Rüstəm
Behrudi: “Mən bu qurumun buraxılmasının tərəfindəyəm”
İyunun
17-də Azərbaycan Yazıçılar Birliyinin qurultayı keçiriləcək və hamı maraqla bu
quruma növbəti dönəm üçün kimin rəhbərlik edəcəyini gözləyir.
Moderator.az
cəmiyyətin bu barədə nə düşündüyünü test etmək üçün bir sıra yazı-pozu adamının
mövqeyini öyrənməyi lazım bilib. Onların fikirlərini təqdim edirik:
Öncə fikirlərini öyrəndiyimiz ünlü şair Rüstəm
Behrudinin ümumiyyətlə Yazıçılar Birliyini görməyə gözü heç yoxuymuş. Sualımızı
eşidər-eşitməz bildirdi ki, bu qurumu yerli-dibli ləğv etmək lazımdır. Onu
israrla dilə tutduq ki, bunun hələlik mümkün olmadığı ortada. O zaman sizdən
soruşsalar ki, kimin namizədliyini irəli sürərdiniz, o zaman cavabınızı bilmək
maraqlı olardı, cavab verdi ki, Sabir Rüstəmxanlının...
Elşad
Paşasoy:”Anarın sədrlik postuna bu qədər bağlı olmasını normal saymıram”
“Öncə
xahiş edərdim dəyərli yazıçımız Anar nəhayət, ictimai rəyi nəzərə alaraq öz
namizədliyini geri götürsün. Şəxsən mən ömrünün ağsaqqal yaşında ona ünvanına
ömürlük sədrliklə bağlı səsləndirilən bunca ittiham və iradları yaraşdırmıram.
Gənc nəsil yazıçılarının Anarı inkarçılıq xəttini qəbul etmədiyim kimi, Anarın
da sədrlik postuna bu qədər bağlı olmasını normal saymıram. İstərdim ki,
qurultayda Anar bəy sədrliklə vida çıxışı yapmaq cəsarəti göstərsin və elə növbəti
varisini də özü elan edib dəstək istəsin. Məncə, bu postda onu əvəzləyəcək dəyərli yazıçılar az deyil, məsələn,
Ramiz Rövşən, Seyran Səxavət, yaxud
Sabir Rüstəmxanlı...”
Əhməd Şahidov: “Yazıçılar Birliyi premiya, ev və digər
mükafatların verilməsi üçün mövcuddur”
“Məncə,
ümumiyyətlə Yazıçılar Birliyi adlanan quruma ehtiyac yoxdur. İnkişaf etmiş
Avropa ölkələrinin heç birində belə bir mexanizm yoxdur, sadəcə dərnəklər və cəmiyyətlər
mövcuddur ki, ayrı-ayrı şair və yazıçılar həmin dərnəkdə birləşib müzakirələr
aparırlar. Yazıçılar Birliyi isə sanki dövlət qurumu kimi fəaliyyət göstərir.
Şair və ya yazıçını dövlət idarə elədisə, onda hansı ədəbiyyatdan, müstəqil
fikirdən və ümumiyyətlə yaradıcılıqdan söhbət gedə bilər?!
Düşünürəm ki, yazıçı, şair - fikir adamı tam müstəqil
olmalıdır, doğru bildiyi ideyanı yaşadıb yaratmalıdır və cəmiyyətə öz töhfəsini
verməlidir. O zaman əsl ədəbiyyat meydana gələ bilər. Azərbaycanda Yazıçılar
Birliyi əsasən premiya, ev və digər mükafatların verilməsi üçün mövcuddur. Bir
sözlə, gərək yazıçı, şair ələ baxan olmasın. Elə bir ömür yaşasın və elə bir əsərlər
ortaya qoysun ki, xalq onu sevsin və yaşatsın!”
Əlövsət Əliyev: “Mən o qurumu dərhal ləğv edərdim”
Heydər Oğuz: “Yazıçılar Birliyi ona rəhbərlik edənlərinözəl mülkiyyətindən qurtulmalı, yazarların öz ixtiyarına verilməlidir”
Hesab edirəm ki, Yazıçılar Birliyi kimi
qurumların dövlət tərəfindən dəstəklənməsi müsbət haldır. "Dünyada
belə qurum yoxdursa, bizdə də olmamalıdır" məntiqi yalnışdır. Keçmiş sovet
hökumətindən qalan bir sıra qurumlar var ki, onların müasir standartlara uyğun
olaraq islah edilərək yaşadılması vacibdir. Yazıçılar Birliyi də belə
qurumlardandır. Sadəcə, dövlətin müəyyən maddi yardım edərək yazıçıları
yaradıcılığa təşviq etməsi mənfi yöndə istifadə olunmamalıdır. Yazıçılar Birliyi
ona rəhbərlik edənlərin özəl mülkiyyətindən qurtulmalı, yazarların öz
ixtiyarına verilməlidir.
O ki,
qaldı Anarın sədrliyinin davam edib- etməməsi məsələsinə, məncə Azərbaycan ədəbiyyatına
öz imzasıyla töhfə vermiş bu adam artıq yükə çevrilmədən hələ uzun illər əvvəl
özü öz xoşluğuyla xələfini seçsəydi,
daha gözəl olardı. Nə yazıq ki, kreslo sevgisi onu bu addımı atmaqdan
uzaqlaşdırıb, yazıçılıq nüfuzuna ciddi xələl
gətirib. Daha
artıq öz nüfuzunu xərcləmədən AYB sədri
nəhayət, ictimaiyyətin böyük səbrsizliklə
gözlədiyi bu işi yerinə yetirməlidir.
Birliyin yeni sədrinin Rəşad Məcid olacağı haqqında mətbuata
sızdırılan informasiyaların reallaşmasını arzulardım. Baxmayaraq ki, Rəşad Məcidi şəxsən tanımıram,
yaradıcılığı barədə də geniş informasiyam yoxdur. Onun sadəcə siqaretə yazdığı
bir şeirini oxumuşam və bəyənməmişəm. Buna baxmayaraq daha gənc bir adamın
AYB-yə rəhbərlik etməsi gənclərin önünü aça bilər. AYB yenidən qaynayar,
durğunluq dövrü yaşayan ədəbi mühitimiz yenidən canlanar. Bu mənada nəinki Rəşad
Məcidin, hətta hər hansı yoldan ötənin belə Anarı əvəz etməsini daha
effektli hesab edirəm.”
