Rusiya Prokurorluğu Tula  vilayətinin Yefremov şəhərindən övladını tək böyüdən Aleksey Moskalyova iki il müddətinə həbs cəzası istəyib.

 

Kişi "Odnoklassniki" sosial şəbəkəsindəki şərhlərində "Rusiya ordusunun nüfuzdan salınması" ilə bağlı ittiham edilir. Moskalyov öz günahını etiraf etmir.

 

Moderator.az xəbər verir ki, bu barədə "meduza.io" nəşri məlumat yayıb.

 

Məlumatda deyilir ki, məhkəmə iclasına Rusiyanın Ukraynaya hərbi müdaxiləsini dəstəkləyən "Plamya" ictimai təşkilatının nümayəndələri və yerli sakinlər gəlib. Onlar Moskalyovu pisləyib. 

 

Bələdiyyə deputatı Olqa Podolskaya güman edir ki, onları məhkəməyə qəsdən gətiriblər ki, müttəhimə təzyiq edilsin, hərçənd, ona dəstək verən qrup məhkəmə zalına buraxılmayıb.

 

2022-ci ilin yazında o, Rusiya Federasiyası Silahlı Qüvvələrinin "nüfuzdan salınmasna" görə artıq cərimə edilib.  Moskalyov iddia edir ki, onun mühakimə edilməsinə səbəb olan postları o, deyil, bədxahları yazıb, öz səhifəsi isə dağıdılıb. 

 

Özünün son sözündə Aleksey Moskalyov bəyan edib: "Zalda olanların 90 faizi Ukraynada müharibənin əleyhinədir. Ölümlərə necə yanaşmaq olar ki? Mən təhqirlər yazmamışam, o səviyyəyə enməmişəm".

 

Moskalyova bu gün, martın 28-də hökm elan ediləcək.

 

Aleksey Moskalyovun ordunun nüfuzdan salınması ittihamı işi ilə paralel olaraq onun valideynlik hüquqlarının məhdudlaşdırılması işinə də baxılır.

 

Ötən ilin yazında qızı Moskalyova Mariya dərsdə bir rəsm çəkib, orada Rusiya bayrağı tərəfdən Ukrayna bayrağı və uşaqlı qadına tərəf raketlərin uçması təsvir edilib. Qız rəsminin altında bu sözləri yazıb:

"Mən müharibənin əleyhinəyəm".

 

Məktən direktoru buna görə polis çağırıb. Ertəsi gün qızı dərsdən çıxarıb atası və qəyyumluq xidməti ilə birlikdə bölməyə aparıblar.

 

Daha bir gündən sonra FTX əməkdaşları Maşa ilə söhbət aparmağa gəlib. Bundan sonra yenidən polisin gəlməsi qorxusundan qız məktəbə getməkdən imtina edib.

 

"Aleksey Mariyanı tək tərbiyə etdiyindən o, həbs ediləcəyi halda körpənin kimsə ilə qalmağa imkanı olmadığından məhkəmənin qərarı ilə 99, 9 faiz ehtimalla qızcığaz reabilitasiya mərkəzində saxlanılacaq, sonra uşaq evinə veriləcək", - bunu Moskalyovun vəkili Vladimir Bilenko "Aqentstvo" nəşrinin jurnalistlərinə deyib.

 

Moskalyov tək valideyn kimi hökmün təxirə salınması ilə bağlı vəsatət qaldıra bilər, Bilenko hesab edir. Lakin CPK-nin 398-ci maddəsinə görə, hökm yalnız həddi-buluğa çatmayan uşağın 14 yaşı tamam olduqda təxirə salına bilər, Mariyanın isə 13 yaşı var.

 

"Prokurorluğun Tula vilayətinin sakini Aleksey Moskalyovun iki il müddətinə həbs tələbi Rusiyanın ən yeni tarixində hakimiyyətin siyasi maddə ilə ittiham edilən doğma valideyndən övladının alınması ilə bağlı ilk hal ola bilər.

 

Rusiyada siyasi mülahizələrə görə 40 ildir ki, övladlar validenlərdən alınmır, lakin belə praktika SSRİ dönəmində olub", - "Aqentstvo" qeyd edir.

 

Övladlarından ayrılma Stalin dönəmində "xalq düşmənləri"nə münasibətdə repressiyaların mühüm alətlərindən olub.

 

1937-ci ilin avqustundan 1939-ci ilin yanvarınadək SSRİ-də 25 mindən artıq "xalq düşmənləri"nin 15 yaşınadək övladları ailələrindən ayrılıb.