Prezident İ.Əliyev müharibə hazırlıqlarını tamamlamaqla siyasət meydanında bütün rəqiblərini mat vəziyyətində qoydu

 

Bu gün Müzəffər Ali Baş Komandan İlham Əliyevin 60 illik yubileyidir. Onun ölkəyə rəhbərlik etdiyi müddətdə Azərbaycan ən mürəkkəb problemi olan Qarabağ məsələsində BMT, Qoşulmama Hərəkatı, NATO, Avropa İttifaqı, Avropa Şurası, Türk Dövlətlər Təşkilatı, İslam Əməkdaşlaq Təşkilatı, İqtisadi Əməkdaşlıq Təşkilatı və s. tərəfindən Azərbaycanın maraqlarına maksimum cavab verən qərarlar qəbul edilməsinə nail oldu. 

 

Ali Baş Komandan İ.Əliyev xalqımızı ümumi ideya, prinsip və məqsəd ətrafında birləşdirməklə bərabər Azərbaycanın Ermənistan ilə mövcud olan Qarabağ münaqişəsi ətrafında danışıqlarda iştirak etməklə bərabər müharibə yolunu da heç bir zaman istisna etmədi və düşmən üzərində gələcək tarixi Qələbəmizi təmin etmək üçün ictimai-siyasi sabitliyə, milli inkişafa, müasir və istənilən döyüş vəzifələrini yerinə yetirməyə qadir olan Silahlı Qüvvələrin yaradılmasına nail oldu. 

 

Paralel olaq Azərbaycan bütün istiqamətlər üzrə sürətli inkişaf dövrü keçməklə bərabər Silahlı Qüvvələrin bütün təhsil sisteminin yenidən qurulması, güc strukturlarının texnika parkının müasir vasitələrlə yenilənməsi, mövcud olan vasitələrin modernlləşdirilməsi, yerli müdafiə sənayesinin yaradılması, sosial-siyasi sabitliyin qorunması istiqamətlərində ciddi nailiyyətlər əldə etdi. 

 

Ermənistan təxribatlarına cavab olaraq Silahlı Qüvvələrimizə verilən “İrəli” əmri arzularımızın gerçəyə çevrilməsi ilə nəticələndi. Prezident İ.Əliyev başladığı əks hücum əməliyyatını Vətən Müharibəsinə çevirməyi bacardı. Nəticədə 6 il ərzində Ermənistan tərəfindən işğal olunan əraziləri Silahlı Qüvvələrimiz cəmi 44 gündə azad edərək haqq etdiyi Qələbəyə nail oldu. Ardıcıl və məqsədyönlü siyasəti, üstün liderlik keyfiyyətləri, dərin zəkası, möhkəm siyasi iradəsi və uzaqgörənliyi Azərbaycan Prezidenti İ.Əliyevə, Silahlı Qüvvələrimizin qəhrəmanlığı sayəsində Qarabağ münaqişəsini Zəfər ilə başa çatdırmağa  imkan verdi. Prezident İ.Əliyev müharibə hazırlıqlarını məxfi şəraitdə tamamlayaraq Ermənistan Ordusunun darmadağın edilməsinə nail oldu və bu Zəfər ilə siyasət meydanında bütün rəqiblərini mat vəziyyətində qoydu. Döyüş əməliyyatlarına şəxsən rəhbərlik etməklə Azərbaycana son 200 ilin ən böyük Zəfərini bəxş edən Prezident İ.Əliyev 7 cəbhədə 7 düşmənə qarşı savaşan Müzəffər Ali Baş Komandan tutulunu Azərbaycan tarixinə qızıl hərflərlə yazdırdı.

 

Ali Baş Komandan İ.Əliyevin Silahlı Qüvvələrimizin silahlanmasında müasir silah sistemlərinə üstünlük verməsi, düşmən üzərində minuimal itkilərlə maksimum nəticə əldə etməklə dünyanın hərbi araşdırma mərkəzlərinin diqqətini Azərbaycana yönəldə bildi. İndi bütün dünya orduları Azərbaycan Əsgərinin döyüş imkanlarından, onun çətin iqlim və ərazi şərtlərində uğurla həyata keçirdiyi döyüş əməliyyatlarından bəhs edir. Hazırda qalib Azəbaycan Silahlı Qüvvələri “kütləvi PUA tətbiqi ilə təmassız müharibə konsepsiyasının” müəllifi kimi tanınır.

 

Məhz Prezidentimizin siyasi iradəsi, xalqımızın birliyi və Sialhlı Qüvvələrimizin qəhrəmanlığı sayəsində Şüşada dalğalanan üçrəngli bayrağımızın ən qısa zamanda Xankəndində qaldırılacağına inanıram. Hazırda Qarabağ və Zəngəzurda həyata keçirilən meqalayihələr təhlükəsiz şəkildə “Böyük Qayıdış” üçün sağlam fundament yaradır. 

 

Vətən Müharibəsində Silahlı Qüvvələrimizin əldə etdiyi möhtəşəm Qələbə sayəsində Azərbaycan xalqı 21-ci əsrin yeganə qalib xalqıdır. BMT qətnamələrini işğala məruz qalan ölkə tərəfindən ilk dəfə yerinə yetirən ölkə ünvanı da doğma Azərbaycanımıza aiddir. Bütün bunlara Ali Baş Komandan İ.Əliyevin xalqımız qarşısında əvəzsiz xidmətlərinin çox kiçik bir hissəsidir. 

Bu gün Müzəffər Ali Baş Komandan İ.Əliyevin 60 illik yubileyi olmasına baxmayaraq, Silahlı Qüvvələrimizi yenə yaddan çıxarmadı. Bütün güc strukturlarında xidmət edən şəxsi heyət ilə bərabər milyondan çox ailənin sosial məişət şəratinin yaxşılaşdırılması üçün çox sayda fərmaları ardıcıl olaraq imzaladı. Müharibədən sonra Prezident İ.Əliyev tərəfindən şəhid və əlillərlə bağlı imzalanan onlarla  fərman və sərəncam, dövlət başçısının bu həssas kateqoriyadan olan insanlarımıza və onların ailələrinə olan qayğısını nümayiş etdirir. Yaxın günlərdə veteranlara ödənilən 80 manat Prezident təqaüdünün və ehtiyatda olan zabitlərin də pensiyalarının artırılmasına aid fərmanın imzalanacağı da gözlənilir. 

 

Çox gərgin fəaliyyət proqramına baxmayaraq, daim hərçiləri, şəhid ailələrini, əlilləri, vetranları və hazırda xidmətdə olan hərbçiləri daim diqqət mərkəzində saxlayan Ali Baş Komandanımız İ.Əliyevi 60 illik yubileyi münasibətilə təbrik edirəm, ona fəaliyyətlərində uğurlar, möhkəm cansağlığı, uzun ömür arzu edirəm.