Onunla hər söhbətimizdə qeyd edir ki, qələm əhli rejissor kimidir. Deyir ki, siz rejissor biz isə aktyorlarıq. Sizin bizi oxuyucuya necə təqdim edcəyiniz, yaxşı rejissor olub olmadığınızın bir işarəsidir. 

O, müsbət emosiyası, enerjisi isə insanın aurasını dəyişməyi bacarır. Hər nə qədər Azərbaycan Dövlət Pantomima Teatrının direkoru olsa da hər zaman qeyd edir ki, “Məni direktor kimi deyil, aktyor kimi qeyd edin”. İnsanın hardan gəldiyi, çatdığı zirvəyə onu nəyin gətirdiyini bilməsi sevilən xüsusiyyətdir. Müsahibim Əməkdar Artist Elman Rəfiyev kimi. 

Moderator.az-ın qonağı olan aktyorla tarixi qələbəmizdən və 6 aydır fəaliyyətsiz qalan teatrlarımızdan danışdıq. 

- Hazırda bu sual müzakirə edilən, düşünülən ən aktual mövzulardan biridir. Qarabağın işğaldan azad edilməsi və o torpaqlarda həyatın, mədəniyyətin yenidən bərpası düşünülən əsas  amillərdəndir. Bu günkü günlərdə işğaldan azad olunmuş torplaqlarda həyat başladıqdan sonra  insanların həmin  torpaqlara  geri dönüşü,  yenidən həyata qayıtması üçün mədəniyyət ocaqlarının yenidən güclü şəkildə fəaliyyəti mütləq surətdə baş tutmalıdır. Yurduna qayıdan insanlar 30 il şəhər mühitində yaşayıblar. Paytaxtda və paytaxtdan kənarda yaşayanlar   da  tamaşalarımızı  izləyib və tamaşaçımıza çevriliblər. İstər istəməz onlarda paytaxt tamaşalarını seyr etmək istəyi yaranacaq. Bu məsələlərə də diqqət yetirilməlidir. 

 Qələbə ruhlu tamaşaların hazırlanması prosesinə  gəldikdə isə, nəinki tamaşalar qələbə ruhlu filmlər, musiqilər, sənədli filmlərin hazırlanması vacibdir. Yeni nəsil  artıq qələbə dövrünün gəncləridir. Onlar bu mahnılarla, torpağımızın yetişdirdiyi oğulların hekayələrini dinləyərək böyüməli, həmin filmləri izləyərək məğrur yetişməlidirlər. Belə olduda isə onların beyinlərinin alt qatına təhtəlşürüna yeriməldir ki, Qarabağ əzəldən Azərbaycana məxsus olub və bu torpaqlar bizim  igidlərimizin qanı, canı bahasına, Ali Baş Komadnımızın strateji siyasəti nəticəsində düşmən işğalından azad edilib. Qarabağda  həyat davam etməsi üçün hər bir vətəndaş öhdəsində düşən işi layiqincə yerinə yetirməlidir. 

- Bizim əzəldən Qarabağda müxtəlif  tetarlarımız faəliyyət göstərib. İşğaldan azad olunmuş torpaqlaqrda həyat bərpa edildikdən sonra həmin teatr binalarının da bərpası  olmalıdır. Bir dövlətin əsas meyarından biri onun mədəniyyəti, idmanı, iqtisadiyyatı və siyasətidir. Mədəniyyət isə bir dövlətin təqdimatı üçün vacib ünsürdür. Bu səbəbdən teatrlarımız fəaliyyətini öz torpaqlarında  davam etdirməlidir. Paytaxtda olan bütün teatrlar  həmin teatrlara dəstək olmalıdır. Köçkün teatrlara dəstək olan siyahıda ön sıralarda isə  özümü görürəm. Qaçqın teatrlardan bu istiqmətdə hər hansı təklif gəlsə onu qəbul etməyə hazıram. Bu gün məcburi köçkün teatrlara mənəvi dəstək olmalıyıq. Paytax teatrları vaxtaşırı ora gedib tamaşalar nümayiş etdirməli, qastrollar təşkil etməlidir ki, orada yaşayan vətəndaşlarımız  özlərini paytaxtda hiss etsinlər. Onlar burda olduğu müddətdə o tamaşalara baxıb, paytaxt tamaşalarının tamaşaçılarına çevriliblər. Torpaqlarına geri döndükdəndən sonra yenə tamaşalarımıza baxmaq  istəyəcəklər. 

