Moderator.az xəbər verir ki, bu barədə Amerikanın CNN telekanalı məlumat yayıb.

 

Eyni zamanda telekanalın mənbələri qeyd edir ki, Trampı qətlə yetirməyə cəhd edən Tomas Metyu Kruksun iranlılarla bağlı olduğunun heç bir əlamətləri yoxdur.

 

Məxfi Xidmət ABŞ prezidentliyinə namizədin mühafizəsini əlavə cangüdənlərlə, snayperlər və texnika ilə mübarizə üzrə mütəxəssislərlə gücləndirib.

 

Buna görə də belə gücləndirilmiş mühafizənin gözləri qarşısında əllərində tüfəng olan 20 yaşlı Kruksun şənbə günü mitinqdə çıxış edən Trampdan 130 metr aralıdakı binanın damına çıxa bilməsi heç aydın deyil.

 

CNN qeyd edir ki, Məxfi Xidmətin əməkdaşları Trampın seçkiöncəki qərargahına mitinqlərin xüsusi xidmət orqanlarının daha yaxşı nəzarət edə biləcəyi tədbirlərlə müqayisədə açıq havada keçirilməsinin daha böyük risk olduğu barədə xəbərdarlıq edib.

 

Buna baxmayaraq, mənbələr qeyd edir ki, "bu xəbərdarlıqlar daha çox ümumi xarakter daşıyıb".

 

CNN-in sorğusuna cavab olaraq Trampın qərargahı təfərrüatlara varmayıb. "Biz Trampın təhlükəsizlik tədbirlərini şərh etmirik. Bütün sualları Birləşmiş Ştatların Məxfi Xidmətinə yönəltmək gərəkdir", - cavabda deyilir.

 

Şənbə günü baş vermiş sui-qəsdi tədqiq edən Federal Tədqiqatlar Bürosu həmçinin şərhlərdən imtina edib.

 

ABŞ Milıi Təhlüləsizlik Şurasının mətbuat katibi Edriyen Uotson hələlik atəş açan Tomas Metyu Kruks ilə hər hansı başqa şəxs arasında bəlli olan əlaqənin olmadığını təsdiq edib.

 

"Sabiq prezident Trampın qətlə yetirilməsi cəhdinin tədqiqatı fəal surətdə davam edir. Hal-hazırda hüquq-mühafizə orqanları məlumat verib ki, tədqiqat atəş açan şəxsin hər-hansı ortaq və ya sui-qəsdin xarici və ya daxili şəriklə əlaqələrini müəyyən etməyib", - o, deyib.

 

İran İslam Respublikasının BMT-dəki daimi nümayəndəliyi hazırlanan qəsdlə bağlı ittihamları qəti şəkildə rədd edərək bəyan edib ki, Donald Tramp İranın nöqteyi-nəzərincə cinayətkardır və məhkəmə tərəfindən cəzalandırılmalıdır.

 

ABŞ Məxfi Xidmətinin mətbuat katibi Entoni Qulyelmi İranın Trampa qarşı sui-qəsd hazırlaması barədə məlumatları nə təsdiq, nə də təkzib edib, yalnız onu deyib ki, Məxfi Xidmət və digər xüsusi xidmətlər daima potensial təhlükələr barədə məlumatlar alır və müvafiq tədbirlər görür.

 

CNN xatırladır ki, Tehran Trampı, habelə, məsələn, onun hakimiyyəti dövründə Dövlət katibi olan Mayk Pompeonu İran  inqilabı Keşikçiləri Korpusunun tərkibində "Əl-Qüds" elit xüsusi bölməsinin komandanı general Qasım Süleymaninin aradan götürülməsinə görə təhdid edir.

 

Süleymani Tramp administrasiyası dönəmində, 2020-ci ilin yanvarında Bağdadda dronla endirilən zərbə nəticəsində qətlə yetirilib.

 

Edriyen Uotson deyir ki, xüsusi xidmət orqanlarının əməkdaşları artıq bir neçə ildir ki, İran tərəfindən Tramp administrasiyası üzvlərinin ünvanına təhdidləri izləyir.

 

"Bu təhdidlər Süleymaninin qətlinə görə qisas almaq istəyi ilə bağlıdır. Biz bunu milli və daxili təhlüləsizliyin birinci dərəcəli məsələsi hesab edirik", - Uotson deyib.

 

Amerikanın ən nüfuzlu və populyar siyasi analitiklərdən biri olan Fərid Zəkəriyyə İranın xarici işlər nazirinin vəzifələrini icra edən Əli Bahəri Kani ilə Nyu-Yorkda görüşərək CNN-in sabiq prezident Donald Trampın qətli məqsədilə İranın sui-qəsdi barədə reportajı haqqında danışıb. 

 

Söhbət zamanı Zəkəriyyə Kanidən İranın bu planlarının Qasım Süleymaninin qətlinə görə qisas olub-olmaması barədə soruşub. 

 

"Mən sizə birbaşa demişəm ki, biz general Süleymaninin qətlinin icraçılarının məsuliyyətə cəlb edilməsi üçün daxili və beynəlxalq səviyyədə hüquqi və məhkəmə prosedurlarından istifadə edəcəyik", - Kani xatırladıb və anladıb ki, Tehran qisas üçün qanuni rıçaqlardan istifadə etmək istəyir.

 

Bunun zorakı tədbirlərdən imtina anlamına gəlməsi barədə suala cavabında məmur deyib: "Biz yalnız İranın və beynəlxalq hüquqi və məhkəmə prodedurlarından istifadə edəcəyik".

 

"Biz indiyədək bunu etmişik və bu, bizim haqqımızdır, bunu etməkdə davam edəcəyik. Amerikalılar özləri açıq bəyan edib ki, onlar İranın baş hərbi komandirini qətlə yetirib. Ona görə də bu məsələ ilə məşğul olmaq bizim təbii haqqımızdır, bu işdə ittiham edilənlər ədalət məhkəməsi qarşısına çıxarılmalıdır", - Kani bəyan edib.