Ümid Partiyası sədrinin İnformasiya və Mətbuat üzrə müavini Elman Abbasov 17 sentyabr konfransının əhəmiyyətini azlatmaq cəhdində bulunanlara Moderator.az-a göndərdiyi müəllif yazısı ilə cavab vermək istəyib:
"Sentyabrın 17-də “Siyasi Partiyaların Demokratiya və İnsan Haqqları Mərkəzi “Azərbaycanda demokratiyanın vəziyyəti” mövzusunda geniş konfrans keçirib. Konfransda Ümid,Müsavat, KXCP, ADP və digər müxalifət partiyalarının təmsilçiləri, və qonaqlar iştirak edirdi. Demək olar ki, ADP-nin konfrans zalı dolmuşdu. Repressiyaların. dikaturanın qarşısını almağın yolları, siyasi məhbusların azad olunması yönündə müzakirə və təkliflər səsləndirildi. Konfransdan dərhal sonra bəziləri ənənəvi olaraq öz köhnə xasiyyətlərini işə salmağa başladılar. FB-də kimisi kiminsə peşəsinə rişxəndlə yanaşır, kimisi keçmişi qurdalayır, bir çox hallarda isə şəxslər haqında aşağılayıcı ifadələr işlədilir. Bir sözlə, bəzilləri dəridən-qabıqdan çıxırlar ki,bu tədbiri gözdən salsınlar, orada toplaşan siyasi partiya liderləri arasında yaranan az-çox səmimiyyəti gərginləşdirsinlər. Təssüf ki, bu qrupun sırasında hörmət etdiyim jurnalistlər, siyasətdə az-çox tanınmış partiya funkisonerləri sayılanlar da var. Ona görə təəssüf edirəm ki, onlar hakimiyyətə, Azərbaycanın demokratikləşməsinə iddialıdırlar.Unudurlar ki, bəzən yazdıqları,sərgilədikləri tövr və davranışları belə siyasi proseslərə ziyan vurur.Yazdıqlarını 5-10 nəfər öz ətrafında olan bir qrup ya bəyənir və ya şərhləri ilə züy tutur, öz ailəmlərində FB- də qəhrəmanlıq edirlər. Amma undurlar ki, onların yazdıqlarını minlərlə insan oxuyur və qiymət verir. Hansı ki, onların arasında düşərgəsindən, mövqeyindən asılı olmayaraq savadlı və ziyalı insanlar da var. Didişmələr, biri-birini gözdən salma kampaniyası xalqı prosesdən kənar saxlayır. Yaddan çıxarırlar ki, bu dağınıqlıq və dağıdıcılıq, şəxsi ambisiyalar yalnız hakimiyyətin xeyrinə işləyir.
Repressiyaların tüğyan etdiyi,
avtoritarlıqdan dikturaya keçidin baş verdiyi
bir zamanda bizim dost, tərəfdar itirən, düşmənçilik edən, söz
güləşdirən vaxtımız deyil. Bizimlə
olmayan, fərqli düşünən, fərqli mövqe sərgiləyənlər bizdən deyil, satqındır, düşməndir xəstəliyi ilə bu hakimiyyət bəzilərini
yoluxdurub. Ya.. qardaşım, demokratiya bir açılımdır,
demokratik cəmiyyət qurmaq istəyirsənsə proses aparmalısan, xalqla işləməlisən,
xalqı proseslərin içinə qatmalısan. Yoxsa”¦ diktauranın, avtoritarlığın əleyhinə
çıxıb, avtoritarlıq etmək nə demək? Bəziləri
insanlara "inkubator" kimi baxırlar. Hər kəs bir olmalı, eyni
düşünməli, hər şeyə eyni pəncərədən baxmalıdırmı? Buna insanlar borcludurlarmı
? Hər kəsin hadisələrə, proseslərə fərqli yanaşması, fərqli düşüncəsi, fərqli
baxışı ola bilər. Hər kəsin daşıya biləcəyi bir yük var. Apara biləcəyi qədər yük
apara bilər, hərə bir formada demokratikləşməyə töhfə verə bilər.