-  Əlbəttə. Ali Baş Komandanımız da çıxışında bildirdi ki, işğaldan azad olunan torpaqlarda  hər şey yenidən qurulacaq. Bu torpaqlara yeni bir nəfəs gələcək. Eləcə də mədəniyyətimiz yeni  bir nəfəslə işə başlamalıdır.  İşə başlamalıdır ki, bundan sonra gələn nəsil özünün ordakı varlığını, kökünü, əzmətini hiss etsin. II Qarabağ döyüşlərində əldə etdiyimiz qələbə sizə heç də adi gəlməsin. Bu tarixi, böyük bir qələbədir. Döyüş meydanında yaşanan hadisələri ürək ağrısı, sevinc, fəxarət hissi ilə izləyirdim. Bu qələbə bizə heç də asan başa gəlmədi. Uzun müddət sülh yolu ilə torpaqlarımızı əldə etmək istədik, ancaq düşmən bu dili anlamadı. Torpaqlarımızı müharibə yolu ilə azad etdik. Burda dünyasını dəyişən oğullarımız oldu. Allahdan şəhidlərimizə rəhmət, onların valideynlərinə səbr diləyirəm. Onların qəhrəmanlığı hesabına Qarabağ yenidən sahibinə qaytarıldı. Hər nə qədər orda erməni vandalları dağıntı işləri aparsa da, biz bu torpaqları dirçəldəcəyik. Burda yeni bir həyatın qurulması üçün hər birimiz əlimizdən gələni etməliyik. Qarabağ Azərbaycandır!  Qarabağ Azərbaycan olması üçün bizim bütün mədəniyyət işçilərimiz, idmançılarımız, siyasətçilərimiz və bütün xalqımız bir olmalıyıq. Necə ki, II Qarabağ müharibəsində bir olduq. “Biz birlikdə güclüyük” şüarı ilə buna nail olduq. Bundan sonra birlikdə güclü olub, xariqələr yaradacağıq və bütün dünya  bunun şahidi olacaq. 

- Əgər bir insan sevdiyi sənəti ilə məşğuldursa, çalışdığı yaradıcı ocağın yerləşməsindən asılı olmayaraq  o məkana sevərək gedəcək. Hazırda onlar məcburi səbəbdən paytaxta fəaliyyət göstərirlər. Hesab edirəm ki, sənətini yurdunu sevən insan öz torpaqlarına geri qayıdacaq. Onu da nəzərinizə çatdırım ki, bu siyahı heç də az deyil. Ağdam, Füzuli, Şuşa, İrəvan  teatrlarında çalışan dostlarım sevə-sevə geri qayıtmağa hazırdırlar. 

- İnsan sevdiyi sənətin kamil sənətçisidirsə  o heç vaxt paslana bilməz. Əgər aktyor işləmirsə bu o demək deyil ki, evdə oturub paslanır.  Sənət sahibi heç vaxt boş qalmaz.  Azərbaycan Dövlət Pantomima Teatrının aktyorları pandemiya dövründə  boş bekar qalmadılar. Onlar davamlı olaraq öz üzərlərində çalışdılar Mən məktəblilərlə onlayn görüş keçirdim.  Onlara Azərbaycan kinosunun, mədəniyyətinin, teeatrının dünənindən bugünündən danışdım.  Döyüşlər gedən ərəfədə sosial cəbhədə mübarizə apardıq. Bundan başqa milli, vətənpərvərlik ruhunda şeirlər səsləndirir, paylaşımlar edirdim.  Avto FM radisou tərəfindən bu şeirləri radioda səsləndirmək təklifi aldım. Orada da milli ruhda şeirləri sevərək səsləndirdim. Mənim üçün qürurverici hiss idi ki, insanlar  milli ruhda olan şeirlərimi dinləyirdi.  Bundan başqa teatrımızın aktyorları milli ruhda çarxlar çəkdilər. Teatr aktyoru olan insan o demək deyil k, iş yoxdursa evdə heç nə etmədən oturmalıdır.  Əgər sənətimizi seviriksə və bütün çətinlikləri nəzərə alıb bu sənətə  gəlmişiksə  üzərimizdə daima çalışmalıyıq. Bu müddət ərzində “tamaşa yoxdursa özümə başqa sənət tapım” deyənlər də oldu. Pandemiya  aktyorlar üçün sınaq dövrü oldu. Panemiya bitdikdən sonra o sınaqdan kimlərin keçəcəyini də görəcəyik.  Sənətini sevən, sənətinin vurğunu olanlarlar bu sənətdə qalacaqlar. Anlaşılandır ki, tamaşa yoxdur  və yaradıcı insan üçün bu çətindir. Amam dövlət teatrlarında bütün personal işçiləri bu müddət ərzində maaşlarını aldı. 

Evdə torumaq o demək ki, biz sənətdən uzaq qaldılar. Şəxsən mən sənətdən bir addım belə uzaq qalmadım. Koronavirus mənim başqa tərəfimi üzə çıxartdı. İnsan hər şeyi bacarır, sadəcə onu üzə çıxarmaq lazımdır. İndi həyatımda ikinci mərhələ başlayır.