”Bu ilin ikinci yarısindan veteran pulunun artılmasını zəruri hesab edirik” 

 

      Moderator.az xəbər verir ki,  bunu millət vəkili Əli Məsimli Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında bildirib. 

 

 

  Əli Məsimli qeyd edib ki, 2024-cü ilin büdcə proqnozlarında nəzərdə tutulduğundan artıq yaranan maliyyə vəsaiti 30 illik müharibənin vurduğu ağır yaraların sağaldılması, Böyük Qayıdış Dövlət Proqramınını reallaşdırlmasının sürətlənirilməsi, ölkəmizin  müdafiə qabiliyyətinin daha da artırılması və milli təhlükəsizliyimizin möhkəmləndirilməsi, mühüm infrastruktur layihələrinin icrası və s. kimi istiqamətlərə yönəldilməsi nəzərdə tutulub. Belə bir seçimi yaşadığımız mərhələnin məntiq və çağırışları prioritetə çevirib.Ona görə də  mütləq həyata keçirmək lazımdır.

        Əli Məsimli əlavə edib ki, eyni zamanda proqnozdan artıq vəsait bölüşdürülərkən onu da nəzərə almaq lazımdırdır ki, elə sosial-iqtisadi  xarakterli məsələlər var ki, onların həllinin yubadılması bumeranq effekti yaradır: həm getdikcə daha çox narazılıq yaradır, həm də daha çox xərc tələb edir. Büdcə müzakirələri zamanı həm Milli Məclisdə, həm də cəmiyyətdə daha çox gündəmə gətirilən məsələ veteranlara verilən 80 manatlıq müavinətin artırılması məsələsi oldu. 

   

 Əli Məsimli Dövlət Statistika Komitəsindən rəsmi məlumatına istinad edərək bildirib ki, Azərbaycan Respublikasının ərazi bütövlüyü uğrunda döyüş əməliyyatlarında iştirak etmiş şəxslərin sayı 2023-cü il oktyabrın 1-nə 179 840 nəfər təşkil edib,yəni 180 min nəfərə yaxındır. Veteran pulunun 2 dəfə artırılaraq 80 manatdan 160 manata qaldırılması, ayda veteranlara 14,4 milyon manat əlavə vəsait ayrılması deməkdir. Bu, o qədər də böyük məbləğ deyil ki,sözügedən məsələnin həlli ildən ilə  keçirilsin.Ona görə də bu ilin ikinci yarısindan veteran pulunun 2 dəfə artırılaraq 80 manatdan 160 manata çatdırılması  istiqamətdə real addımlar atılmasını zəruri hesab edirik. Məsələn, belə bir  addım bu ilin oktyabrında atılsa,ilin sonunacan cəmi 45 milyon manat əlavə vəsait tələb edəcək.  

 

     Deputat sonda onu da nəzərə çatdırıb ki, eyni zamanda inflyasiya səngisə də,əhalinin daha çox işlətdiyi mal və məhsulların qiymətlərində artımın davam etdiyini və digər bu kimi amilləri nəzərə alaraq,veteran pulunun  ardınca, gələn ilin yanvarından pensiyaların indeksləşdirilməsi ilə yanaşı həm də 345 manatlıq minimum əmək haqqının və bir sıra sosial ödənişlərin də artırılmasını vacib hesab edirik.