Bu yaxınlarda uşaqlıqdan oğlu namaz qılan dostlarımdan biri ilə bir saata qədər çəkən görüşümüz oldu. Həmin müddətdə dostum 22 yaşlı oğluna iki dəfə zəng etdi. Sonra isə üzr istəyərək bildirdi: “oğlum Məmməd 15 yaşından islamla ciddi maraqlanır, namaz qılır, oruc tutur, islamı öyrənmək üçün ona normal bir yer və ya müəllim tapa bilmədim. Son zamanlar tanımadığım müxtəlif görkəmə malik tanışlarının sayı çox artıb, özü də günün yarısını itaətlə keçirməyə başlayıb. Mən də yaman qorxuya düşmüşəm birdən oğlanı yoldan çıxarıb harasa apararlar. Dostumun narahatçılığı mənim də daxilimdə bir qorxu yaratdı, bu qorxu təkcə fərdlərə və ayrı-ayrı ailələrə görə deyil bütün Azərbaycana təhlükə yaratdığından içimdə hər gün böyüməkdə davam edir.
Bir
zamanlar uşaqların namaz qılmasına, oruc
saxlamasına çox rahat olardıq ki, bu uşaq ən azından narkotikə və spirtli içkiyə
aludə olmayacaq. İndi isə islamı bu bəlalardan biri kimi,
bəlkə də daha təhlükəli görməyə başlayırıq və uşaqlarımızı ondan
qorumağa başlamışıq. Niyə bu vəziyyət yaranıb Azərbaycanda?
Bu sahədə
yaranmış vəziyyətə diqqəti yönəltmək üçün bu yazını hazırlamaq qərarına gəldik
və islamın din adamları ilə xristianlığın, iydaizimin din adamlarını, eyni
zamanda kilsələr və sinaqoqlara məscidlərin
fəaliyyətini müqayisə etməyə qərar
verdik.
Mövcud vəziyyət haqqında
Dünyəvi
dövlətlərdə dinin dövlətdən ayrı fəaliyyət göstərməsinə baxmayaraq bütün
ölkələrdə onun müstəsna rolu davam etməkdədir. Bütün dünyada dini bayramların
iş günləri hesab edilməməyi buna nümunədir. Artıq illərdir ki, Azərbaycanda
Qurban və Ramazan bayramları da rəsmi dövlət bayramı kimi qeyd edilir.
Bunun
başlıca səbəbi ölkədə olan bütün hüquqi və fiziki şəxslər o cümlədən
dini qurumların da eyni zamanda dövlətçiliyə xidmətinin zəruriliyi ilə bağlıdır.
Din, və
ya inam
beşikdən başlamaqla son mənzilə kimi
hər bir insanın mənəvi inkişafında müstəsna rol oynayır. Hər kəs hətta
özünü ateist hesab edənlərin əksəriyyəti daxilən onun hər hansı qüvvə tərəfindən qorunduğunu
hiss edir və bunun üçün hər hansı bir formada kiməsə daxilən də olsa dualar
edir.
Azərbaycanda
dövlətçiliyin, maddi və mənəvi dəyərlərin formalaşması və inkişafından da
islamın müstəsna rolu olub. O da inkar olunmur ki, islamı dəyərlər bəzi
ölkələrin inkişafına uyğun olaraq yeni biliklərin əldə olunmasına görə
evalyusiya ilə dəyişir və inkişaf
edir.
Din və
dövlət insanların genetik yaddaşının itirilməsinə, imanın azalmasına və
dövlətçiliyin inkişafına, ölkədə mövcud olan
islama xələl gətirən və Azərbaycan vətəndaşlarının qanunsuz hərbi
birləşmələrə cəlb olunmasına, daha
sonra isə məhvinə səbəb olan halların yaranmasına imkan verməli deyil.
Fətullah
Gülənün fəaliyyəti ilə müqayisədə ölkədə
daha ağır nəticələrə səbəb olan, insanları məhvə aparan, cihadı təbliğ edən
təriqətlərin Azərbaycanda yayılmasının arxasında duranlar hakimiyyət
təmsilçilərinə təbii, bəllidir. Lakin bu zərərli və qanunsuz fəaliyyətə görə
məsuliyyətə cəlb olunmayacaqlarını Fətullanın adamları kimi ən pis halda bir
pillə aşağı vəzifəyə təyin olunacaqlarını yaxşı bilirlər və buna görə də
fəaliyyətlərini davam etdirməkdədirlər. Bir necə cinayət işi nəzərə alınmasa
onlara qarşı davamlı və effektli
mübarizə mövcud deyil.
