Moderator.az xəbər verir ki, bu barədə "Financial Times" nəşri yazıb.

 

İyunun 27-də axşam Corciya ştatının Atlanta şəhərində ABŞ prezidenti postu uğrunda seçkiöncəki yarışda ilk debatlar başlayacaq.

Amerikalıların kimin ölkəyə rəhbərlik etməyə qadir olduğunu müəyyən etməsi üçün 90 dəqiqəsi olacaq.

 

Nəşrin yazdığına görə, bu zaman Bayden və Trampın dörd ildə ilk görüşündə müəmmalar çox olacaq, çünki Tramp tez-tez ssenaridən kənara çıxır, Bayden isə öz rəqibinə nifrət edir.

 

Nəşr qarşıdakı debatlarda beş vacib məqama diqqət yetirib.

 

 

90 dəqiqəlik yayım iki reklam fasiləsi ilə müşahidə ediləcək. Bu, milyonlarla amerikalılara hər iki namizədin dözümlülüyünü qiymətləndirməyə imkan verəcək.

 

Namizədlərdən heç birinə səhnəyə qeydlərlə və ya digər hazır materiallarla çıxmağa icazə verilmir, amma qeydlər aparmaq üçün kağız və qələm veriləcək. Namizədlərə cavablar üçün iki, təkzib üçün bir dəqiqə vaxt veriləcək.

 

Buna baxmayaraq, hər iki tərəf hadisələrin gedişinə sərt nəzarəti nəzərdə tutan formatla razılaşıb.

 

Qeyri-adi olan odur ki, birbaşa efir studiyalı auditoriya qarşısında keçməyəcək, diqqət mərkəzində isə istisnasız olaraq hər iki namizəd və aparıcılar olacaq.

 

 

Bayden Trampın hüquqi problemlərindən hücum üçün istifadə edə bilər, lakin nəşrin yazdığına görə, bu, Baydenin özü üçün riskli ola bilər, çünki özünün də hüquqi problemləri var, o cümlədən Baydenin oğlu Hanter qanunsuz silah gəzdirilməsi ilə bağlı üç ittihamla təqsirli bilinib.

 

Co Bayden öz oğlunun hüquqi problemlərini şərh etməkdən yan keçir. Lakin onu oğul Baydeni özünün 2020-ci il kampaniyasının elementlərindən birinə çevirən Tramp tərəfindən hücumlar gözləyə bilər.

 

 

Bayden böyük ehtimalla debatları Trampın Amerika demokratiyası ilə bağlı mövqeyinə keçirməyə cəhd göstərə bilər və sabiq prezidenti potensial avtoritarçı kimi təqdim edə bilər.

 

Hər iki namizəddən 2024-cü ilin seçkilərinin nəticələrini tanıyıb-tanımayacaqları barədə sual ünvanlana bilər. Bu, potensial olaraq debatların həlledici məqamıdır.

 

 

Tramp Baydeni onun ABŞ iqtisadiyyatına münasibətinə görə məzəmmət edəcək. Bu, ictimai rəy sorğularında prezidentin zəif yeri olaraq qalmaqdadır.

 

Başlıca mövzu inflyasiyadır. Bayden dönəmində o, bir çox onilliklərdə maksimum səviyyəyə çatıb və sosial sorğularda dəfələrlə seçicilərin ən böyük problemi olaraq xatırlanır. 

 

Eyni zamanda, Bayden onun dönəmində yaradılan milyonlarla iş yerlərini, səhmlərə rekord yüksək qiymətləri göstərə bilər.

 

O, həmçinin, ehtimal ki, Trampın zəngin insanlar və korporasiyalar üçün vergiləri azaltmaq vədinin əksinə olaraq özünü həmkarlar ittifaqlarının tərəfdarı olduğuna istinad edəcək.

 

 

Tramp yorulmadan son üç ildə Amerika-Meksika sərhəddindən immiqrasiyanın kəskin artması ilə bağlı Baydenin üzərinə gedir və debatlarda bu məsələyə toxunacağını gözləmək olar, nəşr yazıb.

 

Bayden abortlar məsələsində Trampa qarşı çıxacaq və demokratların qadınların reproduktiv hüquqlarının qorunacağı vədini vurğulayacaq.

 

İftilafların daha bir səbəbi xarici siyasət ola bilər. Tramp ehtimal ki, Baydeni Ukrayna və Qəzzada müharibələrə görə tənqid edəcək.

 

Sabiq prezident dəfələrlə bəyan edib ki, hər iki münaqişəyə, demək olar ki, dərhal son qoya bilər və Baydeni müharibənin qızışdırıcısı kimi təqdim etməyə cəhd göstərib. Bayden öz rəqibini Rusiyaya qarşı çox yumşaq və Yaxın Şərqlə bağlı sadəlövh kimi təqdim edə bilər.

 

Lakin Bayden öz Demokratlar Partiyasında Qəzzada HƏMAS-la mübarizədə İsrailə dəstəklə bağlı ixtilafları dərinləşdirməməyə çalışacaq.

 

Daha bir mübahisəli məsəlı NATO ilə bağlı ola bilər, həm də Bayden, böyük ehtimalla, Trampın ABŞ-ı Alyansdan çıxarmaq təhdidlərinə istinad edəcək.

 

 

2024-cü il noyabrın 5-də ABŞ-da 60-cı prezident seçkiləri keçiriləcək. Əsas iddiaçılar 82 yaşlı Co Bayden və 78 yaşlı Donald Trampdır.

 

Qarşıdakı seçkiləri şərh edərkən Ukrayna Kəşfiyyatının rəhbəri Kirill Budanov Trampın hakimiyyətə mümkün gəlişinə sakit yanaşdığını deyib. Bundan başqa, o, əlavə edib ki, ABŞ-da seçkiləri proqnozlaşdırmaq çox çətindir.

 

Bundan öncə CNN yazıb ki, Ukraynada müharibə Bayden və Trampın qarşıdakı debatlarının əsas mövzularından biri olacaq. Hər iki namizəd ABŞ-ın dünya meydanında hesab etdikləri oynayacağı rolu təsvir etməyə çalışacaq.