Demokratik Azərbaycan Dünyası Partiyasının (DADP) sədri Əlisahib Hüseynov Devid Kramerlə bağlı pərdəarxası məqamlara aydınlıq gətirdi: 

“Son vaxtlar Azərbaycan hakimiyyətinə yönəlik sərt açıqlamalarıyla gündəmin 1 nömrəli personasına çevrilən “Freedom House”-un sabiq direktoru Devid Kramer artıq bütün beynəlxalq diplomatik normaları aşaraq rəsmi Vaşinqtonu açıq-aşkar surətdə Azərbaycanda dövlət çevrilişi etməyə çağırır.

Yeri gəlmişkən, onun Azərbaycan əleyhinə işlətdiyi ifadələr öz kobudluğu və yekəxanalığı ilə də məxsusi seçilir. O, əsl Texas kovboyları kimi və yaxud, Vaşinqton “qırğı”ları kimi danışır. Hətta vaxtilə Ağ evin ən davakar “qırğı”sı sayılan Madlen Olbrayt da cənab Kramerin anti-Azərbaycan və ya anti-Rusiya ritorikasının sərtliyinə, tərbiyəsizliyinə və həyasızlığına həsəd apara bilər.

Bu adam tele-debatlarda və müsahibələrində öz opponentlərinə qarşı  küçə ifadələrindən, jarqonlardan istifadə etməkdən belə çəkinmir. 

Bəs bu səlahiyyəti ona kim verib? O, öz cəsarətinin və həyasızlığının miqyasına görə kimə və ya nəyə arxalanır? Onun Azərbaycanla ABŞ arasında münasibətləri korlamağa çalışması hansı məkrli məqsədlərə xidmət edir? 

Ən əvvəl onu qeyd edim ki, Kramer mənşəcə yəhudidir və pansionist düşüncələrə malikdir. Rusiyada onu beynəlxalq sionist mafiyasının fəal bir üzvü kimi tanıyır və həm də Rusiyanın düşməni hesab edirlər. 

Devid Kramer həm də gizli surətdə Mərkəzi Kəşfiyyat İdarəsinin  (MKİ) kuratoru kimi fəaliyyət göstərərək, Rusiya müxalifətini yönləndirməyə çalışıb. O, hətta Nyu-York kafelərində Boris Nemtsov, Yevgeniya Çirikova kimi rus müxalifətçiləriylə görüşüb, onlara Moskvanın mərkəzində siyasi iğtişaşların törədilməsiylə bağlı tövsiyyələr vermiş və onların maliyyələşdirməsini təmin etmişdir. 

Devid Kramer siyasi intriqan və hoqqabazdır. Amma Kramerin intriqan fəaliyyətləri təkcə Rusiya və Azərbaycanla kifayətlənmir. Belarus və Ukrayna da, Gürcüstan və Moldova da onun hədəf zonaları sayılır. O, bu ölkələrdə də stabilliyin pozulması  və hakimiyyətlərin dəyişməsi üçün əlindən gələni etmişdir. Hətta müsahibələrindən birində belə  bir qızışdırıcı bir ifadə də işlətmişdi: “Bəzi postsovet ölkələrinin liderlərini də ərəb liderləri  (Misir, Tunis, Liviya və s.) kimi hakimiyyətdən uzaqlaşdırmaq lazımdır”

Kramer “rəngli inqilab”lar üzrə usta mütəxəssis kimi Ukraynadakı “Maydan hərəkatı”nı təşkil edən amerikalılardan biridir. Yanukoviçin devrilməsinin əsas müəlliflərindən biri də məhz D. Kramerdir.

Bu avantürist strateq utanıb-qızarmadan 2015-ci ili də “rəngli inqilab”lar ili kimi təqdim etməyə çalışır. İlk hədəf kimi də Azərbaycanı seçib. Və Azərbaycana qarşı bəyanatlarının sərtlik dərəcəsini də gün-gündən artırmaqdadır. 

Maraqlıdır ki, D. Kramerin anti-Azərbaycan səpkili açıqlamalarını sevinclə qarşılayanların arasında bədnam qonşularımız da var. Belə ki, son günlər erməni mətbuatı Kramerin Azərbaycan əleyhinə açıqlamalarına sıx-sıx yer ayırmaqdadır. Deməli, Kramer həm də ermənilərin dəyirmanına su tökməklə məşğuldur. 

Amma Kramerin əsas amacı rəsmi Bakı ilə Ağ Ev adminstrasiyasını toqquşdurmaq və Azərbaycanı da Rusiyanın gözünə qataraq, onu “ən pis ölkələr” siyahısına salmaqdır. Çünki bəzi ABŞ siyasətçiləri kimi Kramer də rəsmi Bakının həddən artıq müstəqil siyasət yürütməsini və öz oyununu oynamasını heç cürə həzm edə bilmir. Ancaq yaxşı ki, Obamanın iqtidar komandasında kifayət qədər sağlam düşüncəli şəxslər də var və onlar ABŞ prezidentinin Kramer kimi avantüristlərin, araqızışdırıcıların “tələ”lərinə düşməsinin qarşısını vaxtında və yerindəcə ala bilirlər. Ağ Ev strateqləri Kramerin “şok açıqlama”larını xəfif təbəssümlə qarşılayır, amma Azərbaycanla münasibətləri isə əvvəlki kimi qarşılıqlı faydalı əməkdaşlıq prinsipi üzərində qurmaqda davam edirlər.

Deməli, son söz kovboy Kramerlərin deyil, müdrik Ağ Ev siyasətçilərinindir”