Bu çətin, incə uzun yolda gələnlər də olacaq,
gedənlər də,yorulub yolda qalanlar da... Adamlar mitinqə çıxaraq tutulur,
qəhrəmandır, sonra içəridə ərizə yazmağa məcbur ediləndə “sındı”
deyirlər. İllərini bu hakimiyyətlə mübarizəyə həsr edən, illərlə həbs yatan, məhrumiyyətlərə,
təzyiq və təqiblərə məruz qalan insan onlarla olanda qəhrəman edirlər, günün
birində istefa verib gedəndə, onlardan ayrılmaq qərarı verəndə səbəbini belə aramadan satqın damğası vurmağa
çalışırlar. Haqlarında söyüş təhqir, aşağılayıcı ifadələr, istehza, lağ və s. işlədirlər. Kimisi
özünü, kimisi digərlərini radikal, liberal, müxalifət yönlü, iqtidar yönlü adlandırır. Əslində
Azərbaycan müxalifətini iki yerə ayırmaq daha doğru olar, söyüş söyənlər və
söyüş söyməyənlər.
Yenə də
özündən müştəbeh olan birinci qrupa daxil olanların məntiqinə qayıdıram.
Bir zaman bu hakimiyyətin möhkəmlənməsində,
avtoritarlığın hokm sürməsində müstəsna xidmətləri olub,sonradan pay ala bilməyərək
küskün düşən-parlamentdə təmsil olunarkən beynəlxalq tribunlarda siyasi
məhbuslar haqqında, "Azərbaycanda siyasi məhbus yoxdur. Onlar hamısı
cinayətkardır” deyənlərlə,vaxtı ilə mitinqləri dağıdanlarla, dünənə kimi
hakimiyyətin dostu olub hər addımda ona tərif və şəninə sağlıq deyənlərlə bir
cərgədə olmağı sizin məntiqinizlə necə
adlandıraq?
Siyasət
bir elmdir, dəqiq hesablamalara əsaslanır. Dünyada gedən qlobal
dəyişikliklər,baş verən proseslər nəzərə alınmalı, beynəlxalq güclərin, region
və qonşu dövlətlərin, eyni zamanda xalqın maraqları unudulmamalı və buna uyğun
siyasət yürüdülməlidir.
Prosesləri aparmaq, proses yaratmaq siyasilərin
bilavasitə işidir. Lakin bir neçə ildir ki, bəzi özündən razı siyasilər yalnız
müstəqil jurnalist araşdırmaları ətrafında diskussiyalar açmaqla gündəmdə
qalmağa çalışır, beynəlxalq insan
haqları təşkilatlarının hesabatlarına istiqamətli açıqlamalar verilir, hətta
illərdir beynəlxalq təzyiqlərin artığı, sərt hesabatların açılqlandığı bir dönəmdə hakimiyyətə ciddi zərbə deyərək,
hakimiyyətin dəyişəcəyinə ümid edirlər.
Və illər keçir, ancaq vəziyyət
dəyişmək əvəzinə daha da pisləşir.
Dünəndən
etibarən isə Avropa Parlamentində
Azərbaycanda insan haqları və demokratiyanın vəziyyəti ilə bağlı qətnamə
layihəsini müzakirə etməyə başlayıblar. Qətnamə ilə, onun müzakirəsi ilə işimiz
yoxdur.Yerində və obyektiv bir qərar olduğunu hesab etmək olar.
Amma yenə bir məsələni vurğulamaq istəyirəm ki, qalib olmaq üçün yürüdülən daxili və xarici siyasət vəhdət təşkil etməli, maraqlar uzlaşdırlmalıdır. Beynəlxalq təzyiqlərin artığı bir zamanda daxildə proses getmirsə, hakimiyyətə qarşı ciddi müqavimət yoxdursa, müxalifətdə qarşılıqlı ittihamlar hokm sürürsə, demək ki, faydalı iş əmsalı çox aşağı düşür. Əgər dünyada və regionda baş verən prosesləri, böyük güclərin maraqlarını nəzərə alsaq olsa-olsa siyasi məhbus və insan haqları sahəsində bir az hakimiyyətin güzəştə getməsini gözləmək olar. Qələbə üçün isə dəyişmək lazımdır, həm də dəyişikliyə özümüzdən başlamalı, siyasətin ritorikası dəyişilməli, müxalifətin müqavimət gücü artırılmalı, xalqı prosesə qatmaq üçün bütün imkanlardan istifadə olunmalıdır. Əks təqdirdə nə Avropası, nə də Amerikası bizim əvəzimizdən Azərbaycanı dəyişəsi deyil, cənablar!..