ABŞ Venesuelada keçirilən prezident seçkilərdə müxalifətdən olan namizəd Edmundo Qonsalesin qalib gəldiyini tanıyıb və Nikolas Maduronun ölkə prezidentliyinə iddiasını rədd edib.

 

Moderator.az xəbər verir ki, bu barədə "svoboda.org" nəşri məlumat yayıb.

 

ABŞ Dövlət katibi Entoni Blinken Qonsalesi uğurlu seçki kampaniyası ilə əlaqədar olaraq təbrik edib və Venesuela seçki qanunvericiliyinə və Venesuela xalqının istəklərinə uyğun olaraq hakimiyyətin hörmət əsasında, dinc ötürülməsinin müzakirəsinə başlamağa" çağırış edib.

 

"Milli Seçki Şurası tərəfindən tələm-tələsik Nikolas Maduronun  prezident seçkilərinin qalibi elan edilməsi heç bir sübutlarla müşahidə edilməyib. İndiyədək venesuelalıların və beynəlxalq birliyin dəfələrlə çağırışlarına rəğmən, səslərin hesablanmasının nəticələri və ya hər-hansı vərəqələri dərc edilməyib. Şuranın rəsmi nəticələri təqdim etmək iqtidarında olmaması, habelə seçki prosesinin gedişindəki pozuntular elan edilən nəticəni hər-hansı etibarlılıqdan məhrum edib", - Blinkenin bəyanatında deyilir.

 

Dövlət katibi qeyd edib ki, Venesuela müxalifəti seçki məntəqələrindən əldə etdiyi bülletenlərin 80 faizini dərc edib və öz namizədinin qalib gəldiyini elan edib, bu da müstəqil müşahidəçilərin bəyanatları və ekzit-polların nəticələri ilə təsdiq edilib.

 

Blinken Venesuela müxalifəti liderlərinin müdafiəsini və qorunmasını təmin etməyə çağırış edib, çünki Maduro tərəfindən artıq öz opponentlərinin ünvanına təhdidlər səsləndirib.

Bundan başqa, Maduro bəyan edib ki, onu məcbur etsələr, tərəddüd etmədən ölkə əhalisini "yeni inqilaba" çağıracaq.

 

Venesuelada prezident seçkiləri iyunun 28-də keçirilib. Milli Seçki Şurası Nikolas  Maduronun səslərin 51, 2  faizini, birləşmiş müxalifətin namizədi Edmundo Qonsalesin isə 44 faizini topladığını bəyan edib. Səsvermənin nəticələri açıqlanandan sonra ölkəni etirazlar dalğası bürüyüb.

 

Hüquq müdafiəçiləri nümayişçilərdən 11 nəfərin, o cümlədən iki yeniyetmənin həlak olduğu, bir polis nəfərinin qətlə yetirildiyi barədə məlumat verib. Qonsales və müxalif qüvvələrinin lideri Korina Maçado öz tərəfdarlarına təmkinlik nümayiş etdirməyə və zorakılıqdan çəkinməyə çağırış edib.

 

Bu arada isə Rusiya öz qəzəbini gizlətməyib. Rusiya Dövlət Dumasının sədri Vyaçeslav Volodin Venesuela paytaxtında iğtişaşları tənqid edib və onların təşkilində ABŞ-ı ittiham edib.

 

Volodinin sözlərinə görə, Vaşinqton öz namizədinin qələbəsindən başqa, seçkilərin istənilən nəticələrini tanımaqdan imtina edib və "ölkədə Ağ Ev tərəfindən qidalanan müxalifətin əlilə sabitliyi pozmağa cəhd edib".

 

"Yalan, təxribatlar, ikili standartlar, yad əllərlə məqsədlərə nail olmaq, suveren dövlətlərin daxili işlərinə müdaxilə etmək-bunlar ABŞ siyasətinin ayrılmaz metodlarıdır", - Dövlət Dumasının sədri bəyan edib.

Xatırladaq ki, seçkilərdə Maduronun qələbəsini Çili, Argentina, Uruqvay, Panama, Kosta-Rika və Peru tanımayıb.

 

ABŞ, Avropa İttifaqı və Böyük Britaniya səsvermə barəsində müfəssəl məlumatlar təqdim edilməsini tələb edib. Analoji bəyanatlarla Braziliya, Meksika və Kolumbiya çıxış edib.

 

Qeyd edək ki, 2018-ci ilin mayında növbədənkənar prezident seçkilərində Maduro ikinci müddətə prezident kürsüsündə qalandan bir neçə ay ərzində ölkədə etirazlar səngimək bilməyib.

 

Qərb və Latın Amerikasının əksəriyyət ölkələri seçkinin nəticələrini tanımayıb. Argentina, Braziliya və Kanada daxil olmaqla 14 ölkə öz səfirlərini Karakasdan geri çağırıb. ABŞ Venesuelaya qarşı əlavə iqtisadi sanksiyalar tətbiq edib. Lakin Maduro rejimi tab gətirib.