Azərbaycanda
hakimiyyət Dalıq Qarabağla bağlı bir
sıra ölkələrdən dəstək almaq üçün bəzi
ölkələrin Azərbaycanda hətta zərərli dini cərəyanları və ya təriqətləri yaymasına
göz yumur. Ölkənin korrupsiya
meydançasına çevirənlər heç dinin cəmiyyətin inkişafında rolu ilə bağlı
məsələləri də gündəmə gətirmək niyyətində deyil, əksinə bu kimi hallardan
istifadə etməklə xaricdən dəstək alır və
hakimiyyətin ömrünü uzatmağa üstünlük verir. Dini liderlərinin də
insanları məhvə sürükləyən bu kimi halların qarşısının alınmasında maraqları
hiss olunmur.
Ölkədə
islamın və məscidlərin cəmiyyətin inkişafında rolu
haqında dəqiq təsəvvür yaratmaq üçün,
məscidlərin fəaliyyətini kilsələr,
monastırlar və sinaqoqlar, müqayisə etməyə qərar verdik.
Dövlətçiliyin
inkişafında dinin rolu
İsrailin
Yəhudi Miqrasiyası üzrə Naziri Natan Şarinskiy sinaqoqların fəaliyyətini belə qiymətləndirib: “İsraildə sinaqoqlar
dağıdılanda, yəhudi ağsaqqallarının vəzifəsi yəhudi xalqının və dövlətçilik ənənələrinin qorunub
saxlanılmasını təmin etməkdən ibarət idi. O zaman qərar verdilər ki, istənilən yerdən (adi yaşayış evləri və mənzilləri nəzərdə
tutulur) məbəd kimi istifadə oluna bilər.
Beləliklə, yəhudi icmalarının olduğu hər bir yer tədricən allah evlərinə
çevrildi və Sinaqoqları əvəz etdi. Hər gün
səhər, günorta və axşam ibadət etməli olan yəhudilər allah evlərinə
yaxın ərazilərdə olmağa və yaşamağa
çalışdılar. Bu da 2 000 ilə yaxın
müddətdə yəhudi xalqının yığcam
yaşamağına və bununla da qorunub saxlanılmağına, məhv olmamağına Yerusəlimi unutmamağına səbəb oldu”.
Bəllidir ki, yəhudilər 1897 ildən sonra yenidən Yerusəlimə döndülər.
Məhz İsrailin din xadimlərinin təkidi və dəstəyi ilə 1897 il
yəhudilər sinaqoqlarda aşağıdakı
məzmunda dualar edirdilər.
“Yerusəlim,
əgər səni unutsam, sağ qolum dibindən qurusun, qoy dilim qırtlağımda ilişsin və
donsun, Yerusəlim, and içirəm ki, mən səni bütün kainatın baş tacına çevirəcəyəm”. Və sonda
buna nail oldular. Bu qayıdışın əsas təşkilatçıları sinaqoqlar və onları qoruyan din xadimləri idi. Göründüyü kimi İsrailin
mövcudluğunda, dövlətçiliyinin inkişafında
din xadimlərinin və dindarların müstəsna rolu olub.
Buna oxşar
çoxlu misalları həm də kilsələrlə bağlı da demək mümkündür.
Məscidlər. Bəs
bizim din xadimlərimiz işğal altıda olan Yerusəlimdən daha qiymətli ərazilərimizin
azad olunması üçün bizə hansı andları və duaları öyrədib. Yoxsa Şəhidlərimizin ruhuna salavat çevirməklə vətənpərvərliyin
təbliğ başa çatmış hesab olunur. Niyə
unudurlar ki “Salavat deməklə donuz zəmidən çıxmaz”.
Turizm və din
Kilsələrin
turizmin inkişafında müstəsna rolu var. İlk olaraq Almaniyanın Şimali
Reyn Vestfaliya vilayətində yerləşən Köln şəhəri
və həmin şəhərdəki kilsə haqqında məlumat vermək istəyirəm. Köln Almaniyada əhalisinin sayına görə 4-cü, ərazisinə görə isə 3-cü böyük şəhərdir. Bu şəhərə gələn
turistlərin demək olar ki hamısı Köln
kilsəsinə baş çəkmək üçün gəlir.
