Gündəlik üzləşdiyimiz problemlər əsəb sistemimizə birbaşa təsir edir. Bu vəziyyətdən çıxmaq üçün isə kimisi meditasiya edir, kimisi isə təmiz havada sakitləşir. Bəzi insanlar isə sındırıb-dağıtmaqla əsəblərini çıxarır. Bunun üçün isə artıq ölkəmizdə xüsusi bir məkan- stress otağı mövcuddur.

 

Belə ki, “Kalimba-rage room” adlı stress otağının ideya müəllifi Günay Əliyeva Moderator.az-ın suallarını cavablandırıb.

 

- Stress otağını açmağa qərar verdiyim gün çox stressli idim və küçədə gedərkən insanların covid-19 virusuna görə necə əsəbi olduğunu hiss etdim. Sonra qarşıma stress otağı ilə bağlı bir videomaterial çıxdı, onu izlədim və düşündüm ki, Azərbaycanda da insanlar əsəb-stressdən əziyyət çəkirlər. Həmin videoda 10 nəfər rəfiqə stress otağına daxil olub hər bir şeyi sındırıb dağıdırdılar. Otaqdan çıxandan sonra çox xoşbəxt görünürdülər. Ona görə də qərara gəldim ki, stress otağını yaradım.

 

 

- Stress ünvanımız Təbriz Xəlilrza oğlu 21-də, Şahmat məktəbinin arxasında yerləşir. Bizə gələn insanlar adətən paralar, cütlüklər, yaxud sevgilisindən ayrılanlar, həyat yoldaşından boşananlar olur. Boşanandan sonra bizdə toy şəkillərinin çərçivələrini də sındıran müştərilər olur. Öz valideylərini, dostlarını, rəfiqələrini gətirənlər də olur. Onlar bizdə müştəri kimi olurlar və yaxınlarına stressi bu üsulla çıxarmağın həqiqətən də işə yaradığını deyirlər.

 

 

- Bizdə adətən televizorlar, noutbuklar, printerlər sındırılır. Mənə elə gəlir ki, bu da iş stressi ilə bağlıdır.

 

- Burada sındırılan əşyaların heç biri yararlı deyil. Biz onları təmir yerlərindən, yaxud da şəxsi insanlardan pul ödəməklə alırıq. Bəzən yaxın dostlarımız da bu işdə bizə köməklik göstərirlər. Əşyaları müştərilərə özümüz təqdim edirik, amma müştəri də özü ilə sındırmaq istədiyi əşyanı gətirə bilər.

 

 

- Bəli, stress otağından istifadə ödənişlidir. Məbləğ əşyaların böyüklüyünə və sayına görə dəyişir. Qiymət müştərilərin büdcəsinə uyğun aparılır. 5-10-15-20 manat ödəməklə müxtəlif əşyaları sındırıb, stresslərini çıxara bilərlər.

 

 

- Bəli, ola bilər ki, müştəri öz evində və yaxud həyətində də əşyaları sındırsın. Sadəcə bizdəki əşyalar yararsız olduğu  və onlar sındırmaq münasib qiymətə olduğu üçün bura gəlirlər. Evdə qəfildən əsəbləşib televizoru sındırmaq istəyirsən və bir anda dayanırsan. Düşünürsən ki, bu televizor işləyir, mən onu sındırsam müəyyən məbləğ ödəyib yenidən təzəsini almalıyam. Yaxud da başqa bir əşyanı. Amma bizdə sındırılan hansısa bir əşya üçün kredit götürüb nəsə almağa ehtiyac yoxdur.

 

- Stress otağında təhlükəsizlik qaydalarına əməl etmək çox vacibdir. Bura gələnlər təhlükəsizlik qaydalarını imzaladıqdan sonra otağa daxil ola bilirlər. Otağa yalnız yaşı 18-dən yuxarı olan şəxslər buraxılır. Müştəri xüsusi geyimdə olur. Onun əllərini, başını, bədəninin müəyyən nahiyələrini qorumaq üçün xüsusi geyimlərdən istifadə edilir.

 

 

- Bu həftəyə görə dəyişir. Elə gün olur ki, 10, elə gün də olur ki,  5 nəfər müraciət edir. Həftəsonları, iş stressindən sonra insanlar daha çox müraciət edirlər.