olar. Bir az daha şanslı olmaq istəyirəm.

 

 

- Özümə şanslıyam deyə bilməzdim. Çünki bu günün uğuru illərdir çəkdiyim zəhmətiminin nəticəsidir. Yalnız mən bilirəm ki, hər bir nailiyyətimin arxasında nə boyda zəhmət durur?! Orada şans çox deyil, daha çox zəhmət, məntiq, düzgün planlama, məsuliyyət, insani keyfiyyətlər, xarizma, enerji var. Əgər onlar şans adlanırsa o zaman mən şanslı bir insanam ki, mən mənim kimi dünyaya gəlmişəm. Məncə şanslı olmaq insanda xüsusi bir bəxtin olmağıdır. Bəzən elə insanlar olur ki, xüsusi bir şey etmirlər, əziyyət çəkmədən çox rahatlıqla nəyəsə nail olurlar. Bu onlara bir hədiyyə, pay kimi gəlir. Mən demək istəyirəm ki, bu günki nailiyyətlərimin heç biri mənə hədiyyə olunmayıb. Hamısının arxasında böyük zəhmət durur. Ona görə də bu günə qədər xüsusi bir şansın olmasını özümdə müşayiət etməmişəm. Daha çox olsa bir az daha rahat olaram, yüküm azalar. Ona görə daha çox şansa ümüdlüyəm.

 

 

- Xeyr, qətiyyən! Səhnəyə gəlməyim üçün reklama qətiyyən pul xərcləməmişəm. Amma müəyyən səviyyəyə gəlib çatmaq üçün, performansıma, kliplərimə mütəmadi olaraq çox pul xərcləmişəm. Bu sahə yatırım tələb edən sahədir. Ona görə də bu sahədə başqa cür olmur, həddindən artıq çox pul xərclənilir. Məni hər zaman özümə görə hər yerə dəvət ediblər.

 

- Bu mövzu ilə bağlı heç bir fikrim yoxdur. Mən hesab edirəm ki, hər kəs istədiyi şərti irəli sürə bilər. Bu hər bir sənətçinin özünə aiddir. O ki, qaldı nə vaxtsa efirlərdən pul tələb etməyimə? Mən bu sualın cavabını bilmirəm. Çünki hələ bilmirik ki, televiziyanın inkişafı necə gedəcək? Efirlərdən pul tələb edən sənətçilər bunun üçün əsas gətirirlər, əllərində dəlilləri var. Mən onların istəyinə hörmətlə yanaşıram.

 

 

- Əgər söhbət bizim cəmiyyətimizdən gedirsə bizdə bu mövzu ilə bağlı qarışıqlıq var. Hər şeyi mentalitetlə, xurafatla ölçürlər. Bir cəmiyyət kimi biz ortaq fikrə malik deyilik. Hər bölgənin öz ən-ənəsi var. Ona görə musiqini də inkişaf etdirmək çox çətindir. Bilmirsən kimə, hansı kütləyə işləyəsən, kimlərdir sənin dinləyicilərin?! Bu çox nisbidir. Mən hamının əvəzinə danışa bilmərəm. Bu ailədaxili məsələdir. Heç kim heç kimə nəyisə borclu deyil. Nə xəyanəti bağışlamağı, nə də ki, bağışlamamağı. Bunu nə cəmiyyət üçün etmək lazımdır, nə də ki, özün üçün. Hər bir kəsin öz xarakteri, xasiyyəti var, elə də yaşamalıdır. İnsanlar çalışmalıdırlar bir-birlərinə qarşı dürüst olsunlar. Əsas olan da budur. Qalan hər bir şey ikinci dərəcəlidir. Ailədə qarşılıqlı hörmət olduğu halda insanlar bir-birini də bağışlaya bilir. Bu mövzuda heç kimə, nə qadına, nə də ki, kişiyə üstünlük, güzəşt verilməməlidir.

 

 

- Xanımın xanımla duet oxumağına yaxşı baxıram. Ümumiyyətlə duetlərə münasibətim çox yaxşıdır. Bunların hamısı musiqili eksprimentdir. Bu da baxır janra. Mahnı mənim xoşuma gəlsə, maraqlı janr olsa duet oxumaq olar. Adlarını çəkdiyiniz xanımların heç biri mənim janrımda ifa edən sənətçilər deyil. Mən heç vaxt deməmişəm ki, filankəsi bəyənmirəm, heç vaxt onunla duet oxumaram. Xeyr! Çünki mən görürəm ki, çox sənətçinin zövqü dəyişir. Mən heç vaxt trendlər arxasınca qaçmamışam, heç kimə duet təklifim olmayıb. İlk duetim Ceyhun Zeynalovla “Atəş” mahnıma olub. Bu da tamam başqa bir məqsəd daşıyırdı. İnsanları ruhlandıra biləcək, motivasiya verə biləcək bir vətənpərvər mahnı idi. Bunu Ceyhundan yaxşı kim edə bilərdi? O da sağ olsun ki, razılaşdı və bu layihəyə qoşuldu. Populyarlığa, kiminsə kütləsinə, trendə görə heç vaxt duet oxumaram. Kiminsə aurası, xasiyyəti xoşuma gələrsə onunla duet düşünmək olar. Çünki insanlar bir-birlərinə yaxşı münasibət bəstələyəndə nəticədə yaxşı işlər də ərsəyə gəlir. Çünki sən bu işi ürəklə görürsən.

 

- Bu günə qədər olan vətənpərvər layihələrim DSX ilə əlaqəli olub. Onların dəstəyini görmüşəm və bu layihələrin hər biri mükəmməl olub. Hal-hazırda bir vətənpərvər layihə üzərində işləyirik, bu bir musiqiçilərin və mənim fərdi şəkildə təşəbbüsümdür. DSX-ya heç bir aidiyyatı yoxdur. Heç bir qurumla əməkdaşlıq edib-etməməyimin mənim vətənpərvər ruhda layihələrimə təsiri yoxdur. Bu mənim içimdən gəlir. Öz layihələrim var və olacaq da. Mən bu layihələri DSX-ya yaxud da başqa bir quruma aid etmək istəməzdim.