Qotika üslubunda tikilən Köln kilsəsi dünyanın ən hündür kilsələri arasında
üçüncü yeri tutur. Kilsənin tikintisinə 632 il
(1248-1880) vaxt sərv olunub. Kilsənin ziyarətinə hər il təxminən 7 milyona yaxın turist gəlir. Bu isə Kilsə haqqında təkcə çap əhsullarının
satışından əldə olunan gəlir kilsənin
xeyriyyəçilik fəaliyyəti ilə məşğul olmasına bəs edir.
Vatikanda
yerləşən Müqəddəs Pyotur kilsəsinə hər il 5 milyon turist tərəfindən ziyarət olunur. Bu siyahını kifayət qədər uzatmaq mümkündür.
Afinanın yaxınlığında yerləşən Nea Marki kəndində Müqəddəs Efremin Monastırı yerləşir. Yaxın zamanlara
kimi bu monastır haqqında hətta monastırın
yerləşdiyi ərazilərdə də bilənlər çox az
idi. 1950-ci ildən başlayaraq yunanlar
arasında bu Monastır tanınmağa başladı. Hazırda təkcə Yunanıstandan deyil,
dünyanın demək olar ki bütün ölkələrindən bu monastıra ziyarətə gəlirlər.
1950-ci ildən bərpasına başlanmış bu monastır ən çox ziyarət olunan məkanlardan
birinə çevrilmişdir. Turizmin inkişafı
səbəbindən indi həmin kənd Yunanıstanın ən inkişaf etmiş yaşayış
məntəqələrindən birinə çevrilib.
Sinaqoqlar provaslavların və katoliklərin
məbədləri ilə müqayisədə arxitektura baxımından daha az bəzəkli olsa da turizmin inkişafında əvəzsiz rola malikdir. İsrailin
bütün sinaqoqları barədə turistlər
istənilən yerdən informasiya almaq imkanına malikdirlər. İsraildə turizm məhz
dinin və sinaqoqların dəstəyi ilə dövlət büdcəsinə ən çox gəlir gətirən
sahələrdən birinə çevrilmişdir.
Eyni misalları dünyanın müxtəlif
ölkələrində mövcud olan kilsələr haqqında demək mümkündür. Qonşu Gürcüstana gələn turistlərin 80 faizindən çoxu məhz dini abidələrin ziyarətinə gələnlərdir.
Azərbaycanda
turistlər cəlb edən məscidlər
və ya kilsələr olsa da onların ziyarətini
təmin edən təbliğat mexanizmi mövcud deyil.
Azərbaycanda
məscidlər haqqında bələdçi rolunu oynayacaq bukletlər belə mövcud deyil.
Xeyriyyəçilik fəaliyyəti
Kilsələr
Bəzi
ölkələrdə dini inanca malik olan insanlar siyahıya alma zamanı anketdə rəsmi
olaraq dini inancı haqqında məlumat göstərdikdən sonra kilsəyə vergi ödəməli
olur. Həmin şəxslərin gəlirlərindən
tutulan məbləğin bir hissəsi
dövlət büdcəsinə deyil kilsələrə köçürülür. Bu pulla çoxsaylı sosial
layihələr maliyyələşdirilir. Uçaq bağçalarının
saxlanılması, qocalar evinin maliyyələşdirilməsi, fiziki qüsuru olanların himayəsi, yaşayış yeri olmayanlara
müvəqqəti sığınacağın verilməsi,
ehtiyacı olanların pulsuz
ərzaqla təmin olunması, hamilə xanımlara, sosialda qeydiyyatda olan digər şəxslərə
maliyyə yardımının göstərilməsi, dəfn xərcləri, dəfn yeri ilə təmin etmə
halları da kilsələr tərəfindən təmin olunur.
Məscidlər. Məscidlərin Azərbaycanda xeyriyyəçilik fəaliyyəti
ilə bağlı məlumat əldə edə bilmədik.
Əslində Azərbaycanda hər ailədən
məscidlərə nağd şəkildə verilən nəzirlər
və ya nəzir qutularına salınan
pullar Almaniyada gəlir vergisindən kilsələr üçün tutulan vergilərdən dəfələrlə
çoxdur. Lakin o pulların haraya xərclənməsi
və kimlərə tərəfindən xərclənməsi bəlli deyil. Ümumiyyətlə şəffaflığın təmin
olunması üçün məbləğindən asılı olmayaraq nəzir qutularına ictimai nəzarət
yoxdur.
Məscidlərdəki
nəzir qutularına ictimai nəzarət yoxdur, bu azmış kimi məscidlərimizdə yas mərasimləri
ilə bağlı şadlıq saraylarına bənzər menyular var.
