“Alinazik”
Ərzaqlar:
Bişmiş badımcan – 3-4 ədəd
Dana əti – 300 qr.
Qatıq – 500 qr.
Sarımsaq – 3-4 diş
Su – 0,5 st
Tomat pastası – 1 x.q.
Kərə yağı – 1 x.q.
Qırmızı və qara istiot, duz zövqə görə
Hazırlanması:
Əvvəlcə badımcanı közdə bişirin. Qabığını soyub, xırda doğrayın. Sarımsaqları sürtgəcdən keçirib, qaba tökün. Üzərinə süzmə qatıq töküb qarışdırın. Üzərinə badımcanı əlavə edin. Əti tavaya qoyub, azca su töküb qapağını örtün. Yumuşalana qədər bişirin. Bişəndən sonra içərisinə yağ, tomat pastası töküb qarışdırıb, yarım stəkan ilıq su tökün. İstiot əlavə edib yenidən bişirin, sonda duz tökün. Badımcanlı qatığı boşqaba töküb, bişmiş əti əlavə edib, süfrəyə verin.
Balqabaq şorbası
Ərzaq:
500 qr. balqabaq
2 ədəd kartof
1 ədəd soğan
2 diş sarımsaq
1 ədəd qırmızı çili bibəri
200 qr. pomidor şirəsi
100 ml. qaymaq (20 % və ya çox )
3 xörək qaşığı zeytun yağı
zövqə görə üyüdülmüş muskat qozu
duz, istiot
üzəri üçün göyərti
Hazırlanması:
İlk öncə balqabağı yuyun, qabığını soyun və kub şəklində doğrayın. Kartofları da kub şəklində doğrayın. Soğanı da həmçinin eyni qaydada qabığını soyub kub şəklində doğrayın. Sarımsaqları və bibərləri xırda doğrayın. Tavada doğranmış soğan, sarımsaq və bibəri təxminən 3-5 dəqiqə zeytun yağında qovurun. Başqa bir qazanda suyu qaynadın. Qaynayan suya doğranmış balqabaq və kartofu tökün (su tərəvəzləri 1 sm örtməlidir). Orta odda 15 dəqiqə qaynadın. Qovurduğunuz soğan qarışığını qaynayan tərəvəzlərin üzərinə əlavə edin. Duz, istiot və bıçağın ucunda muskat qozunun tozunu əlavə edib daha 15 dəqiqə qaynadın. Qazanı ocaqdan götürün və süzün. Bişən tərəvəzləri blenderdə əzin. Tərəvəz püresini qazana tökün və süzdüyünüz tərəvəz bulyonunu da əlavə edib qarışdırın (və ya elə qazanda tərəvəzləri blenderdən keçirə bilərsiniz.) Şorbaya pomidor şirəsi və qaymaq əlavə edib qarışdırın. Orta odda daha 5 dəqiqə qaynadın və kasaya töküb süfrəyə verə bilərsiniz.
Qozlu keks
Ərzaqlar:
Ymurta – 6 ədəd
Şəkər tozu – 1 st.
Duru yağ – 1 st.
Vanil, qabartma tozu 1 ədəd
Un – 1st.
Mannı – 1 st.
Əzilmiz qoz – 1 st.
Şərbət üçün:
2,5 st. şəkər tozu
4 st. su
1 dilim limon
Bəzəmək üçün:
Qaymaq və hind qozu
Hazırlanması:
Əvvəlcə şərbəti hazırlayıb, kənara qoyun. Kənarda yumurtanı mikserlə qarışdırıb, üzərinə şəkər tozunu tökün. Bir az qarışdırdıqdan sonra duru yağ, vanil, qabartma tozu, mannı, un və qozu töküb qarışdırın.
Xəmiri yağlanmış qaba töküb, 150 dərəcə isidilmiş sobada 40 dəqiqə bişirin. Bişdikdən sonra 10 dəqiqə saxlayıb, üzərinə şərbət tökülür. Süfrəyə verərkən yanına qaymaq qoyulur, üstünə hind qozu səpilir