Hər il mayın 31-də bir çox ölkələrdə Ümumdünya Tütünlə Mübarizə Günü  (World No Tobacco) qeyd edilir.

 

Əgər siz bu hadisədən siqaret çəkməyə birdəfəlik son qoymaq üçün siqnal kimi istifadə etsəniz, növbəti iki gün ərzində bədəniniz nikotindən tam azad olacaq, daha üç gündən sonra tənəffüsünüz asanlaşacaq və dolğun olacaq. Bu, siqaretdən imtina etməyin üstünlüklərinin siyahısının başlanğıcıdır.

 

Moderator.az xəbər verir ki, bu barədə "Detaly" nəşri yazıb.

 

Siqaret çəkənlər üçün siqaret gündəlik həyatın bir hissəsidir, onu gün ərzində müşayiət edir, lakin davranış-psixoloji asılılıqla yanaşı, həm də nikotin asılılığı inkişaf edir.

 

Bu maddənin effekti ani olaraq təzahür edir və tez bir zamanda yoxa çıxır, ona görə də yenidən siqaret çəkməyə zərurət yaranır.

 

Siqaretdən imtina etmək qərarı isə tez-tez gözlənilən çətinliklər və hətta uğursuzluq qorxusu ilə üzləşməklə bağlı narahatlıq və həyəcan doğurur.

 

Beləliklə, siqaretdən imtina prosesinin çox mühüm hissəsi ünsiyyət və dəstəkdir.

 

Ümumdünya Tənbəkisiz Günündə bir qutu siqareti zibil yeşiyinə tulladıqdan dərhal sonra insan bədənində baş verən qəribə dəyişikliklərdən danışmağa dəyər.

 

 

Gəlin, həqiqətin üzünə dik baxaq, orqanizmimizdə praktiki olaraq elə orqan yoxdur ki, siqaretdən əzab çəkməsin.

 

Əgər siz bu zərərli vərdişi keçmişdə saxlasanız, artıq qısamüddətli perspektivdə siz daha asan nəfəs alacaqsınız, arterial təzyiqiniz aşağı düşəcək və ürək döyüntülərinizin sayı azalacaq.

 

24 saat ərzində karbon-monooksid (dəm qazı) orqanizminizdən xaric olacaq, daha bir sutkadan sonra siz nikotindən tam təmizlənəcəksiniz, daha üç gündən sonra isə tənəffüsünüz daha asan və daha dolğun olacaq.

 

Siqareti atmaqla siz dadbilmə hissiyatınızın yaxşılaşmasını hiss edəcəksiniz, sanki sizin qəflətən "iştahanız qayıdıb", həmçinin öz səsinizdə dəyişiklik qeyd edəcəksiniz, o, daha az kobud və daha az xırıltılı olacaq.

 

Bundan başqa, tezliklə sizin qoxubilmə hissiniz yaxşılaşacaq və bədəninizdən gələn qoxu da dəyişəcək.

 

Elmi cəhətdən sübut edilib ki, siqaret çəkmə həm də dişlər üçün zərərlidir. Siqaretdən imtina etsəniz, kifayət qədər tez bir zamanda diş  minasında sarı-qəhvəyi ləkələrlə vidalaşa bilərsiniz.

 

Üstəlik, əvvəllər siqaret çəkənlərin bəziləri qeyd edir ki, siqaretdən imtina edən kimi onların saçı və dərisi daha sağlam və daha parlaq görünməyə başlayıb.

 

 

Siqaretsiz keçən yarım ildə ağ ciyərlərin fəaliyyəti yaxşılaşacaq, bunun sayəsində siz tənəffüs və öskürək problemlərilə daha az hallarda üzləşəcəksiniz, ürək tutması, insult və ağ ciyər xərçəngi riski onlarla faiz azalacaq.

 

Bundan başqa, Esseksdəki Senger İnstitutu və London Universiteti Kolleci hospitalı alimlərinin apardığı tədqiqat göstərib ki, siqaretdən imtina etdikdə tənəffüs yollarının selikli qişasının az sayda zədələnməyən hüceyrələri çoxalmağa başlayacaq və yararsız hüceyrələri əvəzləyəcək. 

 

Özü də bu effekt hətta siqaretdən imtina etməzdən öncə 40 il müddətində hər gün bir qutu suqaret çəkən pasiyentlər arasında da müşahidə edilib.

 

 

San-Diyeqoda Kaliforniya Universiteti alimlərinin apardığı və yarım milyondan artıq adamın iştirak etdiyi böyük tədqiqat göstərib ki, 35 yaşınadək siqareti atanlarda müəyyən zaman ərzində ölüm hallarının göstəriciləri heç vaxt siqaret çəkməyənlərin göstəriciləri ilə eyni olub. 

 

Daha yaşlı insanlarda da hər şey itirilməyib, siqaretdən imtina etməklə, onlar əvvəlkitək sağlamlıq üçün üstünlüklər qazanıb, lakin ölüm halları siqareti 35 yaşınadək atanlara nisbətən daha yüksək olub.

 

Alimlər hesab edir ki, belə yaş həddi nə zamansa bu zərərli vərdişdən qurtulmağa can atan gənc siqaret çəkənlər üçün potensial motivasiya ola bilər.