Bu kimi
hallar isə insanlarda tarixən ölkədə
olan təriqətlərə, tanıdığımız islam dininə düzgün olmayan münasibət aşılayır.
Beləliklə, Azərbaycanda özünə dəstək qazanan
yeni təriqətlər isə bu münasibətdən
yararlanaraq insanları sürətlə əsl islamdan uzaqlaşdırırlar. Bəzən düşünürsən
ki, bəlkə bizim din xadimləri hər il iki dəfə
əksəriyyəti harınlamış dövlət adamlarına ehsan verməyi bəlkə xeyriyyəçilik
hesab edirlər?
Maarifçilik fəaliyyəti
Kilsələrin əksəriyyətində şəffaf şəkildə kitabxana, bazar günü məktəbləri, Gənclər üçün kompüter otaqları,
müxtəlif musiqi qrupları fəaliyyət göstərir
və bütün bunlar eyni zamanda dövlətçiliyin inkişafına xidmət edir. Bununla
yanaşı Almaniyada orta məktəblərdə din xadimlərinin tövsiyəsi ilə hazırlanmış proqram üzrə dinlər haqqında
xüsusi dərslər keçirilir. Dərslər dini inancı olmayanlara və başqa dinlərdən
olanlara da tədris olunur.
Sinaqoqlar
Maliyyə imkanlarından asılı olmayaraq bütün
icma üzvlərinin uşaqlarını sinaqoqlar 3 yaşından başlayaraq təhsilə cəlb edir
ki, 6 - 7 yaşlarında onlar sərbəst şəkildə
Tövratı oxuya bilsinlər. Ona görə də İsraildə demək olar ki, təhsildən kənarda
qalan şəxs yoxdur. Azərbaycandaki sinaqoqlarda eyni fəaliyyəti həyata keçirirlər.
Azərbaycan Məscidlərində nələr tədris
olunur, mollaların əhalinin maariflənməsində fəaliyyəti nədən ibarətdir və
ya məktəblərimizdə islam kifayət qədər tədris
olunurmu? Orta məktəblərdə bütün dinlər haqqında o cümlədən islam tarixi
haqqında şagirdlərə bilgilər verən normal təhsil proqramları nə zaman
hazır olacaq?
Diaspora və din
Sinaqoqlar
Sinaqoqlar
yəhudi icmasının dünyada planlı şəkildə
yayılmasında və tanınmasında həmişə mərkəzi
qərargah rolunu oynayıb. Sinaqoqlar bunun üçün maliyyə vəsaitlərinin toplanması
və xərclənməsinə, kommersiya fəaliyyətlərinin genişlənməsində aparıcı olub və
bu gün də bu fəaliyyət davam etməkdədir.
Eyni vəziyyət kilsələrə və monastırlara da
aiddir. Azərbaycanın Diasporla iş üzrə
Dövlət Komitəsinin fəaliyyət planında isə məscidlərlə işlə baglı belə bir bənd
mövcud deyil.
Kilsələrin və
sinaqoqların insan hüquq və azadlıqlarının qorunması sahəsindəki fəaliyyətləri haqqında daha geniş yazmaq
olardı. Lakin yuxarıda qeyd etdiyimiz kimi bu yazının məqsədi mövcud vəziyyətə
və problemlərə aidiyyəti təşkilatların və ya şəxslərin diqqətini cəlb etməkdən
ibarətdir.
Hesab edirik ki islamın Azərbaycandakı vəziyyətinə dair geniş
araşdırmalar aparılmalı, elmi konfranslar keçirilməli, elm, din, dövlət və
ictimai xadimlərinin iştirakı ilə mövcud vəziyyətə obyektiv qiymət verilməli və
niyə Azərbaycanda bəxtəvərliyini o dünyada axtaranların sayı artmaqda davam
edir, niyə mövcud təriqətlərdən qaçanların sayı artmaqdadır, niyə terror, müharibələr, korrupsiya, dəyişməz hakimiyyət, cihad çox
daha müsəlmanlar arasındadır, və onlarla
digər niyələrə cavab axtarılmalıdır.
Əks halda
dostumun qorxusunun əsaslı olmasının şahidi olar, onsuz da yaramaz məmurların qəzəbindən qoruya bilmədiyimiz və ya
çətinliklə qoruduğumuz övladlarımızı
zərərli təriqət təbliğatçılarının əlindən xilas edə bilməyəcəyik hörmətli xanımlar və cənablar!...